◢ 裝修佬同你抗疫 ◤武漢肺炎爆發之後，好多人都希望為社會出力！有人賣口罩，有人賣洗手液。
呢段期間，裝修佬團隊一直諗，點樣用公司嘅生態圈，即係公司嘅業務同人脈，幫到更多市民呢？
首先，腦細不停向有需要嘅人，包括醫護人員，免費派發口罩。
另外，為免因為公司入貨出售，進一步抬高口罩嘅市場價格，腦細一方面決定唔加入「搶貨潮」，同時亦要求同事將公司剩底嘅口罩，照正常咁賣就得，唔駛特別大力宣傳！
之後，因為市面上廁紙供應唔夠，我哋又將原本用作推廣同活動自用嘅廁紙，以成本價出售，幫D無時間排隊買廁紙嘅打工仔，解決「開大」嘅問題！
隨住青衣長康邨康美樓爆出兩宗肺炎確診個案，我哋亦展開咗針對全港Y2型公屋同居屋嘅免費隔氣同排氣管檢查計劃，由諗到真正落區做，只係花咗4日。而且，加上強大嘅IT支援，我哋嘅網上登記系統，全程無出現過死Server或者混亂情況！
睇落，好似做咗好多嘢，但為咗可以幫到更多同最多嘅人，我哋相信只有知識先可以改變疫情。要贏呢場「疫戰」，最終都係要提高社會上，所有人嘅衛生同防疫意識！
所以，我哋推出唔少防疫嘅文章或者短片，然後再通過龐大嘅廣播宣傳網絡，包括九巴車站嘅廣告牌，同各類型嘅媒體及平台，分享防疫知識。
目的，只係一個，香港人，一定要贏呢場仗！
#有裝修佬
#唔怕
#GodBlessHK
#PrayForHK
#Check喉thx
check喉thx 在 #check喉thx - Explore | Facebook 的推薦與評價
喺今次嘅檢查，唔少長者都好開心，因為佢哋都話屋企成日都會有臭味，喺廁所或者廚房傳出嚟，甚至係有喉管出水。而經過師傅檢查過後，佢哋都放心咗好多！重點係，每次檢查 ... ... <看更多>