有日一個後生仔嚟到診所。
佢行埋嚟問我：「分泌物多到好似源源不絕咁有冇得睇？」
我：「我唔係醫生答你唔到呀，我可以同你登記，你再同醫生講呀」
佢：「幾錢呀？」
我：「診金三百蚊包兩日藥，抗生素藥膏眼藥水會另外收費嘅」
佢：「冇藥呢？」
少年，你冇聽過維他命係百搭嗎？
我：「都會收三百啊，本身診金已經包咗兩日藥，如果你冇藥嘅話醫生都可能需要寫轉介信俾你去專科」
佢：「鼻屎多都要睇專科？睇邊科呀？內分泌呀？」
…其實有耳鼻喉嘅。
我：「呢啲要同醫生傾呀，我唔係醫生嘛」
佢：「咁樣都俾錢好似有啲白痴」
我唔介意你而家轉身就走㗎，廢事大家再白痴落去啦，我已經痴無可痴新低點嚟㗎啦。
我：「你需要登記嘅再話我知呀」配以一個親切嘅微笑。
佢望住我冇出聲。
我又望住佢，其實我想睇吓會唔會有機會見到啲鼻屎多到跌出嚟…如果唔係多到咁，又點會覺得有需要睇醫生呢～
佢：「你望咩呀？」
你唔望我點知我望你呀。
我：「睇吓你仲有咩需要？我仲有咩幫到你？」
佢：「你唔係寫轉介信俾我去內分泌科咩？」
…做咩係都要啄住個內分泌啫。
我：「轉介信要醫生寫呀，醫生都要見咗你，了解咗你係咩情況先可以寫到轉介信，你係咪要登記？」
佢『嘖』咗我一聲就轉身離開診所。
唔好諗住自己去內分泌科呀，專科要轉介信㗎。
你唔望我點知我望你 在 我偷偷看，我偷偷望- U Magazine 的推薦與評價
我偷偷看，我偷偷望～ ＃你懂的＃暗戀那些事兒＃ 你唔望我點知我望你 喎. ... <看更多>