疑難雜症萬事通
在網路上遇到任何問題都可以在這邊找找看唷

Search

newchapter的相關標籤

相關貼文 相關照片 相關影片
newchapter newchapter
退休選擇 Vs 選擇退休 有人認為，54歲「退休」，實在太早。我懶得就懶，有得玩就玩，人生匆匆，唔通做到老一老，走都走唔到。 有人認為，退休做番以前想做但無時間做，還自己心願。我工作生活好平衡，唔鍾意遊埠，無乜特別嘢想做。 有人認為，退休無所事事，驚悶，驚同屋企人磨擦。我好識自處自娛，鍾意閱讀種花，同老婆十世姻緣，只有佢恰我，我點敢駁嘴吖。 有人認為，退休男人無權無勢，雄風不再，好快瓜，返工至有精神寄託，人生至有意義。風光背後，一遍蒼白，太可憐喇，我雖然傻，唔會傻到同工作談戀愛，話行就行唔會戀棧，就算聽日瓜，又控制唔到，已經無悔今生，是旦啦。 人哋點諗，唔關我事，我淨係知，只要經濟許可，退休不外乎人生選擇，捨棄名利虛銜，追求真正快樂。想有得選擇，儲錢先啦，儲錢未必可以提早退休，但有兩個錢傍身，做人瀟灑啲信心大啲，對住班戇居「高層」，講嘢大聲啲醒啲型啲。咁簡單嘅道理，我細細個已經明白。 問題係，你明唔明白，花無百日紅，有無預早計劃，為自己留條退路，尊嚴嗰隻，抑或今朝有酒今朝醉，臨急開坑，結果身不由己，根本無得選擇。咁大個人自己決定啦，家人唔埋怨，自己唔後悔：「早知去少次旅行，換少部電話。」 我好彩啲，老豆老母節儉成家，我都好慳家，物欲要求低下，仲嫁著個廿一歲買人壽保險咁識諗咁有紀律嘅靚老婆，搵啱星展幫忙，十年前高峯退下，快意人生，𠵱家輪到我啦，做唔做都得，拍廣告演講寫書賺外快又得，靜極思動，重出江湖都得，因為我有退休選擇，經大人批准，選擇退休。 做人太多慾望，想一得二，得二就想三四五六七，永遠唔滿足，咁樣好難快樂。對我嚟講，先捨而後得，謂之捨得，有選才有擇，謂之選擇，簡簡單單做人至會快樂，羨慕埋怨等運到，解決唔到問題㗎，坐言起行，今日開始計劃，學我搵屋企人商量，搵專業人士幫忙，祝大家有退休選擇。 Wealth X Health Mini-Site https://www.dbs.com.hk/treasures-zh/promo/newchapter/index.html 我的「第一次」 https://www.facebook.com/danielchong123/posts/525138811006889

退休選擇 Vs 選擇退休 有人認為，54歲「退休」，實在太早。我懶得就懶，有得玩就玩，人生匆匆，唔...

2016-05-30 21:00:00 有 1,890 人說讚