【《#詭屋驚凶實錄3：魔旨》短評幾句】
1. 今集絕對唔係James Wan執導，今集絕對唔係James Wan執導，今集絕對唔係James Wan執導，重要的事要說三次，佢只係編劇同監製。
2. 降低呢個期望，一定去唔到上兩集咁殿堂級神片地步，獨立而論又真係唔差，起碼未到導演前作《哭泣的女詭》咁差
3. 講娛樂性的話，一如前作都係玩凶宅，一閃而過嘅異像，再加突如其來嘅Jump scare位，都依然做到所需效果、氣氛調度都一樣係系列最出色所在
4. 或者咁講，上兩集係「靈異查案」故事，但都「靈異」多過「查案」，今集就真係一套「查案」片，唔好當恐怖片睇（雖然入得場都好難唔當），當做查案片睇都幾緊張嘅，算係系列比較跳出框框一集
5. 個問題又嚟，因為我入場就係想睇恐怖驚嚇，恐怖場面唔多，甚至大部份預告出曬，點都有少少期望錯配，恐怖片迷點都會失望
6. 當《詭娃安娜貝爾3：回家》幾乎已去到《美國隊長3：英雄內戰》地步，系列Fans或多或少都會期待，今次回歸正傳有咩猛鬼Battle，但原來諗多咗。情況如同你睇完十集Marvel獨立故事去到Avengers話你知，Ironman只會喺相中出現。雖然「正傳」係真人真事改篇，都可以吹多少少Universe連貫性嘅
7. 唔知佢想鋪下一個獨立故事定點，今集反派（惡鬼）個陰謀講完等於冇講，如果呼應返英文片名「鬼叫我咁做」，咁佢做乜要你咁做？如果《詭修女》都可以吹多集出嚟，呢單嘢係咪又要拍多個獨立故事？
8. 目前仲有《詭修女2》、《The Crooked Man》，聞說有《詭娃安娜貝爾4》開發中，你想知背後咩事，應該有排等。呢套唔知chok到咩獨立故事出嚟，拜訪唔好拍肥婆屍體起源故事，我唔想知
9. 雖然話恐怖場面都有，但對比上兩集「樓梯拍手」、「詭修女跳出畫框」果類講十世都會記得嘅經典恐怖場面，今集我真係講唔出有邊個位去到呢個高度，甚至《詭娃安娜貝爾：造孽》、《詭娃安娜貝爾：回家》都好過佢
10. 華倫夫婦個女突然大個咗咁多，然後連基本戲份都冇埋，陰功。
《詭屋驚凶實錄3：魔旨》觀後感全文可看留言連結。
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
詭娃安娜貝爾回家 在 #詭娃安娜貝爾回家 - Explore | Facebook 的推薦與評價
《詭娃安娜貝爾》系列電影來到第3集—《詭娃安娜貝爾：回家》(Annabelle Comes Home)，即將在7月4日在香港上映！而由即日起至7月7日，粉絲們可以來到尖沙咀UA iSQUARE戲院8 ... ... <看更多>