今日晏晝突然有好多人問我係咪比人拉咗，然後我先知道原來有十幾個人因為涉嫌操縱壹傳媒股價被拉。我非金融專業，所以我諗渾水比更適合用專業角度分析呢件事，但即使我作為全港第一個以購買282股票聲援肥佬黎被捕嘅網民，當我約略睇過報導指佢地所犯罪行之後，我經已完全唔擔心自己會被拉，原因係：
1. 參與拘捕行動嘅包括毒品調查科，而有留意開之前星火單案都知，而家掃毒組係「兼營」埋洗黑錢案，咁首先以我戶口果副寒酸相，洗黑錢已與我無緣；
2. 至於另一項指控則話該等人士透過頻密交易操控股價：咁我從來只係買咗一次282，而我果筆少得可憐嘅成交亦不足以造成「操控」效果，好自然亦唔關我事。
當然，你唔可以排除政府為咗立威，一樣可以夾硬拉你，但如果係咁，我就真係無驚過──過去年幾嘅抗爭，我經已有好幾次幾乎被捕嘅危機啦，果幾個時刻而家回想起，都仲有種腳軟感覺；相比起黎，因為金融犯罪被拉，至少唔會比人困入新屋嶺、打到斷手斷腳先啦係咪？
同埋暴動、非法集結同國安法真係任得個官亂9咁判，操控股價呢啲控罪成個金融界都望住，雖然法治已死，但相對上點都會安心啲囉。我唯一擔心嘅係，如果唔比保釋下個禮拜番唔倒工就會影響倒好多人，你知啦，香港人最緊要番工家嘛，係得呢樣嘢驚囉。
至於呢十五個人被捕有無理據？
一、洗黑錢呢樣嘢我無內幕消息所以唔知有無理據（但多數都係９告）；
二、但操控股價呢？響2018年10月，證監會就曾經指中國智能有不尋常成交額暴升，直指有大量經紀行戶口涉嫌操控股價；2005年8月，又有四名人士被控透過彼此間互相進行大量交易，佔當時成交額一半以上，結果全數被判操控市場罪
三、然後你比對番警方而家公佈嘅案情，就係話15個被告一度佔總成交量24%，當中大量成交又在彼此戶口間進行，如果咁睇嘅話，至少控罪係有法理基礎，而唔係好似坊間好多人批評咁「炒股贏錢都有罪」
四、但咁唔代表我因此就認同差佬拉人。首先上述嘅金融犯罪，全部都係由證監會先進行調查，然後再視乎案件嚴重程度決定循民事定刑事控訴，民事罰則包括凍結戶口、罰款同充公非法所得利潤，再嚴重先會用刑事檢控去到坐監。
五、今次好奇怪嘅係，證監會都仲未確立調查結果，只係話處於調查交易紀錄階段，然後差佬就高調拉人，好明顯就係唔啱規距──而咁做嘅目的就只有兩個：一係藍屍建制派成撚日話壹傳媒股價暴升係黃屍亂港結果，一定要捉人祭旗，為咗Please呢班友，點都要高調拉番幾件。
六、二就係要造成人心惶惶，等你覺得公開買股支持一間公司，最尾隨時都要痞監，睇你仲敢唔敢「買股抗爭」：實不相暪，其實曾經諗過壹傳媒股價跌到兩毫幾的話響呢個位再買一轉，但當一聽倒有人因為呢隻股票被拉之後當到嚇到窒一窒……
當然，從結果黎睇，似乎香港人並唔賣帳，最終282股價反而因為呢單案刺激之下一下就升到上4毫。然後好笑嘅係，某三流財演將呢個反常現象稱之為「明剃政府眼眉」──喂，當初你唔撚走黎串我話買壹傳媒股票無撚用架咩？而家唔關我事，就突然變得有用拿？
七、最後都仲要講句，操縱股價控罪成立，大前提都要而家列出嘅證據係真嘅：即係如果你話係由證監會公佈呢件事，我諗都仲會多番少少說服力；但由你班差佬講出黎，依照過往嘅Track Record黎講，覺得你地係老屈，正常不過。
一洗黑 在 老薑王一支黑植物染髮劑，如有需要請看以下說明購買。 的推薦與評價
老薑王一支彩染髮劑4種顏色： 01淺棕色、02深棕色、03酒红色、04葡萄 ... “20分鐘白髮一洗黑”神奇洗髮劑的背後，竟添加過量致癌化學品. ... <看更多>