花生一向都好好食，但係食完又食並唔好食。
有好多野並唔係只有表面咁簡單，係YouTube拍左咁耐片，我亦唔會將好多幕後野話比大家知，因為有好多野未必需要知，亦都唔需要理。大家覺得條片好睇有共鳴，我就覺得好足夠，除非你都想加入埋YouTuber呢個行業啦。
同行又好，朋友又好，自己番解決啲風起雲湧咪算囉。
聽講琴晚有人網上比左好多花生大家食 , 咁我亦唔介意係到公開回應有關於我既傳聞, 不過我講完就算喇
因為對我黎講真係無乜影響 , 我亦唔想活係事非之下 , 所以依家既文章將會講哂我知既野
但請原諒我盡量唔公開人名 , 我唔想將件事搬上台影響到太多人, 除非真係逼不得以啦
1: 關於肥波同KZEE呃鳩好多YOUTUBER搞到反哂面既事
事緣係我聽到所有人都有份講話佢兩個呃左好多錢, 而我都聽左佢地好多證據, 我都真係望過個份【合約】
合約真係超撚唔公平 , 咁當時大家都覺得好撚ON9既 , 朋友同我講個陣我仲話 【嘩肥波咁大咬呀】??
其實個陣矛頭都仲指向緊肥波 , 但因為間公司其實係肥波+KZEE+唔知邊間公司老闆一齊開
所以大家下意識就覺得KZEE都係有份, 所以大家經商討之下決定唔再幫佢地接JOB , 簡單啲講就係攬炒
(個陣亦好似大家聽直播所知 , 大J話幫手搞間公司幫大家繼續接, 但事後無左回事, 我都無繼續FOLLOW UP落去)
跟住事後我亦有打俾KZEE求證既, 因為我覺得做朋友無理由需要避, 有咩咪兜口兜面拆掂佢囉
咁我事後聽KZEE既解話, 大約有以下幾點..
1: 無錯間公司有佢名, 但其實Operation上面佢無參與過
2: 更加唔好話接JOB幾錢, 其實大家接幾錢JOB都唔係佢傾架啦, 所以佢唔會知咁多野
3: 當佢知道出左事個陣已經即刻聯絡所有有關呢件事既KOL, 但基本上除左我之外無一個人有理過佢
理性分析下 , 其實當時以KZEE既知名度加訂閱, 需唔需要貪個一萬幾千, 自己CHANNEL接條片都過左呢筆數啦, 根本唔需要呃啲細,
二黎我認識左佢咁耐佢真係當我好好, 想當日我山窮水盡因為誤信朋友而導致欠下一筆巨款都係KZEE同麻布借左筆錢俾我, 我先可以繼續生存落去, 佢地兩個我用人格擔保絕對唔係啲咩貪錢既人 , 而事後佢地亦出盡辨法什至步行至其他人既STUDIO搵大家解話, 如果你身有屎你仲可唔可以去解話? 我唔相信, 當然啦仲有人到依家都未肯同KZEE佢地正面傾過究竟件事係點 , 但至少我咁多年做中間人, 呀翼同KZEE已經解開心結, 因為佢地所有野都係誤會
利申 , 詳情中間發生既事我都真係唔多記得, 我當初亦無好真正去了解過細節, 但我知道其實大家坐低四四六六拆掂佢就一定得, 但呢樣野係兩年後先第一次發生
利申2 肥波係真係食水好撚深, 呢樣我FC , 仆街食左一半, 究竟有無良心? 其實真係無乜職業道德 , 但在商而商佢咁做係佢本事, 因為佢有能力搵到好多客返黎, 至少引證左一樣野 , 當大家唔合作之後其他YOUTUBER真係即刻無飯開咁濟 , 所以件事你覺得邊個岩邊個錯? 可能唔同人會有唔同答案 , 但至少我唔撐肥波, 我亦開始同佢無乜聯絡
2: GOJI事件
先利申我成件事我一蚊都無收過, 而我需然不能FC到屎萊姆有無收到錢, 但我絕對相信佢係減肥比賽上面佢一蚊都無收過 , 因為當初有呢個IDEA個陣佢有搵我傾, 佢開門見山同我講人地有幾多BUDGET, 仲問我可以點搞? 當時我記得最初獎金係一至十名都有獎, 第十名我記得至少都有二千蚊的, 而當然仲有送會藉呀, 免費幫你減肥等等.. 但臨開波之前GOJI唔知淆底定乜鳩啦縮左水, BUDGET CUT左勁多, 而佢當初仲勁多要求希望我地又拍片又要上傳相片去佢地FB比人投票之類, 咁我地緊係唔肯啦, 最後傾到只係得比賽獎金, 仲要係頭幾名, 後面都係分得小小, 而我地要交既只係頭尾各一條片 (我無記錯就係咁) , 而當中GOJI係比賽途中應承俾我地既野都做唔齊, 例如話要比咩CLA我地, 結果佢都無比, 剩係比左一大罐奶粉 , 就連GOJI入面有得食營養餐個個都係我地力爭取返黎先有...
