//支持本Page最有效方法，就係Click入去篇文比Clap我賺錢呀！點解響Medium Clap文可以幫我賺錢？：https://goo.gl/uR1xBJ //
之前響陳浩天事件入面，建制飯民都有搬龍門，建制方面代表係有蔣麗芸，而飯民果邊呢，就有同元秋旗鼓相當嘅黃世七。
首先要講當然係呢條蔣麗芸。明明早排先叫人罷賣美國貨；而家取消中美關係法、要求世貿取消香港資格，令香港人唔好再獨善其身，投入祖國陣營參與中美貿易戰，何錯之有？
尤其香港人目前無得參軍打仗，用另類方式「全民皆兵」，有乜問題？其實作為愛國份子，唔單止要堅決支持陳浩天建議，仲應該向特區政府請願，要求香港同中共政府一視同仁，向美國大豆、花旗蔘、安格斯肥牛徵收懲罰性關稅，《Mon Hunt World》下架（是但啦，Capcom都有美國資金架），等全香港由有錢佬師奶去到毒撚一鑊熟，呢啲先係愛國嘅表現
蔣麗芸你想做貿易戰逃兵，你先唔係人，按軍法其實要槍斃架，雖然而家香港仲行緊一國兩制，但一國行先，打靶難免。
但你班黃屍都唔好笑人住，講搬龍門，呢位世七一樣清出於藍。即係黃世七響佢果篇「陳浩天只不過要香港政府咪龍門任搬」篇文，其實又唔係膠得哂，除咗佢話陳浩天乜撚「走去要求WTO踢中國及香港係跟唔足侵嘅玩法」係戇尻之外。
問題就在於，無論係取消香港定中國嘅世貿資格，定係中止美國香港關係法，萬一威脅生效，結果都必然係對香港經濟造成重大打擊──換言之傻嘅都睇得出呢個就係焦土戰嘅典範，以摧毀自身營商環境作為籌碼，迫商家佬企邊就範，所以飯民大老梁家傑先會立刻撲出黎死撐話香港仲有高度自治，應該勸說中共遵守《中英聯合聲明》同《基本法》──然後你黃世七一邊對陳浩天建議大聲讚好，一邊又響度河馬亂屌焦土派，甚至叫人舉報？你究係痴撚咗線定精神分裂？個龍門究竟搬撚夠未呀！
我成日都話，黃屍同藍屍其實都係同一類人，可以一樣咁卑鄙無品，亦可以同樣弱智無知，但無論點都好，我至少覺得你地起碼一致，係反焦土嘅，就唔該反陳浩天反到底，而唔係一邊鬧人焦土係攬住香港一齊死，但另一邊卻期望支爆發生搞到香港經濟仆街。
