關於 主幼商場評價 ，我們在網路上蒐集到這些相關的討論、資訊與評價

#小編去開房 之 馬哥孛羅酒店 抵玩包三餐優惠實測（上）

Marco Polo包三餐超抵玩優惠再度歸來，不過網上評價就好壞參半🧐小編今次再次身先士卒去實測一下先🧐

🎊優惠詳情🎊 https://flyagain.la/90430
🎊預訂網址🎊 https://flyagain.la/a5hx
📍預訂日期📍 即日起～3月21日23:59
📍入住日期📍 3月18日～5月31日

🍰下午茶
下午茶時間check in時會問返，講心水時間就得啦！小編上房冇耐就送上房，係三層架tea呀！🤩（酒店話係咪三層架係視乎供應）連埋個海景打卡真係一流～有咁多款好難逐個評價，小編就覺得最低層的朱古力撻、士多啤梨奶凍、藍莓芝士蛋糕，以及中層的煙三文魚卷最為出色，食完一件都感覺太少！🤤

朱古力撻入口好爽脆，個味名口感都好似金莎，好令人回味😍；藍莓芝士蛋糕好實，有芝士蛋糕應有的實感🤓；士多啤梨奶凍好清新，冇藥水feel，奶凍都好有奶味，同埋好滑溜；而煙三文魚卷就比教厚實，配上酸酸的cream好夾～😋

至於其實款式就比較普通，但都唔係難食，不過呢啲好講個人口味既～😂（小編覺得mini scone幾好，唔會頂到你好飽，但就略嫌乾身咗少少🤨）下午茶會連埋一杯茶／咖啡俾大家，職員送入房時會幫你斟埋，感覺好高貴呀🥳（誤

🍝晚餐
晚餐都係約定時間送上房俾大家食，對於小編呢啲懶人嚟講真係一流～😛你睇圖可能話，點解啲圖咁熟口面既？🤔係小編錯，小編掛住食忘記自己的任務，食到中途先驚覺自己冇影相！😱唯有借住訂房網啲圖頂住先（有怪莫怪🙏）

前菜煙三文魚配魚子醬，hmm魚子醬就真係比較少😞（呢個價錢仲想點！），但就唔腥既，配埋煙三文魚+菜食唔錯！芝士焗龍蝦好惹味，芝士控小編表示好鍾意！🤩 龍蝦肉比較彈牙，份量都就幾足！另一個主菜阿拉斯加蟹肉莧菜雲吞，唔好睇佢好似好少，都幾飽肚下！個香草汁簡直係雲吞的點綴，好惹味～

最後個甜品就係tiramisu，反而小編覺得最驚喜係佢！🥰 佢大大杯份量就夠哂，而且食落去咖啡同cream味唔會互搶，和諧共存，而且口感好幼滑，忍唔住一啖接住一啖食，好快就食哂～😋飲品同下午茶唔同，佢會擺兩大罐咖啡同茶喺枱，你鍾意飲咩就自己斟～😘

🍞早餐
早餐係唯一一餐要離開房食既，係自助早餐形式，餐廳另一邊連住海港城，好有去商場食飯feel幾有趣😂早餐選擇都幾多，基本嘅即煎蛋、即整麵、煙肉、腸、麵包、乳酪等全都有，比較特別係有點心同亞洲式早餐揀，同埋有部看似高科技的pancake機玩下，詳情可以睇圖+caption喔～😉

未完待續…

《第二人生，你好》書摘與心得
#小資夫妻愛讀書
步入中年之後開始對於老化的議題感到興趣，逛書店時總是會對於這類的書籍多看一眼。
這本亞馬遜讀者有高度評價的《第二人生，你好》，可愛活潑的書封設計和文字，就非常引人注目，如此健康又幸福的老年生活，令人嚮往，而且絕非富貴才能及，是一般受薪家庭能夠達成的。

整本書的文字純樸而簡單，平舖直述說著作者bon和pon這對銀髮夫妻如何展開第二人生，是一本閱讀起來非常輕鬆沒有負擔，但又能帶給自己對於退休生活準備反思的好書，一篇篇的短文和照片互相搭配，沒多久就讀完了。
讀完之後小資夫妻有點信心，因為，我們似乎也正朝向這樣的目標邁進喔！來看看書中提到的，我們有共鳴的細節吧！

