🔍健身界入面一直都有個迷思，就係究竟有無「中胸」依舊肌肉呢？
先講下點解會有人認為無中胸啦，因為胸大肌(Pectoralis major)係由手臂肱骨拉向胸骨嘅肌肉，所以唔會有「中胸」依舊肌肉，一練就係練哂成個胸架啦。
再睇返我哋嘅肌肉纖維，表面上嘅胸肌纖維從接近中胸位置嘅胸骨(Sternum)連接到肱骨(Humerus)，
但係依個只係最表面嘅一層‼️而且，唔一定每一條肌肉纖維都係完整地連住肌腱、肌腹、至到肌腱嘅接駁位，唔一定可以由起點延伸至止點。
事實上有一啲肌肉纖維藏咗係裡面，叫做Non-spanning Muscle Fiber(非跨越性肌肉纖維)，佢到肌腹嘅中間就已經斷咗，並無連接著另一邊嘅肌腱。而係中胸裡面嘅肌肉纖維，就正正係依種肌肉纖維啦。
😲心水清嘅人就會問啦，如果佢無連接住另一邊嘅肌腱，咁個部分嘅肌肉係點樣收縮並且制動發力呢？答案係中胸裡面嘅Non-spanning muscle fibers每一條都比肌鞘(muscle sheath)包覆住。肌鞘即係肌肉表層上一種充滿黏性嘅物質或者蛋白質。當你做夾胸嘅動作時，胸肌表層嘅spanning muscle fibers(跨越性肌肉纖維)會從肱骨收縮向中間，就會帶動埋中心嘅肌鞘，以至中胸嘅non-spanning muscle fibers啦。
❌好多人一直都以為所有發力都只係來自肌肉本身同肌腱，但係其實，肌筋膜當中仲有好多唔同嘅連接性組織，連接著肌鞘、包覆住肌肉纖維嘅肌內膜，依啲部分都會幫助發力。內胸就係一個非常好嘅例子，比你知道原來力量仲可以經由肌筋膜傳遞，成功徵召non-spanning muscle fibers。
⭐當你做夾胸嘅幅度夠大，胸肌表層纖維收縮時，就會連接到肌腹裡面嘅non-spanning muscle fibers，幅度越大，連接到越多肌肉纖維，繼而就可以刺激中胸嘅肌肉。所以幾時都話，動作幅度(ROM)係幾咁重要。
另外，上一個post講到男人條事業線可以做啞鈴飛鳥，係到仲要提醒返大家，啞鈴飛鳥唔可以亂咁做，原因係咩呢？
1⃣當你訓係bench嘅時候，雙手落到水平離心位會缺少支撐，如果你過分伸展嘅話仲會產生過量嘅壓力係前膊到，甚至傷害你嘅肩關節。
2⃣係你雙手成垂直，啞鈴係最高位嘅時候，肌肉張力其實幾乎係零，上面都講咗，動作幅度要夠大先可以刺激到中胸嘅肌肉纖維，所以啞鈴飛鳥嘅動作設計其實無辦法練到中胸。
🔶🔶以上內容都係外國物理治療師Jeff Cavaliere YouTube上分享嘅資訊，有興趣嘅朋友可以去睇返佢嘅片啦。而小編睇完之後就產生咗疑問🤨咁訓喺bench做cable fly呢⁉️咁企喺到做cable fly時，cable返去起點位唔會傷害膊頭咩⁉️
依方面我哋請咗英國🇬🇧註冊物理治療師Anthony @ttanthonypoon 為我哋解答：
�1⃣因為你做無論企喺到定訓喺到做cable fly，你都可以控制發力方向，而cable喺最頂、雙手完全打開嘅時候，可以係完全無張力；但係用啞鈴落到底，啞鈴壓力一定係向下，壓力就會直接落咗膊頭。
2⃣至於點解做bench press啞鈴落到底嘅時候個力會無夾胸咁大呢？最大分別係因為做夾胸嘅槓桿作用太勁，雙手要打開而唔只係上落上落；另外係做press你仲有三頭肌同肩胛輔助，令你可以穩定重量。
3⃣訓喺到做闊嘅cable fly呢？因為你夾嘅方向係向外而唔係直接向下，落到底都可以完全無張力，所以就無問題啦。
4⃣除咗press嘅動作，都唔建議用bench做，壞處係佢會鎖死咗你嘅肩胛活動，例如係cable upright row、cable lateral raise。
各位只係睇文字未必明白，建議大家都可以實際去gym房試一試，親身感受👍🏻
圖: KAPO 文:Eunice
#kofgym #gym #muscle #chest #innerchest #cablefly #fibre #肌肉纖維 #肌肉 #胸肌 #力量 #訓練 #gym #香港健身 #健身救港 #香港人
