打著「英國通」 旗號的 KOL 好友問我有否興趣在倫敦置業，雖已在 Zone 1 和 Zone 2 各置了一個單位，但見他從小便在英國長大，也想聽聽他有什麼好介紹。
「Clapham Place，真心推介。」Zone 1 定 Zone 2？「Zone 2，不過真係正，我自己都喺 Clapham Place 買咗間 Penthouse。」
上網搜尋樓盤資料，消化了緊緊幾分鐘，真係識就笑死唔識就嚇死。
本來不想就著一個自己也不是專家的 area 說三道四，但見有很多人都說那位朋友其實就是葉某本人，實在有必要澄清一下自己對海外置業的一些看法。
海外和在港置業之間，學問大同小異，對我來說，差別只有一個：香港自己熟，可以的話，一定買二手樓；海外自己唔熟，所以不介意 suffer 一個 premium，老虎都買新樓。
其他城市不好說，倫敦算較熟，但也不敢買舊樓；由發展商到樓宇規格，要一下子摸熟哪裏「穩陣」，絕對要做功課，亦要碰碰運氣。自問既沒時間做功課，也對自己運氣沒信心，買新樓是必然之算。純粹從買新樓這一點上，朋友與我的看法是一致的。唔係話新樓一定好過舊樓，而係唔熟就不如寧願畀貴啲。
但我與他的買樓哲學，共通點僅止於此。
講到口臭，買樓最重要是 location。
朋友推介的 Clapham Place，位置好嗎？
Clapham 是倫敦出名的好區，所以如果 Clapham Place 真是在 Clapham 的話，絕對百分百值得投資。
可惜，Clapham Place 原來不在 Clapham，道理就正如「德國寶」其實不在德國製造一樣。
Clapham Place 的確實所在是 Stockwell 和 Clapham North 之間，如果咁都算係 Clapham 嘅話，咁就真係水鬼升城隍，樂富都變九龍塘了。
除咗 location，發展商來頭也很重要。爛唔爛尾，或者租咗出去之後多唔多嘢整，都好睇發展商係邊個 scale。Clapham Place 的發展商叫 Regal London，坦白說，穩唔穩陣很主觀，但講到大，我諗點排都未到呢間。
我在倫敦買的第一個盤叫做 South Quay Plaza，發展商是 Berkeley Group，好歹也叫上市公司，市值港幣五百幾億。當然，不是說上市公司就一定起靚樓，香港有上市的地產商都可以千瘡百孔，但至少，爛尾的可能性較低。
位置和發展商以外，最重要便是政府政策的配合了。現在這麼多香港人想在英國置業，除了香港的政治因素，便是因為英國的 stamp duty holiday。簡單來說，總之在下年三月前 (唔記得 exactly 幾時) 在英國置業，便可以省掉印花稅。
那個 Clapham Place 可以幫你省掉 stamp duty 嗎？Sorry 呀，又唔得呀，因為 Clapham Place 的落成時間在 stamp duty holiday 的完結之後，所以印花稅照舊。
是的，葉某對英國的認識，可能遠遠不及我那位朋友，但他那時候在英國那邊只是一個學生而已。即係咁，唔通深水埗福榮街賣點心嗰位陳伯，喺香港紮根六十年，又代表佢識投資香港物業？你喺一個地方住得耐，同你識唔識喺嗰個地方投資，完全兩回事。
咁而家喺 London 買樓，邊度最好？哪有什麼最好，但如果我買的地方具有任何參考價值的話，請記住一個叫 Greenwich Peninsula 的地方。
這裏不只是一個住宅項目，而是一個好像香港西九一樣的社區。整個 Greenwich Peninsula 分為七個部份，我買的那部份叫 No. 3 Upper Riverside，距離 Canary Wharf 只是兩分鐘的 commute 時間。
最最最吸引，就是發展商的名字—— Knight Dragon。聽落你完全唔知邊間，但其實 Knight Dragon 的幕後老闆就是香港的新世界發展。那棟 Upper Riverside 由外型到單位的裝修用料，都根本就是近來新世界「柏字頭」項目系列的翻版。
鄭公子起樓為咗個「靚」字如何不惜工本已經不是新聞，每個項目的細節去到管理員的制服都是百般講究。財經新聞說香港大圍那個柏傲莊反應激烈，而最便宜那個六百多呎單位都要萬七蚊一呎。
今天開始在倫敦開賣的 No. 5 Upper Riverside，望落去同香港嘅柏字頭一模一樣，也只是一萬蚊一呎。萬七蚊一呎買沙田車公廟道，定係一萬蚊一呎買泰晤士河隔離，視乎你追求的是什麼了。
從投資角度出發，倫敦的 Greenwich Peninsula 有點像四年前的日出康城一樣，正處於快速發展階段。那時候，整個日出康城分十七個 phases，晉海第四期，Malibu 第五期，Ocean Marini 第九期，而 Ocean Marini 已經係講緊萬五蚊一呎。四年前，一個叫峻瀅嘅盤喺日出康城都只係賣九千幾蚊一呎。
所以話，除了看位置和發展商，買樓更要看未來發展。Greenwich Peninsula 是整個歐洲最大型的活化工程之一，新世界喺未來五年會擺多港幣一百億去發展。比起那個唔喺 Clapham 嘅 Clapham North，新世界這個發展是名乎其實的新世界。
當然了，搵個好嘅代理人都非常重要。幫我買樓那位叫做 Howard，佢係一個事事上心而且極之老實嘅後生仔。從來唔 hard sell，細心幫你分析利弊，有個朋友本來想買一個 Upper Riverside 的大單位，但 Howard 了解過朋友的需要後，竟然叫佢買平一半嘅單位。做每個客都本住維持長線關係嘅原則，這種 mentality 有做 banker 的潛質。
如果純屬講買樓，打去 9192 9434 直接搵 Howard，應該比起搵「英國通 KOL」更有用。
投資物業是一門需要摺起衫袖落手落腳去研究的學問，要親自買過賣過賭過試過才算是自己武功。
純粹喺英國讀過好耐書，同識得喺英國投資係兩回事。
要是在那個地方待過一會兒就代表識揀樓，那麼置業何需看鄭公子眼光，跟著福榮街賣牛雜那位在香港紮根六十年的陳伯買樓便是了。
no 5 upper riverside 在 Life at Upper Riverside No. 5 | By The Peninsulist | Facebook 的推薦與評價
Take a virtual tour of our apartments at No. 5 Upper Riverside. Designed by the team at Knight Dragon, the open plan rooms are filled with ... ... <看更多>