關於 地鐵頭班車觀塘線 ，我們在網路上蒐集到這些相關的討論、資訊與評價

《鐵路膠》

每次有新鐵路線開通，都會有鐵路迷到場搭頭班車，對於呢班人，好多人會用「膠」去形容，例如鐵路膠、巴膠之類。

我唔係鐵路迷，開通對我講只係，哦，之後可以咁搭啊？僅只於此。

身邊有朋友個仔係鐵路迷，佢就係大家眼見會搭頭班車嘅人，連食飯佢都會想係一個可以望到鐵路嘅餐廳食，一邊食一邊睇住鐵路行駛。

到底鐵路又好，巴士又好，遊戲卡又好，模型又好，有咩咁吸引嘅地方呢？我唔明。

但諗起我尋日寫有關《盛夏友晴天》嘅觀影文章之後我終於搞清楚，一件事係我哋眼中係毫無特別，但對於另一班人講可能係無比重要，甚至係夢想。

鐵路對我哋講，係每日返工嘅交通工具而已，仲要又迫、又熱、又慢，係我哋眼中，佢代表住我哋每朝眼訓住咁去翻工，亦代表我哋每日疲倦地收工返屋企嘅過程，我哋唔會享受呢段旅程。

就算窗外有幾靚嘅景色，車廂有咩特別改變，路線會帶我哋去到咩新地方都好，我哋都係視而不見，可能係玩電話放鬆緊，可能仲執著緊工作上嘅問題，可能趕緊時間仲要有人頂住車門開唔到車好嬲中。

而鐵路迷同我哋唔同之處係，佢哋真係會享受乘搭旅程，雖然係地鐵宣傳中通常都用到旅程呢兩個字，但對普通人講，呢個更應用通勤過程去形容，我哋只係過客，但鐵路迷會認為呢場係旅行，呢段係旅程，就同我哋第一次去日本一樣興奮。

同樣係一個新地方，同樣係第一次去試呢樣野，日本同屯馬線，係唔同，對於每個人講都有唔同價值，我哋會為日本而開心，會覺得屯馬線淡而無味，咁係唔係代表日本就係層次高，高尚過屯馬線？

對你講，可能係，但我哋唔應該將自己一套放係一個可以感受到屯馬線喜悅嘅人身上。

曾經我係一個會望住蝸牛行足成個花糟嘅小男孩，今日睇返，無聊，浪費時間，但當時嘅我哋係咪開心？而呢一份開心今日我哋又會唔會可以得到？

有個朋友佢曾經同我講，佢老婆喜歡飲飲食食，覺得好低層次，而佢喜歡行山，喜歡挑戰自己，有意義好多，我反問佢，乜行山同飲飲食食有分邊個比較高尚咩？有人行山喜歡打卡，只係影下相；有人喜歡食，然後煮到好有研究，去到段分鐘計煮食時間，米芝蓮餐廳做一道菜可以講究到你想像唔到。

無一種興趣係特別高尚，亦無一種興趣係唔應該存在，興趣愛好講求，係你有冇用心去對待，你可唔可以係過程中得到你自己嘅滿足，有，已經夠。

當我細心諗返鐵路嘅旅程時，我先諗起，當年係藍田出觀塘時，每次我都會好期待出隧道口嘅一刻，特別揀個可以睇到景嘅位，跪係椅上睇住出面，而我爸媽會話，有乜好睇，坐返好啦；我覺得好特別，但係佢哋心中覺得無聊，而我應該同佢哋一樣，正正經經坐好，做一個無情嘅過客。

無論你係沉迷係咩興趣中，都請你記住，你開心就好，呢個世界太多口賤同時無感受力，無修養，喜歡以嘲笑同睇低去顯得自己高人一等嘅人，當你對佢哋嘅評論在乎時，你就輸了，呢個世界會少左一個快樂嘅人，但並唔會有另一種快樂產生出來。