中途我覺得GOJI實在比我預期太差, 所以基本上中途我係放棄左減肥 , 因為我唔想聽佢地鳩UP , 結果最後都有啲職業道德拍埋條埋尾就收工, 以後大家唔好聯絡, 反正我又無收你錢
呢度又要利申 其實幫我地既PT (即係教練) 佢地真係好好, 好盡力, 奈何間公司太多問題 , 所以件事最後有啲收皮FEEL
亦都係我唯一出盡力證明屎萊姆係無收錢 (當然啦你可以話佢背後收左我唔撚知, 咁佢高章囉, 但我信佢)
3: 聖誕PARTY+春茗事件
大約我所知咁耐以黎既控訴同疑問有以下幾點
1: 兩個PARTY 搞手們都收左YOUTUBER錢, 明明有哂SPONSOR都仲收錢, 擺明食夾棍啦
2: 所有出席既人都有身份有地位至少IG都有幾萬FOLLOW, SPONSOR點會唔俾錢 , 仲要出席既KOL俾番錢?
OK , 一次過解答大家既疑問, 但原諒我講段故事
其實聖誕Party 我已經搞左五年 , 上年係第五年, 亦係最開心同最唔開心既一年
一路以黎搞party, 其實係我心入面既小願望
因為我一直都覺得Youtube呢個圈子係香港其實好小, 點解我地唔可以聚埋一齊大家connent下呢?
當年我都係睇【隨街也是網絡人】呢個MV而覺得YOUTUBE好有趣
點解依家要一盤散沙又鬼打鬼? 所以引發左我呢個念頭 , 所以咁多年我都唔介意為大家付出去搞PARTY
所以大家如果有睇足咁多年既片又或者直播都留意到我每年都係搞手, 而且通常搞到去左PARTY都食唔到野, 唔得閒, 搞到出哂汗等等
上年就更加誇張添..因為早左兩個幾月籌備 , 就係為左個年有一個與別不同既聖誕Party
由第二年聖誕Party已經開始出現有贊助商贊助聖誕禮物... (我無記錯既話係Logitech sponsor左 啲GAMING GEAR 同埋UE BOOM)
咁講真個陣既YOUTUBER都唔係咩好興香既事, 有禮物大家都已經好開心 , 好多謝廠商咁愛錫我地
所以由第二年開始已經出現有SPONSOR呢個現象 , 直到第四年個陣都仲係咁架 , 我唔收錢又有幾出奇呢?
第五年, 嘩好勁呀成百人, 粒粒網絡星出現哂, 又微辣又乜又柒 , 個年花得特別多心思, BOOK左間Partyroom, 又中間搞埋busking, 連埋分組遊戲一次過諗好哂, 又R到勁多禮物返黎希望大家開心下 , 結果個日就好開心咁完結左
完左個聖誕PARTY之後, 網上就開始出現啲酸文講 , 話咩呀屎學人獨大搞小圈子圍威喂唔邀請邊個邊個
其實我好多只要我認識又或者我有聯絡方法我都有SEND過去問佢有無興趣黎, 但人地唔黎我唔可以強制逼人黎架麻
無錯我有邀請大J, 就好似大J所講, 佢話有KZEE就唔去, 驚打柒佢
而佢最後亦有問我一句, 點解KZEE咁撚仆街你地都可以照當無野?
我無答佢, 上面第一PART我諗大家都已經知道我既諗法, 而且係我印象中遊戲堂之後佢兩個根本就水火不容 , 咩事我唔清楚無證據我唔敢亂講啦 , 但至少我仍然相信KZEE係一個好人
到春茗喇, 跟住呢個PARTY指控罪名大好多
話點解乜野都有SPONSOR 連當晚食飯十圍酒席都有SPONSOR既情況下, 出席既YOUTUBER都要比350蚊位呢?
