💗傳媒報導💗
20/7 on.cc東網專訊 : 娛樂專題：33D碩士柯嘉琪寫真sell藝術美
（http://the-sun.com.hk/…/bkn-20150720092350940-0720_00862_00…）
多謝Sponsor既無敵直升機🚁🚀很宏偉哦！✨😍
特別嗚謝場Heliservices Hong KongKong
化妝髮型：御用的Mandyuen Makeup💄
【on.cc東網專訊】 近年寫真戰以露肉程度及「胸」器作賣點，今年加入戰團的碩士生柯嘉琪（Kiko）雖擁33D驕人上圍，卻堅拒隨波逐流，寫真以藝術感包裝，亦不屑與o靚模同流鬥Cheap，靠奇招搶客！擁高學歷、九級鋼琴、潛水牌及曾上小型飛機課程的Kiko叻絕海陸空，難怪她目光遠大，放眼將來望成為一個十項全能的女星。
寫真模近年為出位紛紛以騎呢招數搶鏡，惟今年有份推出寫真的柯嘉琪卻玩「另類」，堅持以藝術感及美感作賣點，不屑與模同流鬥Cheap！擁浸大傳理系碩士學位的Kiko自覺有使命推動藝術，希望每張相片都有訊息，寫真中以不同造型示人的她兼具性感、貴氣與艷麗，雖然亦大騷33D身材，但感覺絕不賣弄，可謂今年寫真界的一股清泉！
「做個全能高質女仔」
Kiko於2010年贏得中國小姐香港賽區亞軍，才貌獲肯定，但因要完成音樂系學士及傳理系碩士課程，至今年才全力「發功」出寫真闖演藝圈。外界通常標籤寫真模為「有姿色、冇知識」之輩，惟Kiko除擁碩士學歷及上佳語文能力外，其多才多藝的「履歷表」足以嚇死人！她考獲九級鋼琴、六級電子琴及高級潛水員牌照，並懂滑雪、溜冰、油畫、駕私家車及曾上小型飛機課程，海陸空瓣瓣掂！Kiko自認充滿好奇心，自小已喜愛學習新技能：「希望裝備好自己，做個全能、高質素嘅女仔，人生每日都應該增值，我學嘅唔止係技能，仲係興趣，所以過程辛苦得嚟開心！（有冇遇過挫折想放棄？）學滑雪頭一日仆低超過50次，又好似由小二開始學音樂，易學難精遇過好多次樽頸位，但我相信所有事都要時間去體會，釀一支靚紅酒都需要好長嘅日子，堅持就實有進步，所以唔會輕易放棄！」
「女Cool魔」咩都學
受訪當日，Kiko來到直升機場拍攝，勾起她駕小型飛機在北馬里亞納群島高空飛行並取得證書的回憶，對於很多女生視飛機師為理想對象，Kiko的想法卻與眾不同：「飛機師係好有型，大家都鍾意Sam哥、Cool魔，但我反而想自己做女Cool魔喎，希望有日可以再駕駛飛機翱翔天際！」深信學海無涯的Kiko未有停步，希望做個十項全能的女星，作多方面發展，下個目標是進修演技、學功夫及提升廚藝，她認為每項技能都對演藝事業有幫助，並視鄭裕玲為偶像，欣賞對方的口才及獨立自主的女強人個性。
真愛大過天：唔介意照顧另一半
曾有「翻版徐子淇」之稱的Kiko，被問到是否想複製子淇的幸福少奶路時，她坦言不羨慕嫁入豪門，希望憑自己雙手創造人生：「欣賞子淇係佢仍然增值自己，讀咗個碩士學位。（擇偶條件使唔使有錢？）最重要係人品好、孝順、有才華同上進心，外形就運動型，有冇錢都唔緊要，其實如果真係愛，我唔介意照顧埋佢添！」Kiko更希望有日跟內地女星范冰冰一樣拋出金句：「我就是豪門！」目光果然遠大！
Kiko的寫真以「迷戀」為主題，相片表達她對旅遊、婚姻、自我、音樂及運動等事物的感受。對於要與多位o靚模爭銷量，Kiko不打算比較，並暗寸對手「冇思想」：「唔想評論其他人！但我每張相都有訊息，令大家思考，而唔係凸顯身體某個部位。」在芸芸勁敵中，Kiko只點名讚年屆50歲的「美魔女」羅霖：「羅霖姐姐呢個年紀仲Keep得咁好，值得所有女士學習！」
