【#2020終極大檢閱】入場總共看了89套戲
（ref. 【2012年：26套】【2013年：33套】【2014年：49套】【2015年：39套】【2016年：44套】【2017年：80套】【2018年：70套】【2019年：106套】）
.
今年係特別嘅一年... 89套，其實比想像中多了。
× 一來戲院合共關門幾個月，幾咁多戲無如期上映。尤其睇少咗好多唔蝕得嘅大片，但我發覺，無得睇戲果排唔知點解個心境好寧靜，每星期多咗時間做其他事唔使某啲戲一上畫就趕去戲院，只要大家一齊仆街唔係得我冇得睇就ok...
二來自己有大單嘢搞非常之忙碌，即使有優先場邀請都唔係套套去。俾著以前狗屎垃圾都睇，真係慳咗好多中伏時間同精神，但係又失去好多唔小心睇到好戲嘅機會。
.
× 咁都喺戲院睇咗89套，算係咁啦。呢堆戲，又有得再拆細，其實得82套係新片，另外7套重映。戲院無計可施、無片可放唯有重推舊片，當中大大大部份都係經典，成日都講我自己真係錯過咗好多經典好戲，呢一年係好好機會去欣賞返呢啲巔峰佳作增進下自己修養。
.
× 至於【電影狂人】喺呢年有咩做過呢... 係冇乜嘅。專頁LIKE數我已經置諸不理了，浮雲，算啦。有陣時好認真出post都冇乜reach，求其講兩句嘢又可以好反應，捉摸唔到。唯一唯一令我好開心嘅係搞過幾次live效果都唔錯，最正係年中《打天下》Viu劇，台前幕後入晒嚟傾計，好勁好勁始料不及。而IG果邊都係諗起就出下，始終水份太多冇乜成就感。但【狂氏電影綜合症候群】果邊，一切都比想像中順利，熱鬧，每日都有起碼多10人入group，應該去到一月就可以破5000了～～ 好多人提醒要預備定下一個聚腳點，明白嘅，進行緊 進行緊，老嘢要學習新平台都真係要啲時間呀...
.
呢個係2020大檢閱第一個post，之後會有 版主年度五強、女版主推介 以及強行單方面頒發各神怪獎項之類。大家俾啲時間我，等太耐就留言提下我唔好走數...
.
白頭山：火山浩劫。1917：逆戰救兵。李察朱維爾：驚世疑案。小婦人。幻愛。乜代宗師。深海異獸。哪吒之魔童降世。肥龍過江。首相失憶了。變雀特工。家有囍事2020。猛禽暴隊：解瘋小丑女。我的筍盤男友。怪醫 D 老篤。Baby 復仇記。翻牆熱氣球。BB 駕到。獸頭救兵。瘋狂紳士幫。超音鼠大電影。叛譯同謀。下半場。隱形客。極地守護犬。4x4瘋鎖。倖存者。半職業特工隊。江湖無難事。對不起，錯過你。獵逃生死戰。無痛斷捨離。喋血戰士。醫生速遞。魔髮精靈：唱遊大世界。極樂品種。數碼暴龍 Last Evolution 絆。火口的二人。我的英雄學院劇場版：英雄新世紀。孤城淚。墮落花。那一夜：母親是殺人犯。迷途花生醬。飢俄人妻。熱帶雨。暖男花店。金都。睇你幾時死！。日間演奏會散場時。熟女愛漫遊。希特拉偷走我的粉紅兔。½的魔法。死因無可疑。我老細係天后。福島50死士。緣來客運站。無名勳章。無定向喪心老友記。超能復仇。屍殺半島。最後的情書。新異變人。打噴嚏。天能。顫．役．前。逃出立法院。麥路人。聖荷西謀殺案。奪冠。逆權選美。八佰。怪誕黑巫后。屠．姐上錯身。戀愛假期無限LOOP。怪胎。無間行者之生死潛行。金剛川。無聲。阿索的故事。一秒拳王。消失的情人節。熱血合唱團。22世紀殺人網絡。夜半歌聲。12夜。星光伴我飛。阿基拉。末代皇帝溥儀。現代啟示錄
月兔漫遊成就 在 How to get new achievement 如何解锁新成就月兔漫游Tsuki's ... 的推薦與評價
1) buy the tool, then trim any bonsai 购买剪刀，然后修剪任何盆栽2）Go to Moca and Chi house and change their blanket and pillow 去莫卡和琪琪 ... ... <看更多>