//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //
全香港關心政治嘅網民，我諗有超過一半今晚都特登唔訓，因為大家都等緊凌晨兩點，特朗普事先張揚，將會因應中共《國安法》立法而作出回應嘅記者會。點知一等就等成50分鐘先正式開始，仲離譜過例遲15分鐘嘅林鄭。
由於無即時傳譯，呢個發佈會就成為咗全港英文Listening模擬試，大家都爭相翻譯究竟內文講咗啲乜──然後我只可以講，大家大致上都聽倒哂佢講嘅內容，只不過睇法卻可以完全唔同。即係有好多人已好好心機將成份講稿譯哂出黎，我只講我大概感想：
首先佢對於頭幾項同香港無關嘅反制措施，包括中斷同WHO關係，同埋徹查在美中國企業有無涉及違法行為，同埋禁止身份可疑嘅留學生入境等等，因為呢啲嘢先前已講過幾次，甚至已開始進行緊，我地感覺上都會比較實在。
但係當講到香港破壞一國兩制，同埋提出相應制裁措施嘅時候，我就覺得好奇怪。
佢譴責中國破壞香港一國兩制、違反50年不變、港人高度自治承諾，因而決定撤回香港特殊經貿地位係講得非常詳細，明顯係有備而來；但一講到制裁措施，就突然間變得好含糊，完全無實際條款可以提到出黎，同前半部嘅講稿內容有好大對比。
然後再加埋發言之後匆匆離開唔比記者追問，之前有突然遲成50分鐘先開始記者會，就只會令我有兩個懷疑：會唔會係響記者會嘅最後一刻，中國密使成功說服特朗普將啲辣招暫時撤回，所以將講稿後半部嘅實質制裁內容大幅刪節？
當然響講稿入面，特朗普的確清楚講明將會撤回香港特殊經貿地位、考慮制裁破壞香港自治嘅官員、甚至重新考慮美港出入境安保措施等，問題卻在於呢啲「措施」全部都無實質內容，亦無明確時間表，我係唔明點解成班黃屍甚至本土派都會無條件收貨──即係中共話比香港民主，但無時間表同實質框架，唔撚通你就會為有真普選而慶祝咩！
再客觀啲睇，美國股市原先響記者會之前一直偏軟，點知一開完記者會之後即刻明顯反彈，即係證明咗連華爾街班大鱷都覺得，個制裁措施擺明無料到，對中美關係影響有限，反而消除哂啲不明朗因素添啦。
當然對於特朗普呢個含糊其辭嘅制裁方案，仲有一個可以解讀嘅切入點，就係好似我先前所講，中美之間其實都仲係停留響試探階段，睇下對方點出手：中國個《國安法》完全無實質內容，甚至連立法時間表都無，只係開咗個頭，於是美國響取消香港特殊經貿易地位上面用番同一個空泛嘅態度對應──即係如果呢個係雙方準備開車對撞嘅Chicken Game，咁兩邊都只係撻著咗個引擎但係連油門都未踩，距離攬炒仲有相當遙遠嘅距離。
只不過令我困惑嘅係，而家坊間絕大多數嘅反應，都係當正香港人已大獲全勝，中共末日已到，同我理解嘅情況好似係兩個平行世界咁……即係如果香港人因為Trump Trump一句One Country One System、香港係民主橋頭堡，又或者正式宣佈撤銷香港特殊經貿地位而濕哂的話，只能夠話你地實在太過天真。
響國際關係舞台上面，任何外交辭令寫得幾靚都好，無實質條款其實同無講係無撚分別架──講咗正式取消香港特殊地位又點？十年後取消又得，象徵式徵收少少無關輕重嘅關稅又得，制裁幾個大陸蛋散官員又得……
唔好以為我好想美國制裁香港失敗，先唔好講本身我就係全力支持攬炒嘅焦土派，甚至響星期五我亦已身體力行買咗差唔多半球逆向ETF，就係等特朗普呢個終極一爆。但殘酷嘅現實就係，特朗普其實只不過將幾日前龐佩奧發表嘅立場重申一次，對港共甚至中共政權並無任何實質打擊。
而家唯一希望，就係佢班幕僚可以盡快追加落實制裁條款，但如果你問我，真係有啲毀滅性大招呀，都應該由特朗普自己親自宣佈兼領功啦！唔比記者提問，其實就係唔想響被追問有咩實質措施時比人問到口啞啞，所以我估呢一兩個禮拜內，就算有追加公佈都係一啲濕星條款。而家唯一希望就係，中共見倒美國佬個反應咁濕碎，《國安法》又加快踩前幾步，咁先可能迫倒制裁香港嘅真辣招出爐……
一個頭兩個大大陸翻譯 在 一個頭兩個大線上看- 電影 的推薦與評價
一個頭兩個大 劇情：|HD|查理（金?凱瑞飾）是一名善良的巡警，他的妻子與別人偷情生下三個兒子後與情人私奔了。可是查理仍把三個兒子視為己. ... <看更多>