免費廣告系列:隨時好食過英國嘅Fish n’chips
繼續發掘元朗隱世良心店!!!!!
其實甚至你住喺元朗，但係唔係住水邊圍呢一頭，都好少會專登過嚟呢度食嘢，係一眾街坊舖頭食肆中間，跟住懲罰地圖，就嚟到呢一間，woodsage
店舖風格簡潔高尚，仲有幾個露天位可以嘆咖啡享受陽光(你懂的)☕️
睇咗其他良心推介，那一定要試吓呢度嘅Fish n chips。我由細食到大嘅一間飲啤酒食炸魚薯條嘅舖頭喺灣仔，但係因為良心嘅問題已經唔能夠再去，好開心喺呢度搵到有過之而無不及嘅質素！
同老闆傾偈，佢話因為呢一度租金比較平，食物可以唔使買咁貴，而且可以用更加好嘅食材。好多時候出邊嘅炸魚薯條都係用平價鯰魚，但係呢一度就用龍利，一食就知道個分別，魚油豐富，非常香脆！薯條亦都有水準，最衰要揸車，如果唔係一定會喺度狂飲啤酒
另外仲叫咗黑松露pizza，餅底非常香脆，食到嗰邊直頭好似餅乾咁，仲叫咗泰式青咖喱雞意大利粉，味道非常濃郁，裏面嘅雞肉食極都有，連我都夠飽就真係太大件夾抵食！
性價比超高，呢個質素嘅食物喺出邊食一定過百，但係呢一度都係七八十，實在係幸福！
今時今日良心店嘅生意都唔容易做，當入到去舖頭就會感覺到同路人互相支持嘅氣氛，
就算改變唔到個現實，都唔好俾個現實改變
已經好期待下一次再嚟食啦，加油，woodsage !!
#免費廣告系列第n回
#炸魚薯條
#fishnchips
#良心小店
#元朗美食 @ Woodsage
良心店灣仔 在 51黃金良心圈| 支持黃店，灣仔，如意冰室. - Facebook 的推薦與評價
支持黃店，灣仔，如意冰室. ... <看更多>