30萬thanks🎉
諗到乜寫乜：
~呢個里程碑，唔係兩個人嘅成就，係30萬人參與嘅成果，多謝咁多位！我知道有啲觀眾仲緊張過我地，會叫埋屋企人、朋友去sub我地，哈哈哈！多謝你地咁支持！
~2020年原本一早就可以30萬，但有部份理念不同嘅人unsub。佢地一邊自己unsub同上網叫人unsub我，一邊話我有理念係因為想多啲人sub我，真係「阿媽，我好亂呀！」其實YouTuber喺後台可以睇到數據，可以評估做某啲內容，係會多人sub定掉返轉有人會unsub。不過我好耐之前就講過，做人做事，唔可以淨係睇利益，咁同「都係打份工」嘅人冇分別。永遠以為人地做一件事只係為左個人利益，只係一啲腦殘嘅人，將自己嘅價值觀放左喺人地身上。
~從零到而家，我從來冇喺個人Facebook出過post叫friend支持，甚至冇同親朋戚友講過我開左channel（until去到幾千sub嘅時候佢地發現左），亦冇試過去其他高sub嘅channel留言刷存在感。自從我開始多人睇，就有一啲channel會喺我影片下面留言叫人去睇佢channel，甚至貼佢影片嘅 link。其實呢個行為真係好肉酸，偶有新channel pm問我點做YouTuber，我最大嘅貼士，係畀心機做內容，唔好花時間做marketing！
~運動、疫情、限聚令、堂食禁令；香港飲食YouTuber喺2020年真係食西北風（睇怕21年都唔會好得去邊）。餐廳廣告cut晒，傾好晒甚至拍晒都hold住。我好proud of自己一件事，係直到現時，咁多年，我一次免費飯、免費staycation都冇接受過！所以大家喺YouTube、Facebook、IG，經常見到某幾間餐廳、酒店有KOL去打卡，但我一直冇去就係咁解！唔接受免費邀請嘅原因有兩個。一，係要對觀眾負責任！二，係要對同行負責任，唔好頂爛市，咁大家先有廣告接。點樣接廣告？咩情況下可以接受免費邀請？有機會再詳細講。any肥，香港而家仲有幾位飲食YouTuber，好認真咁拍緊自費食評，大家一齊加油，亦都希望各位觀眾多多支持香港YouTuber。
~30萬會搞條特備片，Q&A之類，遲啲再話畀大家知。再一次多謝大家支持，冇你地就冇「有碗話碗」！錫晒你地😘
香港飲食youtuber 在 #香港飲食- YouTube 的推薦與評價
【香港餐廳2022】SingK食到嬲嬲地？！2間港島日式料理親身試伏❤️ 誠實食評！必食推介？香港美食香港飲食香港餐廳香港日式料理香港日式餐廳香港日本嘢｜懶系工作室 ... ... <看更多>