★Second Life
退休後找尋人生中所居住的最後一個家，選擇的重要考量包括：
(1) 合適的地點─要住清幽的鄉下好？還是便利的都市好？
(2) 合適的房子─價格如何（要可以負擔）？房子大小、周邊的機能如何？
Bonpon的選擇是從鄉下的透天厝，搬進周邊機能較便利的單層式公寓，不僅打掃省力輕鬆，未來無法開車時，交通與機能也都足以應付生活所需。

★Bonpon的住
決定好居住地點與房子之後，就要展開房子部分整修工程，以及準備搬家了。書中提到的斷捨離秘訣：
(1) 捨棄大量物品，減少到原有的十分之一。
(2) 採購家具時，選擇平價商場如樂天網購、IKEA、宜得利。生活家電也縮小規模，無論是家具或家電，都不佔太多空間。
(3) 不增加收納空間。
(4) 簡單生活的裝飾。
Bonpon對於居住裝潢採用同一色調設計，簡潔明亮，兩位都是設計背景出身，對於營造美感空間頗擅長。小資夫妻也很認同他們簡單生活的裝飾方式，我們外出旅遊時的紀念品或日常所需的物品採購，從不買太佔空間的東西，以免幾十年後要斷捨離時，會糾結萬分啊！

★Bonpon的衣
他們的爆紅應該是從經營IG，成為日本銀髮夫妻網紅開始的吧！有別於一般的老年人，兩人外出的造型總是搭配得宜。這是我們特別喜歡的幾個部分：
(1) 決定不染白髮，所以服裝造型會挑選時尚的設計款，甚至頭髮也自己剪。
(2) 彼此會互相搭配衣服，有一套屬於自己風格的搭配心法，書中分享的從衣著配色、到鞋襪挑選、包包搭配、眼鏡都有。
(3) 均採購平價服飾，最喜歡的品牌是uniqlo。
(4) 保持素顏，以熱水洗頭，使用簡單的平價保養品。
以維持天然的方式來打理外觀，卻不帶給人蒼老的感覺，是件不容易的事情。這部分可以做為我們未來努力的目標！

★Bonpon的食
與女兒分居，重新回到夫婦兩人生活的Bonpon，飲食方式健康而且準備起來一點也不困難。
(1) 總是散步去採買，而且選擇超市中便宜的產品。
(2) 一天兩餐，都是簡單的餐點，對於食物也沒有太高要求。固定吃「較晚的早餐（吐司、蔬菜、火腿、雞蛋）」和「較早的晚餐」（糙米飯、炒青菜、味噌湯）」。還是會吃些零食。
我們老是外食主義，過油過鹹造成身體上的負擔，最近也終於開始懶人料理法自帶便當上班了。看了他們的飲食習慣，烹調簡單、不需要高額費用、又能夠維持健康，這樣的方式我們也會從現在就開始持續到老。

★Bonpon的日常
退休後的生活，沒有年幼子女要照顧，也沒有繁忙的工作，清閒的日子中仍要有生活的重心。平凡生活的退休日常大概是這樣簡單而自律的：
(1) 家事兩人擔。
(2) 維持正常作息、生活步調和每日固定的例行公事（例如一早就要打掃）。
(3) 有一起共同做的事情（例如看電視劇、逛美術館、日歸小旅行等）。
(4) 對話少卻自然過活。
過著自律且有步調的生活，也會讓退休後的生活和健康都更能維持。而且無論是否有伴侶或者只有一個人也好，都要有一些行程、興趣，和能夠陪伴做一些事情的人。能夠擁有就算不說話也能自然相處的人，是非常珍貴的。

★always together
Bonpon夫妻最令人羨慕的就是兩人的相處之道，以及很多事情都是一起。這些是許多在一起一輩子的夫妻都做不到，但對老年夫妻生活滿意度很關鍵的事情：
(1) 培養一起運動的習慣（Bonpon夫妻是持杖健走）。
(2) 養隻貓咪。有寵物能增加共同話題，而且貓咪也很有療癒效果。
(3) 跟得上時代。Bonpon夫妻一直都是很早就開始接觸新科技（電腦、各種社群軟體），還跟女兒一起變成Glay的粉絲，創立粉絲團也經營得有聲有色，社交生活活耀。
(4) 兩人個性互補，而且互相感激。
(5) 對未來積極，有很多想做的事情和計畫。
沒有不吵架的夫妻，但彼此的相處總是能夠互相珍惜，而且培養許多一起做的事情，也積極學習新事物、維持社交，都是能夠保持身心健康的重要因素。我們不確定能夠做到多少，但這樣的互動模式，很值得我們學習。

