《那些我愛過的人》馬貫東角色抄足《Good Doctor》要扣分
～ 首集算是節奏明快，不過大場面又係開場撞車，人物關係的交代方式亦是大台常見，一睇都係倫理愛情為主，不過結尾突然玩懸疑推理，學日劇整部電腦Mon出來，話七年前的車禍真相未明，又估兇手？第一集整體感覺是ok的，但是否好看言之尚早，尤其是見到全劇又係25集，呢下絕對是隱憂，《降魔的2.0》部分原因都是因為25集出事。
～ 對於男一女一的演出，個人其實已經有了固定印像，估計今次也和以前差不多，不會有甚麼突破，黃翠如這角色本來是李佳芯演的，這劇是2018年底拍的，換角原因估計是撞期居多。第一集她的表現尚算自然，希望真是見到進步。男一向來以型為主，無乜變。
～ 這劇本身最期待睇馬貫東、連詩雅、顧定軒和蘇皓兒，連之前特別演出過《使徒行者2》，今次是首次在劇集做女二，顧和蘇是首次，顧定軒在電影《翠絲》做過年青時期的姜皓文，當時演出備受肯定。蘇皓兒來自女子組合As One，模特兒工作為主，劇集演出經驗不多，純粹睇靚女其實都夠。
～ 馬貫東的角色抄足《Good Doctor》，連用動畫表示患病位置都抄埋，但啲動画又好鬼簡單，真係大扣分。《Good Doctor》一劇源自南韓，之後美國和日本分別購買版權翻拍，在各地都受到歡迎，大台真係當香港觀眾未睇過？唔知大台有沒有付版權費呢？這些都唔關馬貫東事，希望佢演好這角色啦！
～ 楊卓娜終於唔駛做「御用寡婦」了，今次唔駛睇爆喊，她係喊得好睇，但太多監製找她做相同角色了！今次她撞穿車頭玻璃一鏡算做得唔錯，咁當然唔可以同電影比啦！
～ 做翠如女兒的童星黃芷晴演出自然，值得一讚。
～ 那個初出生BB，就算唔見血，都可以整濕些少，搽啲cream，好過現正唔似初生。
＃那些我愛過的人 #林文龍 #黃翠如 #馬貫東 #連詩雅 #顧定軒 #蘇皓兒 #黃嘉樂 #李任燊 #陳自瑤
