日常生活的兩塊碎片
一.
我：「放左一日假，我有三十封郵件未讀啊...」
上司：「我一日都收250封啦，你不算什麼啦，我睇左一朝早，都仲有200封...」
我：「你有冇將郵件分類呀？分左類會比教容易知道咩係要緊急處理。」
上司：「係點分類架？」
我：「Set rules囉！咁就每一個重要的人，發郵件給你，就會去左那個folder，你就不會miss啦！」
上司：「那麼你有什麼重要的人？（探頭過來看我的電腦）」
其實Folder只有一個，就是他的名字。
我：「(尷尬）.........」
上司：「（默默回到旁邊座位工作）..........」
上司：「（三十秒後，輕聲）謝謝。」
我：「（咬著茶杯，輕聲）閉嘴。」
————————————
二.
老公：「你想睇邊套電視呢？」
我：「無所謂啦，反正我睇緊書，你揀套自己鍾意嘅睇啦！」
老公：「好啦，咁我睇xxx啦！」
我：「梗係貪人地個男主角靚仔啦！」
老公：「唔係呀，佢咁老...」
我：「佢好老咩？幾多歲呀？」
老公：「（脫口而出）同你一樣咁大囉～」
我：「我X你X你X你X你X你！！！！」
老公：「唔係呀，我唔係話你老呀...」
我：「你仲要講！你仲要講多次！！！！！」
然後，我嬲左佢。
#呢個星期你真係唔好諗住有得啪啪啪
#我聽日後日大後日都唔會返屋企煮飯
#你食自己啦你
#唔好勞煩我老人家煮飯呀
#虐老呀你
#佢仲要一臉理所當然咁講出黎先好野
#31年黎咁耐都冇人敢兜口兜面講過一句我老架
#元宵節開年
#你地唔駛同佢求情
#聽日我就call愛協黎拉佢人道毀滅
#作反啦
