你敢話十月冇大作咩？
有好多朋友同雷隊長反映，十月好似冇咩全新大作玩，我當堂嚇一跳，然後得啖笑，所以即刻叫豬隊友同朕去各大廠商同官方平台Check下呢個月即將發售嘅遊戲名單……Ummmm……好似真係有少少冷清，不過都叫做有隻《Call of Duty: Black Ops 4》同埋《刺客信條：奧德賽》頂住，之但係今集《COD》得返多人對戰，鍾意單人Mode嘅朋友就要失望啦，得返《奧德賽》，但再睇真啲……重有隻《Red Dead Redemption 2》！點解你哋會話冇Game玩？呢隻Game一隻頂十隻啦！
玩過《Red Dead Redemption》系列嘅朋友一定會知道佢來頭有幾勁，未接觸過嘅等雷隊長介紹下，叫得隻Game做西部牛仔GTA，唔係因為隻Game似《Grand Theft Auto》，而係呢隻《RDR2》真係GTA間公司「R星（Rockstar Games）」推出，大家參考返GTA就可以大概推算到呢隻Game有幾咁高質，而且呢間公司好興十年磨一劍，唔怕出得慢，最緊要出得好，距離上一集已經係八年前嘅事，再加埋高成本同埋大量人數投入製作，《R2D2》絕對係近期嘅名門3A大作。
《Red Dead Redemption 2》預定會喺10月26日正式登錄PS4、Xbox One平台，中文版當然有啦，今集作品係前傳性質，劇情會係2010嗰集《Red Dead Redemption》之前，玩過前作當然會增加投入感啦（部分前作角色都會登場），但因為係前傳作品，即使冇玩過前作，都唔會唔明個劇情講乜，各位新手可以安心入手。
玩家將會喺遊戲中扮演放蕩不羈嘅西部牛仔，孤身對抗眾多亡命之徒，喺真‧開放世界中體驗西部牛仔嘅生活，如同GTA一樣，隻Game會有勁多支線任務、小遊戲，除咗打打殺殺重有大把嘢做，不論係放牧、釣魚、賭錢、睇Show、跳舞等等應有盡有，你甚至乎可以放棄主線喺呢個架空嘅西部世界入邊Hea都充滿樂趣。新作亦參考咗《Grand Theft Auto V》嘅第一身視點模式，遊戲雖然係以第三身（背後）視點製作，但玩家可以隨時將遊戲切換到第一身模式，以唔同角度體驗西部世界。
好多朋友都擔心呢隻Game又會再跳票延期（R星一貫作風），官方可能都驚大家驚，所以釋出咗最新嘅實機影片比大家定定驚，大家快啲望梅止渴住先，至於PC玩家們，你哋可能就要再等下，因為暫時仍未布PC版發售日期公布（第一集係冇PC版），或者直接投奔主機世界啦。
__________________________________
想睇精彩短片，即去：http://bit.ly/2IRwZ8a
game one賭錢 在 JOKER123群| 最大Game One 娛樂城 - Facebook 的推薦與評價
最大Game One 娛樂城 遊戲最全面最多款式比你玩 現在你註冊我即送你$100試玩 絕對無花無假即送你$100試玩即送你$100試玩即送你$100試玩 重要事要講三次 ... ... <看更多>