（人生中最後悔的一件事😩 肥咗10磅去結婚😭）
之前有講過結咗婚之後開始幸福肥，大家都唔相信，我真係肥咗🔟磅！ ！ ！上年12月註冊過後，三個月左右就肥返10磅，持續到現在😩 其實都唔係持續，因為體重一直攀升緊，不停再創高峰🥺🥺🥺
呢兩個月我知道再落去唔係辦法，真係搞唔掂，開始每個星期一都會空腹磅重，希望慢慢減返落嚟😢 但兩個月過去，我嘅體重一直係53至55 kg徘徊，今個星期一仲驚見56kg 😱😱😱 我到底食夠未😒 呢一刻，我都開始決心減肥嫁喇….
到早兩晚，收到五月結婚嘅相，望咗兩眼我就崩潰大喊😭😭😭 比起12月，肥咗10磅嘅我，原來真係好覺眼，塊面完全係圓嘅，手臂粗嘅，嘩嗚😭😭😭😭😭 我真係10萬個後悔，點解我會容許自己肥咗10磅去結婚，點解唔忍下口，擺埋酒先放縱😔 我瘋狂大喊嚇親老公，佢話我好搞笑咁都要喊，仲拍片恥笑我，我反問佢咁肥點解冇羞恥之心🤣🤣🤣
結果，佢竟然開始有少少自知之明，話同我一齊減肥喎！（我都付出咗吸引嘅獎金，獎勵佢一齊做運動💪🏻🤣）呢三日我跟返註冊前嘅健康減肥餐單，總算落返54kg 😢 今次呢個教訓真係好大，我用咗人生中咁重要嘅一日嚟買個教訓😭 我就心諗，既然結婚都唔係我最靚最瘦嘅一日，以後我老咗都要keep住靚keep住瘦，當係曾經的黑歷史就算！🤣
嚟緊兩個月，都有值得期待嘅staycation🥳，買咗新泳衣👙好想去打卡，我一定要減肥成功！ ！ ！💪🏻💪🏻💪🏻 所以有留意我Instagram嘅朋友仔，都會發現近來我多咗去做運動，嚟緊飲食都要健康好多，歡迎大家一齊嚟鞭策我🤣🤣🤣
*Please follow my IG@francesca_ng
今次連磅數都公開晒，兩個月後冇成績睇就真係醜死怪～我一定一定會成功！🥺💪🏻
#加埋奧運熱潮好有動力
#今屆我最喜愛的香港運動員係伍家朗
