特登避開年初三赤口先開呢個地圖炮。呢篇文原先諗住係響2021年年頭寫，不過太多嘢要兼顧，所以搞搞下變咗牛年展望。成個2020年隨住抗爭消亡、疫情興起，基本上可以話眨眼就過，同個個禮拜打大交，充滿住各種變數嘅2019年可以話完全唔同。
遺憾嘅係本來應該作為沈澱反思，重新擬定抗爭路向嘅一年，結果卻係比班欺世盜名搵笨七嘅騙徒、學棍建構咗一個又一個爭權奪利嘅騙局：剩係睇住沈旭暉吹噓35+選泛民特首奪權計劃再加一眾黃標KOL如XXXX等人響後面搖旗吶喊全力支持，然後響中共大石責死蟹後走佬嘅走佬、明明出哂Post撐，而家怕被拉反口唔認有撐過（我就黎懸紅徵求番個Post嘅Cap圖，以前有網友Cap過比我睇）
我唔係話全部掛住黃絲招牌嘅人都係呃錢，例如好似鄭文傑呢啲，係真心想打國際線，一眾響前線衝過嘅素人區議員、真心救過手足嘅黃店（無錯，其中一間就係好多人屌嘅龍門；又例如而家已坐緊監有份開嘅椰子士多），但一年落黎，你會發現真心做嘢嘅只係剩番極少數。
1. 好簡單，當日黃色經濟圈係為咗支援手足飯都無得食嘅困境，但今時今日仲有幾多黃店有做呢樣嘢？
2. 點解一年落黎無事無幹，咁多黃店煮嘢仍然咁撚難食？係咪掉番轉因為剩係識煮屎，所以先掛住「黃店」兩個字呃人幫襯？
3. 點解有黃標KOL可以將旗下食肆偷偷地將股份賣比藍屍套現？點解仲可以響交收期間繼續當自己係黃店賣廣告？點解仲有黃店APP當呢間舖頭係黃店？點解傳真社只敢搞龍門唔敢搞呢間黃藍合作店？
然後單嘢爆出黎連登仲有人幫佢護航？
4. 明明黃色經濟圈係為咗幫最窮果班手足，但點解今時今日班黃屍嘅錢一面倒聚哂去燒山、沈旭暉、劉細良、XXXX呢堆荷包漏油嘅KOL身上？
5. 點解我地旨意果班國際線KOL去幫我地爭取海外支持，但最尾竟然變成海外政黨嘅走狗之餘，黃屍捐比佢地嘅錢仲掉番轉走去抹黑番幫香港人嘅特朗普？然後勇武派去咗外國攞埋居留權後，就掉番轉頭幫飯民洗白？
6. 點解有班黃標KOL明明知道特朗普輸梗、共慘黨無可能容許飯民奪權，為咗收視卻可以作埋啲「特朗普會反勝」、「35+會嬴」呢啲精神鴉片比班黃屍傻尻課金黎吸？
7. 點解成日話要爭取海外支持，自己就身處海外果班黃標KOL，結果拍親嘅都係廣東話Youtube片，呃極嘅都係香港黃屍廢老嘅錢，而唔係真係講外語話比班外國人聽香港究竟發生咩事？
8. 點解咁多擺明呃人、籌完錢自己落格一半然後仲可以企響道德高地話自己救手足嘅眾籌騙局，大家仲可以自欺欺人覺得咁樣無問題？
9. 鄭宇碩之流走佬離開香港係佢自己個人決定，無乜值得抨擊之處。但可唔可以唔好無恥到尻噏自己繼續「遙距抗爭」？咁同你班花膠台當日笑尻熱狗「念力抗共」有乜分別？
10. 早兩日聽見燒山講傑斯單新聞時不停自我審查do走哂啲鬧共產黨嘅字，我就覺得好x悲哀。就算係玩膠都好，喂今時今日響國安法嚴厲打壓之下，身處響安全地方嘅KOL，唔係更應該講一啲身處香港嘅人唔敢再講嘅內容咩？
然後就連燒山自己都講，唔單止佢，就連響其他同佢一樣走咗佬去海外嘅KOL，都已開始講嘢就住就住，而呢種自我審查都不出兩個原因：一係對番番黎香港仲有一絲希望，唔想做時事評論講到咁盡斷哂自己後路；二係香港仲有大把生意做緊，食緊抗爭人血饅頭，生怕得罪共產黨被拉人封舖──每當見倒劉細良同燒山口中猛講「香港己死」，同一時間就喜形於色咁猛講自己時代冰室／人民超市響香港多開幾多間分店／城寨觀塘舖頭又有咖啡豆賣，你就發覺呢班撚人有幾口是心非。
我唔係話國際線、黃色經濟圈、黃標KOL完全無用，但同當日議會入面嘅飯民一樣，呢三樣曾經賦予香港人希望嘅路線經已金玉其外、敗絮其中，唔推倒重來，只會延續佢嘅腐化，令佢繼續拖香港民主進程嘅後腿。
當然呢個時候又會有黃屍撲出黎護航，又講埋啲乜尻「咁唔通咩都唔做牙」、「咁你又有乜高見」之類。所以而家我就話比大家聽我嘅高見就係：
同當日狙擊賣港販民一樣，響講乜嘢抗爭策略之先，就係要先去除內部果班敗類：過往太多人借住「不分化不割席」對呢班敗類不聞不問，反而走去捉真勇武義士，屈佢地係鬼。今時今日無哂抗爭，我唔明點解仲要對班欺世盜名搵笨七嘅黃店老闆、國際線代表、黃標KOL再容忍落去。
做實事嘅，可以繼續幫襯；至於邵嵐、書生百用、眾新聞呢啲抹黑特朗普嘅垃圾，當然就係要全面斷絕課金作為懲罰。懷疑呃人錢嘅，叫佢公開條數出黎：點解個個賺大錢嘅KOL唔敢拎條大數比人睇？咩原因唔見得光？仲有開口埋口話筆錢會用黎救手足果啲，而家你走撚咗去外國唔怕比人迫害啦？捨得話比大家聽你筆錢用咗去邊未？
但我相信呢股堅持去到最尾都無乜用，因為黃屍要嘅並唔係要知道真相、真係做倒嘢，而只係要買贖罪券、精神鴉片、一個比自己可以安心訓覺嘅藉口，那怕係比人呃──神棍角色不過被學棍取代而已。
所以去到最尾，都係要香港生，抗爭三大災：黃色經濟圈、黃標KOL同埋國際線同議會戰線一樣，都係要黎個置諸死地而後生，先有開創新局，唔係就好似飯民一樣，呃足你幾十年先發現原來假抗爭，可以搞幾十年一事無成。
人民超市app 在 【下載人民超市App優惠】... - 人民超市Peoples Market 的推薦與評價
由12月16日至12月31日，凡親臨任何一間門市顯示已下載的人民超市App，即可享以下4款飲食天王現金劵(小肥牛/ 滾得棧/ 百樂金宴/ 養心殿台式養生火鍋) 75折優惠，數量有限， ... ... <看更多>