讀者投稿《事事計較奶奶篇》
先簡單說一說屋企背景。
我父親早10年已經離開了，我有一個姐姐，但姐姐已經搬走了，所以一直只有我跟媽媽一齊住，直到我結婚，慶幸我老公屋企有4兄弟姐妹，所以我老公同我結婚後，好自然搬左黎跟我媽媽同住，當然6299都係好唔高興，而老公嘅弟妹更說出口覺得我老公入贅我家，依樣野令到我老公好唔開心，不過我老公都無理會，由佢地繼續講。
婚後一年多到我個仔出世，99就不停叫我老公搬屋，甚至出去租屋都要租，話交代唔到啲親戚，但係經濟上我地唔想加重負擔，因為租金都講緊檔房都要幾千蚊，都仲未計洗費，而媽媽間屋係3房2廳既村屋，空間已經足夠我地住，開頭老公都有因為99既說話都動搖過想搬走，好彩最後老公都係聽我講，我分析好比我老公聽，首先99同媽媽兩面我地都象徵式比幾千蚊做家用，老公份人工先差唔多2萬，如果我地再搬出去住，租屋已經可能去到人工既4分1，再比埋家用，再計每個月開支，可能先岩岩好，變相所餘既錢一定唔多，搬離左我亦可能要全職照顧小朋友無得間唔中做兼職。
因為同媽媽住，做兼職既時候媽媽會幫忙照顧小朋友，而我媽媽本身有物業收租過活，其他生活上開支都唔需要我地付，可能大家都有覺得我好似大部分向錢看，但係而家香港既生活，確實係好現實，每人每日訓醒都係支出....租金，車資，飲食...
我覺得99唔為我地去諗都算啦，我老公識諗就得，但係唔開心既事接連發生咁，上年我姐姐患病好年輕就走左，事隔不到半年我再到外公離開...媽媽一個又一個既打擊，完成所以喪禮後，我地同媽媽去左個旅行當散下心，星期日又會同佢出去其他地區食野，周圍行下，再簡單裝修一下屋企，換一換啲顏色，令環境舒服，媽媽心情都好好多，可以投入番佢既圈子，同啲師奶做下義工，做下運動，點知99就開始發功....
99又要我地一家三口同佢去旅行，因為佢話我地同得我媽媽去就要同埋佢去，邊度都要去，點都要去一次，我老公應承左佢，我開頭都有啲擔心，因為淨低媽媽一個係屋企，不過我媽媽話佢無問題，叫我地放心去玩，叫我老公都陪下我99，咁ok照去。
到去完旅行番黎，99就話間屋有啲舊要裝修，番新一下啲油同重新𠝹過啲房，但係佢話得2，3萬預算，叫我老公幫佢搞掂哂，心知根本無可能咁小預算就做到...加上連續去完兩個旅行，都已經用左幾萬蚊開支，我媽媽既機票酒店都有比番我地，只係其他雜費我地支付，但係6299就無，成個旅程都係我地支付，而家再話裝修個度計埋都要10幾萬，(後期講講下要成屋地板都要起哂出黎再重新舖過瓷磚)話裝修好留比佢細仔第時結婚住(ps個度係公屋，唔係自置物業)，但係我叔仔係岩岩拍左拖幾個月...
我問番我老公真係有需要裝修?? 而我屋企之前簡單既裝修都係我媽媽自己支付，因為佢都唔想加重我地負擔，我無話唔會幫6299但係其他費用點解一定係我地全數去比...間屋又唔係我地住，到我老公諗諗下都覺得99係有問題，所以唔就範，我99就講左啲好難聽既說話，話我呀媽一定唔係好人，所以個女同老公先咁早死。
我聽完真係把幾火，忍唔住即刻抱埋個仔走，自問我從來都無要求過夫家個便為我地做啲咩，亦都好多時應佢地既要求去做，佢地大時大節食晚飯，我媽媽都一定會叫我地就左6299先 ，因為佢唔想我老公難做，而家竟然換來咁既說話，我真係好難接受亦都好唔想見到99，生老病死從來都唔係我地常人可以控制得到，點解要講啲咁既說話.....
人生八苦，分離最苦。
希望99佢會好好珍惜有老公，有兒女陪伴自己既日子。
#退一步海闊天高
#我的極品四大長老
人生八苦分離最苦 在 輔仁媒體- 「人生八苦，分離最苦」這是tvb其中一套電視劇的 ... 的推薦與評價
「人生八苦，分離最苦」這是tvb其中一套電視劇的一句對白。雖然這只是一句由編劇所想出的一句對白，但確實在現實世界中，分離是最傷心最痛的一回事。 ... <看更多>