出醜既事真係一不離二，繼NHK受信料陰霾，去超市買餸都可以成個人亂晒🙄🙄🙄丫仁真係好鍾意食胡瓜（きゅうり即我地既青瓜）紅油青瓜更加係每次必點之選，由其是當白肉同青瓜片夾住一齊食！個種肉既油膩厚實感覺同青瓜清新爽脆個下食感（しょっかん）夾到痺！！（❌煮熟唔食❌）
返正題，想買青瓜整沙律取代炭水化物（たんすいかぶつ）減一減個肚腩，點知見平時買開50円一條既無晒貨，咪再周圍行！行行下見到係貌似香港常見青瓜，雖然貴少少，都立即買左！返到屋企開壇個時發現切既時候唔對勁，點解咁林身？裡面青瓜囊個位咁似茄子？！立即SEND左呢張相問老媽子～佢回覆話係翠肉瓜。
第二日我再去超市望一望個日文名ズッキーニ，睇WIKI知其又名夏南瓜。錯有錯著之下，我又學識左個生字啦😰主婦真係主婦，一眼就分到～其實有好多生字如果你唔係日本住過，真係未必會知係乜野黎。當中最複雜的莫過於魚既品種！每次去居酒屋叫刺身都只會掹大個口得個窿～
#ズッキーニ #夏南瓜 #炭水化物 #青瓜 #胡瓜 #きゅうり #紅油青瓜 #翠肉瓜 #NHK #大丈夫 #工作遊記 #碳水化合物 #廣東話 #諺語 #cucumber #zucchini #cantonese
