//我明白周杰倫唔係佢喜歡嘅類型，但送別佢離開嘅最後一個眼神交流，我知道我地心裏面希望整嘅唔係三文治，而係一餐九大簋。//
《EP02 - 我的心情猶像樽蓋等被揭開....》
第一日到埗，喺見瑞意之前我的確係有啲睡意。恰左陣叉左陣電，就聽到佢嘅出現。但為左捕捉我最真實嘅反應，喺roll機前我都無辦法見到佢個樣，只能夠喺佢企近我時，憑佢嘅香水味估下佢係咩樣。
根據我多年睇running man嘅經驗，通常靚女嘉賓出場，李光洙都係以掩面傻笑去反應，啲女仔都好受落。我決定照抄黎用。可惜我忘記左一點，我並唔係李光洙，所以只係尷尬收場。
後黎傾多幾句，佢嘅戒心減退左終於肯打開佢個心口，我意思個心扉同我交流。原來瑞意佢剛簽左間唱片公司無耐，我當然即刻叫佢唱返兩咀黎聽下啦。點知佢即刻say no。我心諗：
「咁快就請檸檬我食？！」
追問之下原來係因為佢病左，發住燒都要黎見我（好似係）。剩係呢一份心意已經加分。
有邊個男人唔嚮往同自己鍾意嘅女仔去超級市場買餸煮飯仔？嗰刻望住病左嘅瑞意，怕醜得黎有種需要被保護嘅感覺，嗰份賢淑就係咁流晒出黎。
我同瑞意嘅關係嘅轉捩點，莫過於「撓住手仔煮飯仔」。聽到一人只能用一隻手黎煮，我認我心邪，我即刻諗到要撓住手。好彩今次佢無再請我食檸檬，仲喺我單手打蛋嘅時候比我感受到最令人期待嘅台式打氣。
「加油喲～」
嗰個喲，係幾咁之好聽。
整好三文治之後，我同瑞意之間嘅距離猶如0.03一樣咁零隔膜，佢都唔介意我餵佢食。
瑞意彷彿代表住慢熱嘅女仔，第一次見面尷尬，就好似汽車維修員隨身有支士巴拿一樣，係好合理。但原來時間係可以沖淡一切，包括呢份尷尬。我明白周杰倫唔係佢喜歡嘅類型，但送別佢離開嘅最後一個眼神交流，我知道我地心裏面希望整嘅唔係三文治，而係一餐九大簋。
瑞意參數：
攻擊力：***
防禦力：***
續航力：****
親和力：****
摩擦力：***
[待續］
====================================
ViuTV
波盛
+886MM 逢星期五晚 免費電視99台 ViuTV
重溫：http://viu.tv/encore/886-mm
#viutv #886MM #波盛 #瑞意 #本來諗住輕輕寫 #點知越寫越多 #節目得十幾分鐘邊交代得晒 #未到星期五新一集 #睇住篇文過下癮 #未睇記住睇重溫 #追返進度
睇住篇文過下癮 在 886MM - 《EP02 - Facebook 的推薦與評價
根據我多年睇running man嘅經驗，通常靚女嘉賓出場，李光洙都係以掩面傻笑去 ... 節目得十幾分鐘邊交代得晒#未到星期五新一集#睇住篇文過下癮#未睇記住睇重溫#追返進度. ... <看更多>