或許我們離退休生活還非常久遠，只是個性深謀遠慮了些。
但看了Bonpon夫妻平實而幸福的退休日常，覺得從現在就開始準備也不算太早。金錢的準備、健康的維持、美感生活的細胞培養、良好習慣的養成，其實都需要時間，越早開始思考，就更能朝向想要去的路邁進。

你離退休還多久？你的第二人生理想藍圖是什麼？你準備好了嗎？

品格下流無關寄生

坊間影評對韓國電影《寄生蟲》評價，大多認為導演批判資本社會萬惡，刻劃韓國社會之貧富懸殊，為主角一家抱打不平，意見相當大路，如非友人極力推薦，我應該唔會去睇。然而，睇完之後，其實導演嘅訊息相當明確，就係窮人之所以窮係有原因，而窮人情緒爆發過後嘅結果，往往亦只係兩敗俱傷一場空。導演對人性醜惡之刻劃，以及階級秩序自然生成之理解，相當深刻，作品可以打動國際電影人，奪得金棕櫚獎，實至名歸。

首先，奉俊昊導演嘅思維，同佢前作《雪國列車》一脈相承，就係寄生蟲無分國界，都有佢地無法上流嘅致命理由。佢承認現代文明同資本主義邏輯，亦理解貧窮苦況，但佢想點出嘅係，人類要唔要成為寄生蟲，其實係有得揀，而以主角一家為代表嘅窮人心態出錯——不負責任、不務正業、規劃無度以及盲目仇富，正正係部分窮人最後自我毀滅嘅源頭，自食惡果，與人無尤。

戲中，有錢家庭夫妻角色性格討好，獲得社會地位，明顯係因為佢地處世有方。丈夫如何成為企業家，劇本未有交代，但從種種蛛絲馬跡可知，佢做人原則清晰，待人界線分明，引人詬病之處相當少。丈夫嘅對白，多次強調只要唔好逾越佢嘅界線，佢都可以接受，例如主角細妹用自己條底褲插贓嫁禍尹司機之後，佢只係話喺前座玩都還好，玩到去佢坐嘅後座就太誇張；主角阿爸行車時掛住同佢傾偈傾到唔望路面情況之時，佢亦有客氣提醒佢專心駕駛，做好本分；而佢客氣拜託主角阿爸同佢一齊扮演美洲原住民畀驚喜細仔，但主角阿爸態度奇怪，無心投入之時，佢嘅回應亦係嚴肅提醒對方要認真打好份工。加上導演多次強調丈夫係最佳企業家，可見就算佢本身贏喺起跑線，都有喺商場上盡己所能，至會勝過其他企業家。

而妻子雖然思想單純，亦略為昧於現實，但佢對家庭亦係絕對上心，處處自省，例如細仔小一曾經受驚，佢就份外緊張佢嘅心理成長，正係表現出佢對小朋友嘅關愛。當全家決定露營，長女唔情願去，佢都唔係用權力或物質去迫佢就範，而係話唔同一家人玩係佢損失，亦反映佢重視家庭。以上事例，所反映嘅都係導演無意貶損有錢家庭，因為有錢人絕對可以係心地善良，處事公道，唔靠作奸犯科致富，事業有成其實可以係精進自身嘅延伸。打破有錢即奸惡，窮苦即善良之刻板印象，正係作品嘅目的。

相反，主角一家倒果為因，認定對方係因為家境富裕至可以心地善良，正反映佢地對自身以及世界嘅認知都唔準確。主角一家趁有錢家庭出外露營入侵大宅之時，個阿媽講咗一句，如果佢係有錢，佢都可以心地善良，但隨後故事發展就已經即刻令佢自打嘴巴。前管家喺防空洞之中，跪地相求，懇請主角阿媽代為照顧避債丈夫，但主角阿媽聽完都係無動於衷，無意憐憫。直至對方發現自己把柄，用電話錄低主角一家如何以父子相稱，主客逆轉，佢又即刻求和，要求前管家網開一面。窮窮相遇，彼此理應互相理解，但可悲嘅係，前管家動之以情，說之以理，再奉上酬金拜託，主角一家都只係考量自身利益，多於共存共榮。最後，窮窮相遇演成窮窮相鬥，妥協無方，集體還原叢林法則，人多力壯一邊自動勝利，可謂突顯出唔講道理嘅窮人一旦掌權之恐怖，如同共產主義社會之縮影——主角兄妹較有人性，會追問前管家夫妻境況，但主角雙親之不擇手段，罔顧他人生死，完全係滅絕人性。

