《在文化沙漠中種花的二三事》
人人都出書，唔通出書真係咁好搵定係咁易啊？
書展嚟緊啦，一向有個作家夢嘅我，懷緊第三胎《職捱自救企劃》都即將出世！呢排成日被朋友調侃：「你就好啦！有得出書，出版都撈埋，一定賺好多錢啦…」其實近幾年自資出書十分常見，個個都可以做作家，但咁係咪代表文字編輯行業前景一片光明？非也。香港人都識自嘲身處文化沙漠，到底香港地仲有幾多人真係會讀實體書？文字編輯者嘅辛酸，寥寥數字實在無法盡訴…
之不過咁，有得再出版自己嘅骨肉始終係開心嘅，今日一於同大家分享下係香港出書嘅過程！
1. 寫書辛唔辛苦？
理論上嚟講出書係冇字數限制，但正常字數係4-5萬起跳，小說甚至可以有幾十至幾百萬字，絕對唔惹小架！至於題材方面其實唔需要擔心無市場，不過就有分讀者多寡。當然小說、旅遊攻略較受歡迎，但唔代表食譜、工具書就冇人買。你見我咁好彩可以出第三本書就知，即使艱難仍有路行！（多謝支持！）
其實寫作都未係最辛苦嗰part，寫完之後要同搵人設計，又要同出版社溝通細節，完全係one man band嘅打雜，可見出書有幾揼本…可能你會問：耗盡心力去處理呢件咁麻煩嘅事，仲因為咁周身人情債，值得咩？返工見客後仲要繼續筆耕，其實好攰㗎。但當你見到來自讀者嘅feedback，就會有種神奇嘅魔力令你想繼續做呢樣嘢。
2. 出版社投資同自資出書有乜唔同？
出版社會考慮好多因素，例如作者名氣、書籍內容等等。如果覺得你嘅著作有市場潛力，預期銷量理想，就會投資俾錢你出書。而自資嘅話都會有出版社幫你安排編輯、排版同印刷嘅工作，不過係由創作者出錢咁解。各有各好啦，自資出版嚟講，彈性較大，作者對自己嘅作品有更高自主權，可以有多啲創作者嘅個人特色。自由何價～
3. 出版與印刷大有學問?!
有啲作家想慳翻印刷費，會選擇以電子書形式出版，但本人始終偏愛實體書捧係手上嘅質感。呢個就要講到印刷刊物嘅博大精深！印刷實體書嘅紙質非常講究，要睇磅數、質感同設計點樣影響成本書嘅感覺。小說嘅話一般會用道林紙，吸墨唔反光，有圖嘅話就用雪銅紙，令圖片色彩更飽滿順滑。封面嘅紙質同壓紋都好影響㗎，例如晶鑽紙表面有銀光，牛皮紙復古懷舊…設計與印刷相輔相成，先可以搭配出最完美嘅實體書。點解我一個獵頭竟然變成紙質專家？凡事都追求完美，唯有咩都親手學、親身跟到足！
4. 版稅點計？
呢樣好視乎係出版社投資定自資，前者作者可分1-3成，後者基本可達7、8成，有啲出版社更會將賣書所得嘅100%版稅全歸作者所有。但出書始終好難預計銷量，甚至有機會自負盈虧，本書會唔會變成我嘅負資產，就睇大家嘅反應啦！🥺🥺
5. 宣傳可谷銷量 開心不如加印？
其實宣傳嘅嘢真係好揼本，寧願將成本放係書嘅質方面，希望讀者會感受得到。至於宣傳無太多成本，靠曬睇緊呢個post嘅大家！！送禮自購各一本，相信有助催谷來年事業運。全球只得1000本，售完就無，大家要訂就快手啦！
聽日就係書展，明天之前優先訂購，會平少少：
https://docs.google.com/forms/d/1tjPYjkZpYiQDzv_V3PrKgxj78FUim57G7RDZa6KWBT8/
#寫書出版真係好辛苦架🥲
#希望係書展見到你
#全職獵人職捱自救企劃
#FulltimeHeadhunt #全職獵人
#人人搵到好工
#唔會再加印
#數量有限
Follow我哋IG：
🔝最新職位空缺：Fillturegroup
🔝最新職場情報及冷知識：Fillturecareercoaching
🔝全職獵人：Fulltimeheadhunter
香港人搵食攻略 在 真．香港人搵食台【良心食店收集區】 - Facebook 的推薦與評價
出街食飯，除咗要好食、價錢合理，最緊要係食咗唔會背脊骨落。 真．香港人搵食台，希望收集各區良心食店，鼓勵大家多啲幫襯，支持同路人，齊上齊落，食得安樂～ 同時亦 ... ... <看更多>