#英國人工好唔好
#錦鯉有咩工見
大家好，我係人妻先生！最近有好多朋友問我：英國人工好唔好？（車X健式煩膠開場白）
好唔好賺嘅嘢，真係好個別例子，正如有噴噴怪賣啲騎呢美容產品發左達，但亦都有人賣同樣嘅嘢發左霉，咁係咪代表賣垃圾會發達呢？大家心中有數。所以，我唔正面答你，我用數據答你。
下面兩張圖，已經好清楚咁話到俾大家睇，在英國各地域同埋行業，人工係有幾多，如果大家唔夠喉，可以再上網自己google，或者下載各大求職網站的white paper ，如果你懶L到連google同圖都唔L睇嘅話，我會好擔心你點樣挑戰上網買機票飛黎英國呢種高難度動作。
有幾點要留意返：
首先，呢度係計周薪或年薪，例如你見到£30K嘅話係要除12、係要除12、係要除12（因為很重要所以要說三次），千祈唔好除10就當一個月係£3K，唔好笑呀，真係聽過有人咁樣計錯數搞到失晒預算。😂😂😂
其次，呢度係無雙糧，通常係得0.5 -1.5個月薪金的bonus，但bonus呢家野，好似黑警執法咁，佢鍾意就有、唔鍾意就冇，大家平常心唔好靠佢太多。
而重點的重要係：呢啲人工係未·扣·稅的。大家未黎英國之前，絕對未真正感受過咩叫做交稅。交稅是一種會呼吸的痛，而且係一種會呼吸的經痛，因為佢係每個月自動在你薪金裡扣，你到手的薪金已經是被蹂躪過後的殘花敗柳。那種感覺就好像每一個月你辛辛苦苦捱到出糧日，你都會感受到首相Boris Johnson 在後用力環抱著你，然後不加KY用力地深深一頂— 你真係會喊左出黎。每一次在電視見到佢，你嘅反應就同呀Sa一樣：我有俾你X架！
你有冇試過出十萬港紙bonus，然後扣完稅後，發現得返幾皮野？那一刻真的感到萬分沮喪，甚至開始懷疑人生.......
#要知道傷心總是難免的在每一個夢醒時分
#有些事情你現在不必問
#有些工你永遠不必搵
#大家善用網上的稅務計算機
#所謂高人工都係紙上風光
#不過我地生活費係低啲
#租屋平啲
#地方大啲
#個人開心啲
#係窮啲咁囉
#鬼佬彈琵琶嘅歇後語是什麼
#窮到燶窮到燶🎶🎶🎶 😂😂😂
#開心啲啦做人嘅嘢其實好簡單
開心啲啦做人嘅嘢其實好簡單 在 閱讀文章- 精華區HK-drama - 批踢踢實業坊 的推薦與評價
https://bbs.ent.163.com/bbs/tvb/171462531.html
26歲的向佐和 23歲的弟弟向佑，原名向展平和向展凡，看得出，父親向華強希望兄弟倆
做個平凡人。
只不過，姓向，要平凡，談何容易？天生一張有殺氣的臉，向佐想要平凡，更不容易。
就算撇除維基百科中向氏家族一些無從考究的江湖傳聞，就算暫且放下中國星集團大公子
的身份，看着「少年龍五」板着臉講電話、用「 Laughing哥」的姿勢大搖大擺步進影樓
，雖然拍照時還是有禮又恭敬，我和攝影師總不由自主的緊張起來，沒辦法把向佐當成一
個平凡的受訪者。
保持一問一答循規蹈矩的訪問，直到向佐談起自己的角色局限時說道：「我知，我個樣生
得寸吖嘛！」我才戰戰兢兢的說出心底話：「哦，原來你知你生得寸！」
「我個樣寸，好多人唔敢埋我身係真嘅，因為咁、因為我係向華強嘅仔錯過咗幾多機會我
都唔知，惟有笑多啲、做多啲訪問囉，等大家知道其實我唔係咁難相處……」
向佐一邊笑一邊說，自己的爸爸媽媽有多平凡，每個星期天的父子聚會游水放風箏又有多
平凡，吃力爭取每個演出機會更是平凡得像大家一樣。
我一邊聽一邊覺得，陳刀仔在《賭俠》裏說龍五「唔笑好過笑」不是沒道理，向佐這個用
了不少髮蠟梳出來的 all back頭，世間更是沒幾個人能 carry。
電視新丁
香港出世的向佐， 13歲往英國升學， 18歲中學畢業以後已經立志做演員，轉往美國修讀
drama。
「出面以為我 20歲想入呢行，其實我細細個跟老豆出入片場、睇佢度劇本、開會，一早
想做呢行。 18歲話畀老豆聽，老豆叫我諗多兩年先：『做藝員有起有跌，又未必會紅，
你係向華強個仔，一出道人哋就畀負分你，你再諗吓啦！』」
兩年以後，向佐意向依然堅定，向華強又說：「我唔會搵你拍戲 o架，除非你喺出邊有口
碑，我見到你喺呢行有價值啦！」老豆不但不出手，他的中國星老闆身份更讓向佐長達 3
年沒工開。
「明明試鏡話外形 ok，人哋話有得揀都寧願揀第二個，點知我會唔會玩嘢、會唔會耍大
牌喎……係直頭有人咁兜口兜面同我講：『我點敢用你？點請得起你？你話我畀咩價你好
？』唔係一次，係次次都係咁……所以一有嘢做，我真係好珍惜、好感激有人夠膽用我。
冇辦法，惟有一步一步自己做好啲，靠一個傳一個，先會有人夠膽用我。」