由此可知，前管家雖窮，但品性相對良善，優於主角一家。前管家寄生於有錢家庭，雖有取巧，但佢堅持用自己錢援助自己丈夫，未有貪心，擅取大宅資源，堪稱窮得有底線而有骨氣。相反，主角接到友人介紹嘅補習之後，心生歪念，為咗自身家庭利益，不惜傷害盡忠職守嘅尹司機同前管家，自私自利，而主角一家趁有錢家庭出外露營入侵大宅之舉，亦反映佢地唔識珍惜機會，好好為僱主服務，改變生活，而係的確如同寄生蟲一樣，人心不足，見風使盡艃，禍及宿主。最後主角阿爸殺人而唔自首，更加唔覺自己需要接受法律制裁，思維之扭曲，亦係瘋狂至極。主角一家無藥可救，死不足惜，足證導演無意諷刺資本家壓榨勞工，而係志在探討緊社會寄生蟲為禍之現象。

劇情發展至中段，主角一家經歷暴雨水災避入社區中心。鏡頭對準主角阿爸，安排佢道出自己處世之道，絕對係導演心思所在。主角阿爸不知悔改，惹禍之後，體悟居然係「人生唔好有計劃，有計劃就會有意外」同埋「有期待就會有失望，所以就要隨波逐流」，呢種人生觀，其實正正就係佢地全家淪落街頭嘅原因。所謂天道酬勤，出身係唔可以改變，但心態同努力係絕對有可能改變命運。主角一家只睇到人地嘅成功，從來唔去思考人地背後付出幾多，難得有得為有錢家庭打工，但不論係補英文、教美術、做司機定做管家都做到一塌糊塗，可謂不思進取，自取其辱。窮酸氣味飄揚，的確無法控制，但向上流動，洗脫氣味，係視乎人有幾想擺脫現狀，認真生活。認真生活嘅人，係唔會兼職摺pizza外賣盒都摺到有四分之一係唔用得。有錢家庭多次提及主角一家有特殊氣味，但從來唔會當住對方面前露出嫌棄表情，正係因為佢地識得顧及他人感受，就算對方不如自己，但睇喺主角阿爸眼中，佢就認為呢啲係偽善同狗眼看人低，呢種因自卑而生嘅仇富心理，對社會嘅危害絕對比偽善嘅有錢家庭大。

主角一家家破人亡之後，主角幻想自己賺大錢買起大宅，同阿爸一家團聚，心態似乎有變，但導演不留情咁擊碎佢嘅不切實際，再次反映出佢希望大家唔好對主角一家心存寄望。呢類窮人之所以翻身無期，其中一個原因，正係諗多過做，更甚嘅係得個諗字，乜都唔做，到最後推卸責任於社會不公同出身清貧。不論貧富，任何人都應該要有自知之明，了解自己能力所及，先至再去講目標講理想，如果有目標但能力未及，就應該精進自身，為目標而奮鬥不息，萬不得已，都唔好諉過於人。偏偏，主角一家雖有目標，但全部都係用旁門左道去達成——主角想同有錢家庭長女結婚，打算請替身演員飾演父母瞞騙對方，而唔係諗住靠自己嘅能力去融入對方嘅世界，又係證明佢地得過且過嘅例子。主角一家集多種人性缺點於一身，僥倖得以寄生上流但只係識得殺雞取卵，而唔識長期利用，慢慢吸乾，或用時間證明自己真係可以做好一件事，又更反映佢地只睇到眼前利益，缺乏對未來嘅想像之短視。

反觀前管家夫妻，同樣貧苦，但佢地識得飲水思源，對有錢家庭心存感激。前管家盡心盡力，連僱主養嘅三隻狗仔都會跟住佢出出入入，可見佢係有用心打工。而匿藏喺防空洞內嘅丈夫，以北韓民眾供奉金正恩嘅心態去供奉有錢家庭一家之主，亦可見佢係清楚知道自己係寄生上流，所以唔會仇視對方，而係如同佢自己所講，只有respect。直到主角一家害死前管家之後，佢生無可戀，衝上地面，想同主角一家同歸於盡，復仇目標明確，亦證明佢深明怨有頭而債有主之理，只係有仇報仇，而唔係無理取鬧。寄生蟲有唔同求生方式，蚊蚤之類，取食之後就會離開宿主，蠅蛆之類，則趁宿主傷口外露至乘機入侵，但主角一家不但名副其實寄生，更處心積慮，如同錐蟲一樣損害宿主神經系統，最終奪取宿主性命——劇本安排兩類寄生蟲作對比，用意顯而易見。