可能佢哋嘲笑緊嘅時候，心底係睇唔順一個可以從咁平凡嘅事情中找出快樂嘅你。

與其做一個睇咩都唔順眼，以嘲笑為樂嘅人，倒不如做舊可以享受自己快樂嘅膠。

－－－－－－－－－－－－－－－－－－－－－－－－－－
如果你都係一個成人，想睇一個講成人婚姻既故事，可以睇睇以下呢個新故事《婚姻挽救系統》：

https://www.facebook.com/photo?fbid=349685013189716&set=a.275594140598804

//懷住極其悲痛嘅心情寫成呢篇文。因為成件事至少有一半我係親眼目擊嘅//

//有網友第一身經歷班車情況，貼埋響文末作為補充參考：//

831其實係繼8月5日全港大決戰之後，再一次政府與人民之間的Show Hand大對決，亦係8月8日劉業成作為警隊鎮壓新總指揮之後，策劃嘅一場最大戰役。

為此目標，今次劉業強幾乎所有牌都經已打哂出黎：

1. 金鐘出水炮車噴顏色水；
2. 灣仔希慎瘋狂作催淚彈、布袋彈、海棉彈交叉放題；
3. 銅鑼灣再次使用臥底戰術進行突擊拘捕；
4. 臥底於被識破身份而被圍剿後連開兩發真槍，反映開真槍於警察看來已為平常事而非禁忌；
5. 繼續於各區進行濫打濫捕

但上述呢幾招都唔及一招「港鐵夾殺」陰毒，亦都令上面發生嘅一大堆原先非常重要嘅事件變成次要。

一直以黎地鐵都被認為係成場抗爭嘅最終「非軍事區DMZ」（ Demilitarized zone），原因並唔係為咗包庇抗爭者令佢地免於被警察追捕，而係令一般市民知道，即使地上面打到火紅火綠，地鐵站仍然能夠令佢地隨時逃離危險之地，又或者至少可以確保警察唔會同抗爭者響地鐵開拖。過往之所以即使地鐵宣佈封站，仍然係堅持以「准出唔准入」方式繼續維持封閉車站服務，為嘅就係至少令被閉車站嘅一般市民可以離開。

但由央視主播，去到梁振英同林鄭並唔係咁諗。佢地覺得港鐵太過偏袒示威者，咁樣係益咗佢地。所以自從821封九龍灣至調景嶺站、822封葵青同荃灣站之後，佢地就係要打斷抗爭者利用地鐵作為轉移地點嘅工具，掉番轉警察卻係可以隨時利用港鐵黎運兵。至於住係當區嘅市民就算你唔好彩，10點幾宣佈封站而你12點前仲走唔切的話，你就會面臨警察封路、樓下商場店舖全關，夜晚只能捱麵包餅乾嘅情況。

劉業成卻仍唔滿足於呢個地步，佢就係處心積慮要打破「地鐵站=DMZ非軍事區」呢個禁忌，務求令佢心目中嘅「暴徒」唔能夠再利用港鐵站作為最後嘅庇難所，要佢地響「惶恐之中渡日」。

於是響佢精心策劃下，由831八點開始借助藍屍同抗爭者衝突，以增援作為藉口，首先煞停所有列車，然後突然間響太子站派譴大批防暴、速龍湧入地鐵站內，但要拉要鎖嘅反而唔係意圖傷人嘅藍屍，而係所有疑似抗爭者嘅年青人。其實列車被煞停、所有出入口被封後，基本上係無人可以逃離現場，要慢慢籠中捉鳖有幾難？

結果最先去月台嘅並唔係一般刑事偵查嘅CID，而係無編號兼蒙面，打人毫不留手嘅速龍隊。甚至我懷疑劉業成係特別落咗響地鐵站內濫打濫捕嘅命令，因為佢係要比抗爭者留低恐慌嘅回憶，等佢地以後唔敢亂搭地鐵，徹底進行鐵路夾殺。

最後就好似《逃犯條例》修訂一樣，警察已視最初果個「為解決列車內乘客糾紛」嘅藉口如同廢話，完全無爭執嘅旺角、油麻地、九龍灣、荔景站，防暴警都已毫無顧忌直接走入車站內恐嚇市民。

劉業成同林鄭、梁振英甚至中共鷹派嘅諗法係一脈相承：你班抗爭者唔驚就打到你驚，你有人反抗就拉到你無人為止。但佢地唔明嘅係有班人其實就係唔會驚；而就算驚你，亦都會因為另一種人類好重要嘅情感：憤怒所克服。

當呢班速龍走入地鐵車廂打到青少年同老人家滿頭是血、當有年青人被你地猙獰嘅行徑嚇到抱頭痛哭，但你地仲要無情咁再響一啲放棄抵抗嘅弱者身上射上胡椒噴霧，基本上一個包含極權剝奪自由、強者欺凌弱小、暴力加害求饒者，如此醜惡嘅劇本，繼721之後再次響831完美複製。

所以啲人真係唔好再問點解抗爭運動搞咗咁耐，民意卻永遠唔會逆轉；點解政府警隊只不過係想令社會回復平靜，最終卻只催生更多仇恨。因為佢地永遠唔會明白，除非你聽朝就將所有有良知嘅香港人全部槍斃，否則只要佢地仲有一條命響度，憤怒就會催生佢地更加勇武，而就算再懦弱怕事嘅小市民，都會出於義憤盡力協助呢場抗爭繼續落去、響心裡面全力為呢場抗爭打氣。

