【2020年回顧】
2020年，哩一年過得特別快... ✈️最難忘莫過於1月安排咗去加拿大工作，感謝小寶、小雅同Emily照顧，接住飛過美國探姑媽一家人，好耐無見嘅表姐表哥，好好保重；同老公再過埋洛杉磯果邊蜜月旅行埋先返香港，去咗我最想去嘅太空外星迷必訪聖地 —— 51區閘外、加州科學中心睇「𡚒進號」太空梭，長達約三星期嘅工作加旅行，估唔到會變咗今年最後一次去到嘅旅行，我覺得係好幸運嘅係：上年11月結婚時順利完成婚宴（當時仲未有肺炎）；1月去外地工作亦避過咗肺炎爆得最勁嘅時候，唔洗滯留外地。
自從1月尾返港後，肺炎疫情影響咗成個社會，但我確信香港人就是很有自強的本能💪 雖然影響到好多工作，法國廚藝課程延遲咗好多課堂同考試，到現時都未可以舉行畢業典禮，就是只取得證書，欠缺咗果少少，就係果少少遺憾... 至少今年進修嘅目標完成✅ 就係Disciples Escoffier 法國烹飪藝術專業文憑課程畢業🎓 明明計算咗內嘅仲有另一個目標，取得法國美食協會條廚師帶，都係因為限聚令關係而未搞到個Chaine Des Rotisseurs 典禮🥲🥲
年頭同 二澳農作社 出咗兩款新醬 #煙燻燒烤醬 同 #四川麻椒醬，銷售情況達至理想，知道有品牌抄襲我的黃金銀魚醬，就連個名都照抄，好無品！無錯，十分之氣憤😡 希望無論係邊個行業都好，尊重返原創者... 雖然係咁，亦有好多人PM我讚個麻椒醬好食，你們喜歡就好❤️ 我就係鍾意將自己喜愛嘅味道同大家分享，感恩感恩～ 而且陸陸續續喺好多超級市場同地方上架，絕對唔係我一個人做出來嘅，特別鳴謝二澳團隊背後嘅努力。嚟緊哩年先預告一下將會再推出新產品，期待一下吧！
5月份時，因為一次紅雨嘅關係收留咗一群貓貓🐱1隻貓媽媽同4隻貓bb，本來都只係打算暫養，最後又收編貓媽咪（Luna mami）同最後一隻未被領養嘅貓bb（西米），為咗照顧幾隻bb同惡到死嘅阿媽，又付出咗好多時間，見到佢地成長流咗唔少眼淚，成功幫3隻貓b搵到好人家收養，係一件好開心嘅事，係唔捨得架喇，但佢地更值得有其他人疼愛😚😚
終於剝咗第3隻智慧齒🥶 痛咗我好耐，終於解決咗佢... 仲有隻橫生嘅遲啲先再了結佢～
既然教班啲事傾完又傾，因疫情而有點停滯不前，倒不如再試下另一方面的發展，與一班年輕人創立咗一個前所未有嘅新平台（完全唔關飲食業事，但暫且保密），但平台已經公開咗一段時間，9月到而家成績都真係唔錯，👫學習相處、溝通同磨合。靈性上打坐嘅時間多咗，每月都有共修時間，跟老師學習花精牌解讀。
由於實施咗6點後禁堂食，喺9月開始提供上門私房菜，做咗幾個月，反應熱烈！多多支持我朋友阿仟師傅搞嘅上門廚師平台GOGO CHEF，好開心喺私房菜嘅菜式中，有返拍攝以外嘅廚藝水準，真正做到高難度嘅法國菜，同埋素食私房菜嘅嘗試。
今年確實是處於哩種狀態下生存，特別珍惜同家人一起嘅時光，尤其係花多咗時間去探公公（唯一想嘅就係老人家身體健康無病無痛），感恩哩段日子裡品牌、客戶、PR等的關顧💛 會繼續支持黃店，撐住黃圈，支持本地創作人，面對好多嘅不公義，做香港人並不容易，堅持下去！香港人加油！勿忘初心！
2021年，會繼續好多新嘗試，不論幕前定幕後，會更努力做到每一刻，最後要講嘅係，30+1人生另一個新階段即將開始🥳
有啲事情不必去計劃太多，活好當下，知足常樂，「不知」也是一種幸福。祝願各位平安、新年快樂、身體健康🙏🏻🙏🏻
上門廚師平台 在 【初創起跑線】「上門廚師」創六百萬生意額，平台創辦人 的推薦與評價
... <看更多>