【肥波去街街】麵屋丸京 牛頭角店
#自費 #牛頭角 #濃厚湯底 #拉麵
星期日去咗九展睇戲，
上網見到牛頭角有鋪滿叉燒果款拉麵，
睇完就同肥仔走咗去牛頭角試。
⭐真空低溫調理叉燒拉麵 HK$98
⭐極上拉麵 HK$93
⭐追加粟米 HK$10
我地兩碗都叫咗濃湯。
個湯味道似豬骨湯+醬油湯底，仲有啲油脂喺面。
質地濃厚，係杰杰地果種湯嚟，肥仔就覺得太油太膩，
我自己就幾鍾意呢個質地同味道，只係對我嚟講鹹咗啲啲。
（我本身唔係食得好鹹）
麵就普普通通，彈牙但唔算係最彈，
我好鬼憎食麵食到鹼水味，佢無，抵讚！
（話說喺日本都試過食到有鹼水味嘅麵，唔止喺香港）
極上拉麵上面有半熟蛋，質地做得好好，
蛋白夠滑，蛋黃個溏心啱啱好喺流同唔流之間，
亦有蛋香，只係無乜滷汁嘅味。
兩碗都有大量叉燒，啲叉燒係薄身、帶少少油脂嘅瘦肉嚟，
低溫調理果種叉燒食落比較嫩少少同有咬口，
普通果種叉燒雖然無佢咁嫩，但一啲都唔鞋，
咬落肉質都滑同鬆化，咁瘦嘅肉嚟講係有驚喜嘅！
低溫調理果種叉燒比普通果種無咁濃調味料嘅味，肉味明顯啲。
我自己鍾意普通果種叉燒，因為濃味啲，
肥仔就鍾意低溫調理果種多啲因為佢話好咬口啲，
真係各叉入各眼。
不過順便提一提，有人會鍾意食有炭燒味嘅叉燒，
呢兩種叉燒都係無燒嘢味果種嚟。
麵同叉燒嘅份量真係唔少，加上杰杰地嘅濃湯，
真係唔容易食晒成碗。（可能睇戲食過嘢唔夠肚餓）
⭐自家製餃子 HK$35
餃子煎得香，焦咗果啲位唔算脆，咬落去有少少爆汁嘅效果。
餡料蔬菜比例上多啲，唔太漏。
唔錯，但唔算必點。
其實果度行返去觀塘或者牛頭角都算係喺腳程以內，
觀塘雖然好多嘢食，但好食嘅拉麵真係唔多。
我覺得呢間算係食完會記得果種拉麵嚟，
未必會好掛住，不過如果下次去開附近都會想再去試埋佢個清湯。
麵屋丸京 牛頭角店
店名：麵屋丸京 牛頭角店
地址：觀塘宜安街地下9號鋪
丸京拉麵觀塘 在 麵屋丸京牛頭角店 - Facebook 的推薦與評價
麵屋丸京牛頭角店， 觀塘。 676 個讚· 2 人正在談論這個· ... 京都ラーメンの麺屋丸京の牛頭角店です. ... 麵屋一京・麵屋丸京兩間拉麵店人氣No.1嘅“紫菜栗米拉麵” ... <看更多>