當然，做向華強和陳嵐的兒子，好處還是有的。世叔伯李連杰就出手打救，推薦他連演《
霍元甲》和《投名狀》兩個大製作，與陳嵐交情不錯的方逸華，則叫陳志雲在新劇《鐵馬
尋橋》裏留個角色給向佐：「因為咁樣入 TVB，人哋點睇我都唔到我擔心。 So far我又
冇見到有人用奇怪眼神睇我，總之我當佢哋係朋友。」
被網友抨擊在《鐵馬尋橋》大段台詞讀得含糊不清，向佐說拍劇初期不適應進度、喉嚨也
碰巧不舒服：「睇埋落去，我覺得自己後半段做得幾好。」
向氏父子
第一次拍電視劇的向佐，第一間入的屋是自己家。
「爸爸媽媽幾乎每集都有睇，話我經驗唔夠、做得唔好，有啲失望……其實我屋企都係一
個好普通家庭：屋企有 5個成員，個個放工都準時返嚟食飯，食嘅餸都係啲炒豆乾、炆牛
腩咁，好簡單。阿媽有時會打吓牌，阿爸就睇吓新聞睇吓碟，得閒會同我哋講吓歷史講吓
道理咁……唔需要睇到我哋有幾勁，晚晚唔知喺度做啲咩……其實我哋好簡單，只不過我
嘅樣……」簡單與普通，向佐不停強調，也不斷重複。
「少年龍五」說，「正版龍五」發起火來更得人驚：「阿爸最憎我哋兩兄弟打交，發起火
上嚟就用木棍打籮柚，堅痛！佢話無論如何，做兄弟一定要齊心。
「爸爸係一個好重視家庭嘅人，我細個時其實成日見佢。佢唔鍾意買車、唔鍾意買表，晚
晚放工就返屋企，睇報紙等開飯，同我哋傾吓偈。以前細個，爸爸逢星期日都會同我哋去
九龍仔公園游水、放風箏，去九龍城大排檔食吓嘢。佢唔介意多人望，因為嗰度係佢長大
嘅地方，阿爺以前就係住九龍城，爸爸份人好念舊。
「阿爸又話，做人最緊要態度好，識分尊卑，仲要勤奮上進。佢話呢行見得太多，因為態
度差人緣差，由紅變到冇嘢撈……嗰啲人我都識，所以我做嘢都記住佢講嘅嘢……初入行
，人哋成日講我老豆，我唔開心 o架，諗諗吓，有咩好嬲？老豆咁叻，我又咁似老豆，應
該自豪至啱，不過老豆仲有太多太多優點，我有排都學唔嚟！」
01年， 17歲的向佐在尖沙咀夜店因為藏有小量可卡因和 K仔被捕，向佐解釋錯袋朋友煙
盒，加上驗尿結果正常，被判無罪。《蘋果日報》圖片
誰最單純
講完阿爸，輪到阿媽：「阿媽同阿爸唔同，成日叫我醒目啲。最經典嗰句，係我 14歲第
一次帶女朋友畀佢睇，佢話：『我唔理你啲女朋友係黑定白、黃定紅，唔好係男人就得啦
！』」
從入行前的 model、到傳緋聞的中國星花旦應采兒、女模女友，到最近公開的 Race（黃
婉佩），還有外傳利用 email肉照主動追求的鍾欣桐，我問向佐有沒有帶眼識人，向佐答
：「阿媽睇人最叻！」
「我阿媽睇人真係好準，我個個女朋友都會帶畀佢睇，佢會話畀我聽邊個好、邊個唔好。
初頭我都唔信，結果又真係有個俾佢講中，對我唔係真心真意。」
向佐（右）少年時期綽號「肥平」，高峰期體重 240磅， 14歲時為了向暗戀的女生表白
，做運動、食中藥兼節食，狂減 80磅。
20歲從美國回流香港後做兼職 model，向佐說：「阿爸阿媽成日會嚟睇我行 catwalk，仲
會拍低片，無論我鍾意做乜，阿爸其實都好支持。」《蘋果日報》圖片
一開始，阿媽反對到不得了，話佢（ Race）啲嘢唔清唔楚就唔應該再同我一齊。
拍《前度》結識的天真嬌，再沒聯絡；至於現任的 Race，向佐讚個不停：「我鍾意佢孝
順、冇架子，對人好，對我又好，好愛我囉。我點氹佢？其實男人唔係講呢啲嘢，好似我
阿爸咁，平時唔多出聲，到我阿媽之前個腦生瘤，要去美國幾個禮拜醫，阿爸即刻放低所
有生意去陪佢。到真係有事，邊個最重要即刻睇到。」
至於阿媽點睇 Race，向佐說：「一開始，阿媽反對到不得了，話佢啲嘢唔清唔楚就唔應
該再同我一齊。o依家 Race搞晒離婚啲嘢，阿媽不知幾錫佢，我咁多個女朋友， Race係
第一個阿媽會主動搵佢行街、傾電話嘅女仔嚟 o架！
「 Race其實好純品，擔屎都唔偷食嗰隻……出邊話佢氹我買樓買嘢畀佢，其實我老豆又
唔會畀錢我，我自己都唔搵得多，講難聽啲，如果佢真係貪錢，佢以前老公仲有錢啦！」
一個打十個
父親向華強年輕時是動作明星，向佐亦不弱， 4、 5歲就開始習武。洪拳、跆拳道、自由
搏擊和散打都練過，又在李連杰和甄子丹出身的北京武術學院進修過。拍電影拍電視用得
着，向佐說，在英國幫朋友出頭，牛高馬大的老外亦要甘拜下風：「葉問咁一個打十個未
必得，大隻過我嘅鬼佬，兩三個應該唔係問題！」
老外見識少，換着唐人地方，有誰敢跟少年龍五過唔去？
撰文：朱小博
攝影：林子賢
場地提供： Vertigo Ultralounge
... <看更多>