今日，同大家講個故仔，分享吓點樣揀學校。
-------------
從前，有兩個小學生(阿A同阿B), 佢兩個都係精英班出身，成績不相伯仲(全級頭20內)，大家都有點小聰明，踢一踢郁一郁。
阿B同屋企達成共識，唔理校方勸告，揀咗一間佢曾經參觀過(由小學嘅老師帶隊) ，Band2頭嘅中文中學(因為佢哋知道，成績係可以由校方造出嚟的)。至於阿A，就｢正路｣地揀咗間Band1官校。
入到中學之後，阿B嘅小學老師，大部份都｢戥佢唔抵｣，認為佢可以入到｢好嘅學校｣，為小學增光，提升banding。每次同學聚會，以阿A為首嘅一眾同學，偶爾會冷嘲熱諷吓阿B。
然而，心水清嘅阿B唔係太過介意。因為佢知道，佢遇到嘅每一個老師都好有心，原因係為學生，而唔係為學校。除咗書本知識，佢透過校長同老師親自帶隊嘅六四燭光晚會團，佢學識咩叫明辨是非；透過全校老師喺雨傘革命罷課期間舉行嘅公民課堂，佢學識咩叫公民責任......多得各位老師嘅努力，阿B終於升到大學，出乎阿A嘅意料。
昨日，同六月九日﹑六月十二日一樣，阿B都置身於人群之中。佢知道，佢嘅校長﹑老師﹑同學﹑學長......都成為咗二百萬分之一。唔係，係二百萬零一分之一至真。
一間學校(無論係中學定小學) 好定唔好，唔係睇間學校拎到幾多個獎，有幾多學生入到Band 1/大學，而係睇各位老師，以及佢哋教出嚟嘅學生有冇良心。
咁阿A呢？聽聞果間官校啲老師教得好求其，冇人踢，阿A又點會自己郁呢？考完DSE後，阿A就去咗外國讀書。睇返阿A嘅IG，昨日嘅同樣時間，佢好似隊緊草。
附帶一提，事隔十年後，當阿B嘅母校升格做Band 1，而佢嘅小學學弟學妹想入都未必入到之時，阿A讀果間官校已經因管理不善而排名節節敗退。
---------------
故事主旨，請各位家長﹑老師﹑同學自己參透一下。
P.S 故事內容全屬虛構。如有雷同，或者係真。
P.S.2 二百萬位香港市民，各位有良心嘅校長﹑老師﹑同學，還有那位師兄，一直以來辛苦了，保重﹑晚安。
banding 中文 在 Ober's Test Iliotibial Band Tightness - YouTube 的推薦與評價
... <看更多>