ViuTV 音樂同綜藝節目近年有聲有色，搞到 TVB 變陣還擊，更請曾志偉同王祖藍回巢做副總經理同「首席創意官」，日前就搞咗個記招宣傳新綜藝節目。
記招入面有位不知名藝人無啦啦著全黑衫扮姜濤，更以痙攣舞姿醜化對方，邊跳邊唱姜 B 餐急口令，話「我叫姜蓉」。主持麥美恩見狀就刻追打佢，大叫「收聲啦！」平時得個嘈字嘅馮盈盈亦一貫街市婆上身：「你夠膽嚟踩場？打到你變姜蓉！」阿 Bob 就喺側邊大叫：「打佢！o趙佢！」嗰位不知名藝員隨即返回原位。曾志偉就喺台下笑到拍晒手掌。
片段昨日於網上流傳，引嚟清一色全城負皮，指 TVB「創意」百年如一日，仍然停留喺「扮明星」「醜化歌星」之流，成段片「過時、低質、尷尬又肉酸」。
涉事嘅阿 Bob 剛剛就喺 IG 向姜濤、姜糖同網友們道歉：「收到各位嘅意見，亦明白大家嘅感受。如果我嘅行為同言論令到任何人唔開心，我衷心同各位講聲唔好意思，對唔住。亦向姜濤同其他支持佢嘅朋友及粉絲表示，我為我一時衝口而出嘅不當說話令人有唔好嘅感受，感到十分抱歉，我亦會好好檢討我日後嘅言行。」
而馮盈盈亦出 post 解釋，指自己係姜糖：「其實我嘅真正身份係追星族！我一邊努力撲緊 Mirror 演唱會飛，一邊努力捍衛姜B喺我心目中嘅形象，嗰啲什麼姜蓉！？就算扮得再盞鬼，就算再向我姜B致敬，就算香港人再多幽默感，都接受唔到囉！今晚我實打多兩碗姜蓉撈飯食。有無人有多3張飛俾我？」不過回應曲線味濃，被網民一致留言負皮：「算X數啦，收皮啦你！」
囉囉攣意思 在 香港保濟丸- 【廣東話疊字，你識得幾多個?】 危危乎 - Facebook 的推薦與評價
「囉囉攣」有”心神不定”的意思，係香港人經常掛在口邊的一個用語，能夠非常生動表達所想所感。例如「個肚囉囉攣」即係指腸胃不適，令你坐立不安。呢個 ... ... <看更多>