認識Kerry Hotel係因為同朋友嘅一次小聚，再加上同老公除夕倒數工作嘅原因。兩次都係於佢地嘅Bar [Red Sugar] 絕對被佢地嘅環境吸引到！食物卻一直未品嚐過質素如何。終於因為今次想同朋友食間唔太貴又環境舒靜嘅high tea,就借依個機會決定選址依度試試！Tea Set 由佢地嘅Lobby Lounge包辦，只接受網上登記留位並需於備註上列明係享用tea set ~ 一登記完會隨即收到確認email嘅回覆同留位編號，甘用餐當日只需準時或預早15分鐘到達現場就可以喇～ 原本都想坐露天位因爲對住大草地同維港真心好靚，但天氣太凍😂QT作為一名中女當然唔再為靚唔要命啦～ 幾大都選擇返室內位廢事被寒風凍親～ 枱與枱之後分隔得夠闊，可以好安心甘同朋友談心唔擔心俾附近枱聽到！Tea set 係2人份量，以中式茶做主題，咸甜點各一半，coffe&tea類別可無限refill！價錢為$469～其他飲料就需另單點而且無refill 服務。
Kerry Hotel 係香格里拉集團旗下分支酒店，先唔講個tea set食品如何講銜頭都贏咗一半分啦甘嘅價錢！再睇埋環境！睇到維港又有大草皮仲可以選擇室外用餐又係加分位！座位唔會過於逼夾，環境舒服安靜！仲可以online booking!以上QT個人覺得比1/2島酒店已經做得更好喇👍🏻👍🏻 最少可以安安靜靜同朋有談心唔洗不斷聽到其他附近枱好嘈🙄不停普通話GeLeGuLu先囉！
食物做得都精緻，咸甜各一半，仲有埋煙霧效果！相當吸睛！味道就中上啦，QT覺得咸點做得比甜點好同心思上重一點！個蟹肉竹炭法包以及茶果好味道👍🏻👍🏻 但芝士燕窩撻個皮就做得厚硬左少少，耐左食凍左就更硬，可能轉返做曲奇皮會更完美！< 我同朋友由3點慢食談人到6:30全程侍應都會留意杯中飲品會唔會涼左或唔夠主動上前提出幫忙refill或出一杯新依一點極得大讚👍🏻👍🏻👍🏻
整體黎講QT覺得依間CP值幾高～ 想平平地又享受到酒店級tea set可try try!
地址: Kerry Hotel Hong Kong (lobby cafe)
紅磡紅鸞道38號香港嘉里酒店1樓
red sugar booking 在 Kerry Hotel Hong Kong - Home | Facebook 的推薦與評價
Book Now: https://bit.ly/45DcfIJ 於2023年6月1日至7月31日期間，香港嘉里酒店與 ... As Red Sugar is now open every day, we're thrilled to introduce a series of ... ... <看更多>