陪人睇show就像做part time boyfriend，不應當做善事益咗人，而應該用心讓被陪者賓至如歸。
很多人成日呻：「唉，個freind／女朋友迫我陪佢睇xxxxx，好鬼悶呀。」口講嫌棄，字𥚃行間卻有種自豪、晒命，炫耀自己與他人關係非比尋常的意味，得罪講句，就像在說「何不食肉糜？」 一樣。
先不論很多人，日日夜夜在等人邀請，卻從來都没有人出現；現在任何show的飛，就算幾麻煩幾難買，全部都在十秒之內報復式沽清，搶手程度比起疫情初期的口罩有過之而無不及。你很不想去的show，不知是多少人日思夜想，整個朝早守在電腦芒前也買不到飛的once in a lifetime experience。
再者，作為一個人，你永遠有say no的權利，youtube唔好睇你可以quit youtube，份工唔好做可以轉工，個場唔好玩可以轉場。没有say no，代表你個人做了選擇，正所謂條路自己揀，仆街唔好喊。就算你最厭惡人多的場合，就算你好多工作未做，就算場show真的不好看，也不應該抱著想快點完場返屋企寫文的心態去看，而應該嘗試enjoy。
因為人是很容易受人影響的生物。你的不耐煩與厭惡，會在無意之中傳染給身邊的人，例如是邀請你陪佢睇show的她。你的不自在，會令他人也覺得不自在；你享受氣氛，其他人也能夠享受氣氛。
如果你不懂得如何自娛，作為經常陪人睇show的佬編，可以俾少少tips你。
首先可以睇觀眾，尤其去一些多女的場合，例如人氣男偶象團體演唱會時，不妨感受下，那股日常難以切身體會到的青春與活力。其次是睇supporting band，一場show的好壞，除了主角之外，背後的supporting band其實也功不可沒，好彩的話，還可以留意到一些蝦碌位及其補救。
可能你會話，為甚麼要無嘢搵嘢啤睇，靜靜地閉目養神不好嗎？Well，時間對每個人都是公平的，橫掂是浪費了，倒不如靠自己賦予意義。而且很多時候，散場之後，才是你的主戰場。
「頭先場show你覺得點呀？」，後悔的聲音言猶在耳，佬編正是因為剛才答得不好，現在才會獨自在家趕稿。
F.
睇show日常 在 #睇show日常 - Explore | Facebook 的推薦與評價
[睇Show日常] HOCC MINI LIVE - MAY 2022 -- YY之夜. 未試過睇一個Show係咁沉重咁無力，但菇仔HOCC 好一句最重要一路都知自己做緊乜同埋無悔，正如我地一班菇徒都無悔 ... ... <看更多>