我唔知今日之後抗爭者會點樣針對「港鐵夾殺」而諗出新嘅反制手段，但可以肯定嘅係，高壓係永遠唔會淋熄抗爭之火，而只會令佢愈燒愈旺。

==========

//我響太子月台班車上面 我係由天后趕過尖沙咀 中途收到清楚場轉旺角快閃 走果陣響旺角月台傾下一站快閃目標 無幾耐消息到話旺角防暴到上面地面 再一陣睇tg群入面睇直播嘅通知響c出口進入 所以成班仲響月台換衫或商量嘅 示威者即刻上車走 左去到果陣其實好多人上左車去離開 上左車果陣其實班車普通乘客唔多仲有坐位

示威者佔左多數 有人拉門比人儘量上至成車塞滿晒 我估有三份二都係示威者 車門開開關關左幾分鐘 最初係示威者拉門 後來係廣播話本班列車不載客要求所有人離開但無人理 有人按緊急制同車長理論 之後tg直播消息話差人已經入左閘落緊月台 同車卡啲記者已經準備影住樓梯位，果陣先真係開到車

響車上示威者大家仲傾緊下一站去邊快閃 九龍塘黃大仙九龍灣乜都有人講下 車只係行一個站去到太子 響太子又響廣播本班列車不載客要求所有人離開 普通乘客同示威者大家都鼓燥 大部份普通乘客都無離開車箱 示威者有啲出左去月台整理自己 傾偈 睇ig中 有啲認為上面離開就係狗屋危險 有啲人就照走 我當時係列車比較尾位置 身邊有兩個fa一邊跑一邊講響前面打緊 我聽到就往果面方向跑過去諗住幫手 去到月台控制室果度

見到藍絲比人圍緊走行緊上樓梯 邊走同時繼續鬧緊人影人大頭 月台控制室因為班車唔載客關系有示威人士圍緊拍打佢玻璃 無幾耐就開始播果段恐怖廣播 因於嚴重情況本站關閉請所有乘客離開 所有閘機已開啟

果陣好多剩底嘅示威者已經諗位走 見到自己友開始少我都唔例外開始行過去樓梯 果陣消息到話太子上面已經速龍入左閘衝左入嚟

到我真正開始上樓梯上面已經倒灌翻落嚟 我哋響下面已經無位走 其實當時下面大部份係普通乘客

我身邊有個女士嚇到喊 行唔到路講唔到嘢要人扶 我同朋友仲係gear陪佢響月台坐低安慰緊佢 有咩幫佢擋一擋叫佢唔駛擔心 我同我同行朋友都係中坑，立即除左裝收起響背包等自己比較似普通乘客 速龍就衝左落嚟 佢哋衝落嚟無目標咁周圍衝周圍跑 其國一個話呢邊果邊就成玩衝晒過去

嚇到普通市民好驚 我見到佢哋目標只係後生仔 唔理咩色衫只要個樣靚仔就會衝過去撲低

速龍防暴同便衣不停響上面落嚟 我雖然除左gear入背包但仲係黑衫 所以匿左入車箱棄裝再翻出去扮路人睇咩情況 果陣響我親眼見到有六七個細路比人襟低左 仲係有好多警察響月台不停衝前衝後一時又衝入車箱搵目標 後來月台太多差人 我都比人趕左上車 上車箱後警察仲係不時來回望入嚟搵目標 車門不停開關唔發車 過左大概多五分鐘左右

終於都開到車 響下一個站石夾尾 又再響廣播話本班車不載客要求所有人下車 有人唔肯落要求一係叫白車一係開車走 我出左車箱睇 有人響車門旁圍緊月台職員理論 職員咩問題都解答唔到 無幾耐講播就響話 所有觀塘線荃灣線本最所有服務停止 我就響呢個站離開左

下面我見到嘅事就係咁 由於我同朋友都係中坑 棄左裝所以走得甩，希望幫到你厘清時序同經過

我係往調景嶺方向 最傷果幾個手足無見到現場亦都無消身可能唔係我呢面車//

今時今日，外國人黎香港搭地鐵🚇應該唔會好似以前咁 impress... 港鐵只有三四十年歷史，已迅速「媲美」倫敦百幾年古董 🤦🏻‍♀️

3) 一百五十年的地鐵

在香港工作的英國人都很喜歡香港的地鐵. 對, 我說”地鐵”. 我們說著 ”搭地鐵到九龍塘轉火車” 說了二十多年, 如今真的很難改口把”地鐵”和”火車”都一併叫”港鐵”. 香港的地鐵人多擠迫, 英國人為什麼很喜歡呢? 你們倫敦不是也有 Underground 嗎?