搞手係咪食撚左錢先? 我依家答你地, 當晚唱K我地仲嘔撚突左錢添呀屌你老母
當日出席既人數我唔記得有幾多 , 但我收既錢只係得91個人 每個$350蚊 , 即係收左$31850
聖誕Party我地真金白銀book左場, 有剩低既錢, 條數係$5541 , 計埋就有$37391
咁呢筆錢有咩用呢? 因為新年我地覺得都要有做到好似公司春茗既感覺所以諗左好多遊戲而係派利是既 , 所以基本上呢度啲錢好多都用左去派利是, 剩番低既不外乎係當心意比利是Helper , 酒樓員工, 請Production Crew(呢度要感謝呀仔佢地收我好平, 無限感激), 運輸費用, 雜費等等 , 而因為搞呢次春茗實在時間太短, 因為係大家經歷完聖誕Party意猶未盡所以叫我即刻再搞多次春茗, 所以我地能夠R到既SPONSOR實在少之有少, 好感謝仲有廠商肯SPONSOR我地 ..而當晚我地收到既SPONSOR既錢都即刻封哂利是派出去, 現場抽
我地搞手係一蚊都無落過袋 , 事後扣哂錢剩低$1043 仲要話AFTER PARTY去唱K當津貼, 結果唔知點解埋單收哂大家錢都仲要倒貼二千幾蚊 , 講真個句我地都係求開心姐...呢個世界唔係個個都係咁貪錢
我地搞Party就係為左connent大家, 希望大家透過呢個Party可以認識到更加多既人, 令到Youtube呢個圈子更加多唔同既Crossover又或者新衝擊, 希望大家人人有飯開, 而唔好再係一盤散沙, 香港Youtube已經好細, 無謂再搞分化
結果呢? 結果我咪係到打長篇大論同大家解釋囉, 一直以黎唔講, 唔係因為怕俾人篤爆又或者乜, 係因為我地唔想麻煩, 因為網絡上面講野更本唔需要責任, 睇下邊個夠膽架姐, OK 依家我黎哂出黎同大家講喇
呀爭啲唔記得左, 個次春茗我地仲好豪氣邀請左某啲有份sponsor又或者不嬲好撐我地kol既廠商出席, 叫做我地請佢地食飯, 佢地一蚊入場費都唔洗俾 (但其實個圍都係SPONSOR黎, 所以嚴格啲黎講都唔係我地請)
其實我Youtube Channel都已經開左五年有多 , 由頭到尾我都無指意過要靠Youtube搵食, 所以我好隨心, 鐘意拍就拍, 唔鐘意拍就唔拍
所以一路都係浮浮沉沉, 但希望大家唔好抹殺左高訂閱既朋友, 佢地高訂閱係真係佢地有努力過付出過, 背後做左幾多野你地唔會知,
我地唔會乜都擺上台去同你地講, 正如呢場運動你地做左啲咩都唔需要同其他人交代, 光環呢家野唔係個個都想拎 , 其他人我唔敢講..
至少我唔係
好多謝一路仲信我地既觀眾 , 都好多謝鬧我地既網民又或者公開討論我既人 , 因為你地, 我先知道原來自己仲有討論價值 , 多謝你地
呢篇文我無針對任何人又或者想攻擊任何人, 純粹解下話等大家開心下, 他日我都唔會再亂係網絡上面講太多我地私底下自己既野 , 因為我地都有私隱..如果真係發生類似波波呢啲人既話, 其實我會疏遠佢, 大家會有目共睹
以下附上兩張2018年聖誕PARTY同春茗PARTY既財務報表 (係呀好簡單架渣都幾撚ON9, 我地做既原因係因為咁岩有人作出合理懷疑所以我地預先準備左, 希望大家睇完就算喇
各位, 希望大家將眼前既放番係社會上面, YOUTUBER花生好唔好食我唔知, 但政府應該先係大家依家要面對既問題黎
五大訴求 缺一不可 光復香港 時代革命 唔係剩係口號大叫就有用架... 大家加油啦好麻?
youtube訂閱人數報表 在 YouTube 更新了數據分析的訂閱人數報表 - Freedom! 的推薦與評價
YouTube 已經更新的數據分析內的訂閱人數報表，讓創作者能更清楚這些訂閱者來自哪裡。為此，YouTube 也自2017/09/18 起報表內新增了更多的類別。但很遺憾的是， ... ... <看更多>