關於 迪士尼夜間城堡匯演 ，我們在網路上蒐集到這些相關的討論、資訊與評價

從The Magic Behind a Disney Castle 展覽入面幾幅概念圖, 估計到香港迪士尼正籌備當中嘅夜間匯演將以「時間」作為主題, 但假如呢個演出並唔只係咁表面, 而係想以「時間」呢個主題再帶出一個更深層次嘅課題, 又會點呢?

喺奇妙夢想城堡導賞之旅當中, 出現呢幅Nighttime Spectacular 嘅概念圖, 大家又發唔發掘到呢幅圖表達緊D咩?

Mamá Coco, Mufasa, Ellie, Gramma Tala, Queen Iduna, 全部都係逝去嘅角色, 而且同樣都係講緊親情.

「時間」只係一個主題, 背後想帶出嘅係更深入, 關於人生嘅重要議題. 時間不斷流逝而唔能夠捉緊, 可以捉緊嘅就係當下仍然擁有嘅時光, 同埋過去曾建立嘅美好回憶. 所以十五周年嘅主題曲, 就係傳遞緊Live the Moment, Love the Memory 呢個道理.

而今次Nighttime Spectacular 嘅名稱, 根據The Magic Behind a Disney Castle 展覽所示, 正正就係Cherish the Memories.

相比起展現炫目嘅技術、用幾多盞燈、列出幾多位最新最受歡迎嘅迪士尼角色, 香港迪士尼嘅夜間演出, 透過Disney 多個耳熟能詳嘅故事, 去講出老生常談但歷久不衰嘅道理.

今次會唔會係一個emotional 嘅演出, 或需視乎演出內容同音樂嘅編排, 但可以想像到佢並唔會係一個流於表面嘅演出.

現時只欠嘅係, 到底呢個演出幾時上演? 城堡都落成咗幾個月, 或者園方都係時候要更新一下.

本來嘅煙花發射位置已用嚟起緊Arendelle, 煙花/煙火數量都預計冇以前咁多, 迪士尼城堡夜間匯演玩咗咁多年, 嚟嚟去去都係玩差唔多嘅嘢, 除咗加州可以飛到Tinkerbell 同Dumbo 出嚟, 其他嘅技術都係差唔多.

但睇完上海個新Show 後突然覺得, 其實突破同好唔好睇原來真係未必關事, 演出嘅編排同音樂嘅配合更重要. 假如係為做而做, 迫自己一定要做夠一個15分鐘嘅Show 而硬塞內容, 一定要用最新最受歡迎嘅content 而唔理前後配唔配合到, 成個show 就唔會好睇.

至於擔心香港個Show 會唔會再一次被騎劫, 好彩嘅係The Magic Behind a Disney Castle 展覽中見到Castle of Magical Dreams 將來Nighttime Spectacular 嘅部分畫面, 呢堆畫面並無喺上海演出中出現.

維尼喎.

感覺香港呢個Show 係會包含更多Classic 嘅作品, 而又喺The Magic Behind a Disney Castle 展覽中, 見到Animation Studios 特別為呢個演出重繪內容, 並唔係直接播出電影畫面. 其實咁就已經可以見到製作團隊嘅心思.

只希望呢個演出嘅音樂能夠令人感動.

[補上完整演出] 上海迪士尼新夜間匯演, Marvel Super Heroes 首次喺迪士尼城堡上出現. 話晒都係全球首次, 有片段了. (大陸網站, 可以考慮下再決定click 唔click 入去)
https://bit.ly/3muwphU

覺得個頭係開得好好, 頭一分鐘係好型, 之後就有少少夾硬. 最後無限手套同逐粒石飛埋去又膠膠地. 以為起碼會噠下手指, 但又冇.

不過全球首次係勁嘅, 當地人鍾意就好.

完整演出: https://bit.ly/2Q4S5p0