英國人都覺得Underground不可靠, 它可以隨時有一條列車線封閉又不作解釋; 早上搭地鐵上班時可以隨時停車說路軌有雜物, 叫乘客落車轉巴士; 廣播著”下一班列車即將到站”, 然後過了十分鐘車影都沒有. 這些事天天都發生, 英國人都習慣了”地鐵突然罷工我就快點走路上班”的生活, 沒有一個人會投訴. 英國人如”有幸”來港工作, 就發現香港的地鐵只要延遲三分鐘就會上報紙頭版, 被市民辱罵, 然後地鐵還要派個人出來道歉. 嘩! 香港太文明了! 英國人高呼 I LOVE HK...MTR!

Underground被英國人踩得一文不值, 我卻對它無限神往. 第一次在電視上看見倫敦的地鐵要說到十幾年前. 那年我還是個小六學生, 很喜歡英倫搖滾音樂, 看到英國樂隊 Suede 的音樂錄影帶, 主音歌手 Brett Anderson 在地鐵站唱歌, 畫面上大概是一班英國青年派對後趕上尾班車回家的情境. 歌手蒼白瘦削, 聲音卻很磁性. 當時的我覺得英國的地鐵真的頹廢得很有型呀!

我如今終於可以一嘗搭Underground的滋味了, 好緊張呀! 我從希斯路機場乘地鐵到 Paddington 的酒店, 鐵路職員向我兜售他們的”機場快線”, 我說不, 我要搭Underground! 嘩, 原來要轉幾次車, 搭差不多兩小時才去到, 但我照搭. 我帶著很重的行李, 每轉一次車都要上至少一次樓梯, 但不知道我是否有神仙婆婆照顧, 每次我看到樓梯時總會殺出一個高大威猛風度翩翩的男士走過來問 “小姐, 要幫忙嗎?”, 提完行李之後那些男士就會隨即在人海裡消失, 結果我在倫敦從未試過自己提行李上樓梯.

倫敦今天的地鐵竟然跟那個十幾年前拍攝的音樂錄影帶一模一樣, 仍然是沒有月台幕門, 車站的牆壁上仍然是那堆脫了色的標示, 列車仍然是很生銹. 站內有很多慶祝倫敦地鐵一百五十週年的海報, 啊! 原來已經那麼歷史悠久, 不知道它是否在一百五十年來都沒有進化過呢? 忽然, 一陣強風將我的頭髮拍到臉上, 接著是十分刺耳的磨擦聲, 列車到站了! 月台與列車之間的空隙闊得可以讓一個胖老外跌下去. “Please mind the gap”, 真好! 廣播用英文說一次就夠了, 不似得在香港說什麼都說三種語言沒完沒了. 就算沒有提著行李的時候, 車上總會有男士讓座給我, 他們會說: “Lady, have a seat!” 哦, 原來我不需要是老弱傷殘還是大肚, 只要是女人就應該有位坐. 換轉是香港, 一個大肚婆走進地鐵, 坐著的年輕人都只會玩埃風時運高看不見.

倫敦地鐵上的乘客倒不像電視裡的那麼頹廢. 倫敦人大多衣著光鮮和異常有禮貌, 男男女女都有噴香水的習慣, 說話時有八成時間在說 “Please” 和“Thank you”等客套話, 真正有內容的只有兩成. 有人說今日的倫敦是全球最國際化的城市, 雖然我沒有到過地球上每一個城市, 但我認為這樣說都應該不會錯. 我在地鐵上隨便挑一節車廂, 都可以找到黑人, 白人,亞洲人和印度人, 而且各種人的人數都差不多. 雖然各人的文化背景一定有不同的地方, 但大家來到倫敦都好像被錬成為同一樣的英式紳士淑女.

我在倫敦一星期裡都有遇過列車服務受阻延遲和車站關閉要改搭巴士等麻煩事, 但我對倫敦Underground 的神往有增無減. 女人是談感覺的, 對我來說地鐵的好壞只＂在乎主觀的心而不在客觀的事＂. 香港的地鐵是很可靠, 但我在香港地鐵的回憶就是不停重複的返工放工, 反之倫敦的地鐵就代表著搖滾音樂, 紳士風度和香水味. 這些感覺, 就算把香港的地鐵站塗刷成Underground的藍色間紅色也抄不到.

Suede MV:
http://www.youtube.com/watch?v=wEWn0aVcuSM