寄生上流，同樣可以識得愛人，前管家夫妻相依為命，明顯係願意共渡時艱嘅一對，但主角阿爸對家庭付出少之又少，根本豬狗不如。佢兩次問及有錢家庭丈夫關於愛嘅問題，正反映出佢自以為理解乜嘢係愛，但其實完全無知。第一次，有錢家庭丈夫聽到問題，略為遲疑，思考咗幾秒，至答應該算係愛，而第二次，二人隱身於草叢之內，主角阿爸則係以輕蔑態度去嘲諷對方嘅愛流於形式化。愛係人類想像之物，對於停留生物層嘅生物而言，相當抽象，此之所以，主角阿爸其實根本無法理解有錢家庭丈夫所想，問完都抽取唔到任何資訊，而有錢家庭丈夫之所以唔會不加思索就答愛，係因為佢會反思自己行為配唔配得上有愛。

主角雙親只係捱苦共同體，就算心存不滿都唔可以發脾氣，係因為發完日子都係咁樣過，多一事不如少一事，主角一家趁有錢家庭出外露營入侵大宅之時，二人有共識咁態度軟化，正係最佳證明。而有錢家庭丈夫即使日理萬機，都會抽時間同細仔玩，亦知道如何借助派對儀式去表達愛，就算勞累不堪都願意付出心思去令家人開心，呢啲都係超出主角一家認知範圍嘅家庭想像。而細仔喺花園露營，夫妻留守客廳所發生嘅性愛前戲，亦反映佢地係對對方有超越動物本能嘅慾望，因為佢地嘅性係有交流有想像，係人類性愛而非動物性交。兩相對比，又見思想差異。

普遍而言，中產出身者，的確會流於偽善，甚至脫離現實，但要糾正問題始終唔難。主角一家嘅問題則在於，佢地所受嘅教育都係經後期社教化而習得，而非自幼受家庭薰陶而成，最終發自內心。人類理應學習真誠待人同埋尊重秩序，再學識如何保護自己，而唔係一開始就懷疑他人，以小人之心度君子之腹，次序一錯，就會萬劫不復。人類社會一直進步，靠嘅就係建立呢種共識，如果認定人性本惡，人類就會無法想像同接受人性光輝，最後自然淪落到只識得猜忌努力善待他人嘅好人。概而言之，人嘅真正差異無關階級，成長中見識到嘅人性上限下限以至無限，至係品格嘅分水嶺。

最後不得不提嘅係，貫穿全劇嗰舊幸運石頭所承載嘅象徵意義。主角友人送石頭畀主角，係出於好意，而具體嘅好意，就係帶挈佢去有錢家庭短期代課。導演想表明嘅係，寄生上流之機會，由一開始就係他人借出，主角一家必須誠懇領受，至係對得自己對得人。偏偏，主角竟然背信棄義，明知友人想同有錢家庭長女交往，但都若無其事咁奪人所愛，甚至將等到對方入讀大學至正式交往嘅打算都據為己有，可謂無恥。而一人得道，妄想雞犬皆可升天，透支友人信任，無視是非曲直，德行之薄，令人心寒。

原名《寄生蟲》比譯名《寄生上流》更為貼切，係因為寄生對象唔一定要係上流，只要對方比寄生蟲稍為富裕，稍為顧及道德，就可以發動寄生。寄生係一種不勞而獲嘅心態，非關貧富，而在於如何看待生命嘅意義。主角一家的而且確係社會以至文明中嘅寄生蟲，但於我而言，所謂寄生蟲，並非韓國獨有，而係遍佈全球，不分種族國籍。權力至上，社會道德秩序形同虛設，設想人性至最壞則有利生存，都係寄生蟲最愛嘅棲息環境，經濟有成嘅韓國絕對唔係世界上最多寄生蟲嘅國度。唯有社會文化一直演進，共同體想像一直更新，各地寄生蟲數量至會得以改變，故此，要世界變得更加健康，首要就係盡力感化呢啲缺乏人性嘅生物，而若然感化不果，就唯有狠心懲教，嚴厲整治。資本主義人類文明受到拖累，大幅倒退，係全人類嘅浩劫，電影之人文關懷，因普世皆同而獲得嘉許，合情合理。面對人形寄生蟲威脅，所有人都有責任挺身對抗，捍衛自由，《寄生蟲》出現於如此年代，可謂時代精神之體現，號召戰鬥之呼聲，不可多得。

gnimmm.com/2019/10/10/parasite/