【美國夢】
今日想講下美國呢個地方，
我諗由我join到依家，無可否認我飛得最多既一定係美國，
如果呢度有「印度王」既話，我諗我係「美加king」。
我咁鐘意飛美國，有好多原因，
一黎美國野除左啲菜呀肉呀，或者係supermarket買到既野之外，
其實個度大部分既衫褲鞋襪都唔係好岩我，
由於我地既allowance真係佔左我份糧既差唔多一半，
為左慳錢，我就大部分時候都會揀swap去美國機黎做，
美國機時間又長，而我地又係時薪制，
而且day flight都分配俾香港既同事飛，而我自己又捱唔到夜，
所以慢慢我就變成同事們之間所講既「美加人」，
姐係專門飛美國既同事，無計，因為我都係個「跑鐘人」。
飛得多美國，慢慢都無左剛到美國時既個份「美國夢」，
唔係話我唔鐘意美國，正正我對美國呢個地方，
其實都幾欣賞，佢地勇於創新，所以佢地有既係科學科技，而唔係抄襲，
世界上無一個國家有絕對既自己，不過佢有對比其他國家有既自由，
可以揀一班人出黎代表自己既國家，去進行政治法律既決策，
都叫可以為佢地而改變國家局面，
雖然你又可以話自己仆街唔好喊。
當然，佢地做大部分既野都有法律既保障，
所以我最欣賞既係美國人對black and white既堅持，岩同錯你地可以跟翻black and white。
係機上既乘客，我最鐘意既就係serve美國客，
我講緊既，係真正係美國土生土長個班，
雖然有啲話佢地郁下就話告人，
但你唔好理，我就欣賞佢地識得乜都爭取自己既權利，
你對佢地好，佢地其實都會對你好！
所以，我真係好鐘意同美國人相處既時間。
不過，一個貌似烏托邦既國度，
其實都有好多鮮為人知既慘況。
假如你到過美國旅遊既話，你會發覺美國呢個地方其實都好危險，
佢地可以揸槍自保，但另一個角度睇佢地對槍械管制都未去到好嚴，
如果你一個人夜晚係街到行，即使係大街都好小心，因為隨時真係會突然有人走出黎搶你野，
我聽過身邊既朋友試過俾人揸槍打劫。
就算唔係話有人打劫，你會發覺真係周街都好多homeless既人，
有住當地既朋友同我講，佢地其中一啲係因為吸毒搞成咁，
所以佢地成日都神志不清，胡言亂語，
而有部分既人，就係因為去當兵打仗，
因為見到殺戮場面，翻到屋企後得到創傷後遺症，
最後乜都做唔到，所以就變成屋都無得住，無家可歸了。
我仲記得有次去到Boston，作為一個學術城市，
理應係一個學術氣氛濃厚既地方，
但我對Boston既第一印象，其實係有個癡線佬一路走向我同啲同事，一路打J。
去得多美國，你就會發覺美國同想像既，
應該都幾有出入，就好似紐約咁，你夜晚出街，
真係會見到啲後街會有好多老鼠，
我試過係世貿遺址附近，一次過見到一堆有20隻老鼠咁成群結隊咁跑，
你估佢地真係五星級大鼠咁可愛咩。
有次我同個朋友係time square附近行，
行行下發覺，眼前個男人俾啲人圍住左，
而佢身上有啲野走來走去，
再行近啲睇，我見到佢身上有三隻半隻手臂長既老鼠，
而個三隻老鼠都染左色，有藍色、紅色，
記住，係水渠個種老鼠，你知唔知道我見到佢玩老鼠個刻我係真心想嘔，
所以我依家對New York，已經係只有老鼠既印象了。
仲未計係洛杉磯巴士上會見到自言自語既女人，
所以我係美國，都特別會提高警覺，
講真，你唔知幾時突然間前面個個人搵支槍去指住你。
未去美國前，總覺得呢個地方係一個尋夢既國度，
到過美國之後，我明白，係岩既，
美國係一個尋夢既地方，不過係尋夢前，
你要確保自己既人生安全，仲有呢個國家，
的確還存在歧視，
所以你真係相信呢個世界有一個國家會完全平等嗎？
有既，你不妨話我知！
雖然，我仍然好喜歡美國。
真係好鍾意飛美國。
-----------
IG：www.instagram.com/andrew.flyingdiary
FB：@安德魯
