又到渣馬，今年田總終於肯用QR code，選手手冊又變成Online版，減少紙張嘅浪費，雖然水站未知會唔會用可重用杯，但總算為環保出返少少力，希望有一日，呢個香港嘅金級賽事，可以做到真·環保，全面廢棄即棄用品，帶頭做到♻️金級綠色賽事🥰
其實講咁耐，係想話俾大家知今年會分開兩個地方拎T-shirt同號碼布，大家記得拎齊晒先好走丫！而QR code嘅安排，究竟伏唔伏？咁就要密切留意我嘅實測報導啦！😝
（靜靜雞話你知，我13號就會去代領選手包~✌🏻）
PS：渣馬賽事手冊已經upload左啦 #係高清版丫
https://www.hkmarathon.com/zh-h…/race-handbook-marathon-chi/
#渣打馬拉松 #渣馬2019
#新嘗試 #BetterThanNone
#環保點
【渣馬2019領取跑手包攻略】
📌呢個post 真係一定要睇👀，同埋share加tag 俾你識而又報咗渣馬嘅朋友。因為實在太重要啦💥!!
今年「渣打香港馬拉松2019」領取選手包將會跟以往好唔同，記得出示早前經由電郵發出嘅QR Code或者跑手可以到:
1. www.hkmarathon.com 揀選已報嘅賽事
2. 下載附有特定二維碼(QR Code)嘅跑手包領取書
***同已通過電郵發出的(兩者都係一樣，如果已經收到email，就唔洗再下載。麻煩晒，唔該晒，打擾晒🙇🏻 )
3. 於2月13 – 16日(請留意下面詳細時間)到銅鑼灣維多利亞公園6號足球場先領取號碼布，並且可以到同樣喺維園嘅中央草坪(即以往領取跑手包嘅地方)再領取比賽跑衣及其他贊助商送出嘅禮物
🏃🏻♂️🏃🏻♀️🏃🏻♂️🏃🏻♀️🏃🏻♂️🏃🏻♀️🏃🏻♂️🏃🏻♀️🏃🏻♂️🏃🏻♀️🏃🏻♂️🏃🏻♀️🏃🏻♂️🏃🏻♀️🏃🏻♂️🏃🏻♀️🏃🏻♂️🏃🏻♀️
為咗鼓勵跑手減少⬇️使用即棄紙杯同膠樽，今年大會將預備3萬多個可重用摺杯俾大家無論喺渣馬比賽、平時訓練以及外出時，都可以用嚟斟水飲用。仲有我地為左鼓勵跑手用少D膠樽，跑手返到終點就可以用個摺杯斟水。既方便💁🏻♀️又環保♻️
重用摺杯會喺2月13號起於領取跑衣時派發。數量有限，想要就記得早D入場拎咗先!
領取跑手包及渣馬嘉年華開放時間:
領取跑手包(號碼布) - 地點:
維多利亞公園硬地6號足球場(即近天后方向籃球場旁)
渣打香港馬拉松嘉年華 - 地點︰
維多利亞公園中央草坪
2019年2月13至15日(星期三至五) - 下午3時至晚上9時正
2019年2月16日(星期六) - 上午9時半至下午5時半正 (嘉年華部分將於3時關閉)
✨✨✨✨✨✨✨✨✨✨✨✨✨✨✨✨✨
💡知你地實有問題問💁🏻♀️
Q: 之前收到嘅電郵QR Code 同官網下載係咪一樣?
A: 係，如果之前已經收到電郵就可以睇返上面個時間去攞號碼布同比賽跑衣。
Q: 今年將會有個新安排，就係號碼布同比賽跑衣係會分開派，號碼布會喺維多利亞公園硬地6號足球場派發，而比賽跑衣就會喺中央草坪到派。🤷🏻♀️究竟我地點解要咁做?
A: 因為喺派發號碼布同比賽跑衣嘅同時，維園場內亦同時準備17號比賽日終點及行李區設置，由於我地需要喺16號日落西山前快速變陣，所以就要分開號碼布同比賽跑衣嘅派發安排。嘉年華亦因此要提早到3點關閉。不便之處，敬請原諒🙇🏻
Q: 點樣先可以攞到個可重用摺杯? 點解又唔做夠7萬8千個呢?
A: 只要2月13日開始，領取跑衣時我地就會連埋個杯於現場一齊派發，早D嚟攞就有。我地就係想你地唔好留晒星期六先嚟嘛。到時人又多，攞野時間又等得耐，我地就唔夠時間變返比賽日個陣啦。個時就🙈
Q: 係咪一定要先攞號碼布，先可以去攞比賽跑衣?
A: 🙆🏻♀️係，🙆🏻♀️係，同埋🙆🏻♀️係。由於時間關係，上面已經解釋咗，所以緊記要攞咗號碼布先好去攞比賽跑衣。
Q: 攞唔到杯或者無帶水去跑，會唔會無水飲？
A: 唔會無水飲，大家放一萬個心，大會喺賽道同賽後都會有水提供。
Q: 點樣先可以🏃🏻♂️快D去攞到塊號碼布?
A: 最快捷方法就係喺天后興發街方向入口到6號足球場，拎定張身分證同埋開定個手機📱出示QR Code，咁埋到攤位一scan，工作人員就會為大家送上號碼布架啦。
