《多災多難》
我地成日話美國既科技股好強，香港既科技股好弱。其實，呢兩樣野既中間仲有一樣野係仲弱！講緊既，就係响美國上市既中概股喇。你睇下圖中，背景灰色既線係納指，紅色既線係中概股指數（好多人都唔知點樣去衡量中概股既整體表現，我依家介紹你：KWEB）你就會發現原來當前者正係破緊頂既同時，後者追唔上之餘，竟然係向下破緊一年以黎既底！
究其原因，查實就係呢亭野既定位夠晒衰，兩面不是人！前兩年，美國佬唔like你，屎忽痕、叫起手就搵你黎開刀，話要革扯你，唔俾你响美國上市。今時今日，就連大陸佬、自己友都唔like你，話你好去唔去，去美國洩漏國家安全機密！罰錢之餘，將你隻APP下架！所以家下佢地簡直係裡外都不是人，短期內，都好難有起色（澄清：我講緊既係中概股）
至於恆生科指，查實到呢一刻你都唔可以話佢淡，事關雖則話依家市場上充斥住好多關於監管、調控既利淡因素，但其實指數只不過係黎到區間既底部邊緣，好似好想穿，但其實又未。情況就似足恆指幾次上到29500邊緣，一樣好想升穿，結果咪又係落返黎！所以，大家短線可以做既唔係淡，而係睇清楚27700呢d位會唔會又反彈先，如果唔係盞有排悶呀。
💪🏽
#納指 #恒生科指 #中概股
中概股指數 在 美股標普500周線連2紅中概股周五遇血洗! 滴滴重挫快14% 愛奇 ... 的推薦與評價
... 指數 小幅上漲0.51%，收在4543點，專家分析，市場面臨許多不確定因素，投資人應該回歸股市基本面。#非凡新聞#標普500#道瓊#那斯達克#費半# 中概股 更 ... ... <看更多>