下午茶食得多，都有啲麻木！但係如果美味嘅茶點，再加上美麗嘅維港全景，當然中間係隔咗好多建築物啦，但係都係一個非常之享受嘅活動。
冇錯，我就係去咗近排好多人講嘅Upper House頂層嘅Salisterra嗰度歎下午茶。
打電話去訂位嘅時候，我冇講邊一日，只係話你邊個星期日有窗口位就俾我啦，結果，都要Mark咗成一個月之後！即係啱啱過咗嘅呢個星期日。
佢真係俾咗一個好靚嘅窗口位我，而天主都俾咗一個好靚嘅天氣我，天朗氣清，藍天白雲，淨係食個景都值回票價。
唔使講啦，啲點心係好好味嘅。另外最搶鏡嘅，一定係佢個廁所嗰個望住全海景嘅洗手盤位，真係可以同半島Felix嘅廁所遙遙相望互訴衷情！
埋單$600兩個人，因為我有CX confirm咗嘅機票，所以佢仲送咗支白酒俾我添。
埋單之後，慢慢行返出IFC對開嘅天星碼頭，當做運動，咁又消化晒，咁又可以食多餐。
#何嘉麗callmegaga #何嘉麗 #為食路上
#祂沒有應許天常蔚藍祂恩許慈愛常在
#UpperHouse #Salisterra
#真金白銀現兜兜自己出錢
#淨係食個景都值回票價
#訂枱一定要求窗口位
#雖然冇得飛但係張confirm咗嘅機票都有用算做有安慰獎
#多謝Evan嘅體貼服務
訂枱一定要求窗口位 在 西店Hi客之道Hispitality Secret - #Hispitality2139 帶位小薯仔 ... 的推薦與評價
咁我就解釋比佢知因為Booking已經full左同埋其他客人有要求要梳化位窗口位，佢就即刻話要見經理，仲聲稱自己訂咗枱，應該要同其他訂咗枱嘅人平等。 之後佢 ... ... <看更多>