Search
早前到「裝修吧」玩diy，第一次玩木工造床頭櫃，櫃子設計造型簡單（if not簡陋），而且以為不用鑽孔就會很容易😂雖然很累但好玩，之後會發佈足本影片與大家分享製作過程～辛苦曬裝修啦Baby！同我一齊拍片，由日抖拍到天黑呀，並感謝裝修佬 - 香港一站式網上裝修平台提供場地和協助🙏
#縛雞之力
#我個親生仔呀
#岩岩蠶蠶
#但始終係我親生仔
一個好爸爸 ( 高松傑 Jacky Ko )
唱歌 :世上只有爸爸好
唔知大家有冇睇過一部電影叫"一個好爸爸"呢?
裡面既主角表面上雖然係一個黑社會大佬，但係佢喺背後為左女兒既改變同付出 , 喺佢女兒心目中憾稱一個絕世好爸。
"好爸爸"喺每個人既心目中既定義都各有不同，
-有D人想要個 ：富爸爸，要乜有乜",
-有D人想要個： 成就爸,好似選到特首甘,幾威呀 ,
-有D人想要個 ： 體貼爸，乜都同佢安排好晒，
-有D人想要個 ：恐武有力爸，好似我甘 ~事事都為佢出頭" 在場既女士係咪想要一個呢？
種類各有不同...
而我冇大家咁好彩啦，由細到大我只係得半個好爸爸，因為爸爸媽媽喺我未出世既時侯巳經離咗婚啦，所以我冇大家甘幸福可以每日見到爸爸，唔駛講啦~生病入醫院，家長日，學校旅行,做功課溫書,都係冇爸爸陪既，而且仲喺我10歲既時候發現左一個小小既秘密，連我爸爸媽媽一直都唔知道架~ 就係 ~~~~ 殊: .................................原來我並唔係爸爸親生架。
有時我知道幸福並唔係必然既，而凡事亦都不能夠睇表面，一定要了解事情既全部，雖然我唔係爸爸親生，但係佢亦視我如己出，努力工作賺錢去養大我撐起成頭家，雖然爸爸好窮，買唔起d好名貴既嘢俾我 ,但係佢經常同我分享人生，令我每日進步,我覺得呢d先係無價寶呀 。 每個人喺人生都會有低潮既時侯,而我呢個令仔亦都唔例外， 喺我人生最挫敗既時侯，友人出賣我，愛人離棄我，親人亦都睇唔起我，但爸爸總會鼓勵我支持我，使我喺人生谷底裡，努力堅持，仲拎咗唔小寶藏。
爸爸亦用佢最後既生命同我上左人生上最寶貴既一課，佢由生患癌症開始,一直同病魔作戰，佢不但樂觀面對逆景,經常鼓勵我做人要看前向前看~ 直至上年十大傑出青年選舉頒獎典禮,當時我既職責係照顧得獎者,突然間~我收到醫院既電話,醫生話佢病發入左急室,我當時好心急,好想立刻去睇佢,但係爸爸佢唔俾我黎, 佢同我講:爸爸無本事,佢冇能力幫人,但係佢好開心,因為佢個仔有能力去服務社會,幫助別人~：「不求個人私利，但求完滿工作。」佢要我堅持做到最後,直至完成為止~ 到第2日,爸爸病逝了
喺爸爸呢段奮鬥過程,我力力在目,而爸爸這一份偉大,不屈不撓，「向前看」既精神，亦影响咗我一生，令我以「向前看」做一個宗旨，
萬事怕有心，功到自然成。佢經常同我講成功對每個人其實都只需要兩步。一步開始，一步堅持。而我亦用左爸爸教我既嘢 ~創立左"加油同盟" ,透過每日分享正能量 ~去感染和教導"年青人"。 每日向前看
我透過小小既故事分享想話比大家知道，一個好既爸爸未必要好有錢、好有成就、亦未必會任何事情都會做到出面講到出口 ，但係佢地對我地既愛，好多都係埋藏心底，要我地自己用心去體會，先至可以感受到，最後送俾大家一句，珍惜眼前人，特別係爸爸，因為下一世，無論愛與不愛?都未必會再相見。
唱歌 :
遙遠的爸 不可以再歸家我在夢裡卻 始終只有爸遙遠的爸 可知我心中的說話熱情並無變 那管它滄桑變化啊...
最後我要多謝我呢位偉大既爸爸，以前我好勝、唔識諗。痛苦會改變一個人，經歷能造就一個人。今日既我已經真正學懂「向前看」、學懂放下。並且積極面對生命。並希望上天可以張我既說話帶到俾我爸爸 :
如果下一世可以楝,我都會棟做 高詠諵既兒子
兒子高松傑敬上
我想分享有兩樣嘢:
1）珍惜眼前人。
2）每個人的背後總會有很多人支持，與其有千百個原因説不可能，不如告訴自己一個「堅持」的理由^^ 願各位兄弟姊妹共勉之！齊心合力撐香港！
