【夾公仔機歷久不衰，又關消費者心理學事？】
近幾年，香港大吹夾公仔機熱潮，梗有一間舖頭喺左近。搵場地、買部機、入獎品、申請牌照，基本上就可以營業。由於投資門檻低，大有大做，細有細做，大如旺角電競館佔據幾千呎，細如屋邨商場百零呎舖頭仔，唔少人都投資過下老闆癮。
門檻同營運成本低之外，夾公仔機點解可以開到成行成市？
夾公仔機能夠風靡日本台灣多年，當然有其生存之道，全因正中消費者心理下懷！第一，單次消費額低：每舖只係十蚊五蚊，當買個希望，就算蝕咗都唔會心痛；第二，獎品多元化：可以針對消費者喜好轉換獎品，近期夾紙巾同口罩就最有noise；第三，成功感：夾公仔刺激又可以減壓，成功嘅話滿足感更加不可言喻。第四，天生打獵本色：男性自古內心都暗藏狩獵心態，公仔機就係表演狩獵嘅舞台，所以好多男玩家唔係特別鍾意獎品，但都會迷玩到夾中為止，一嘗狩獵成功嘅快感。
聽落好似幾有作為，坐定定就可以等收錢。但想投資夾公仔機嘅話，除咗確保獎品夠吸引，個爪抓到獎品又唔會蝕本，最重要係遵守「有獎娛樂遊戲牌照」規定，當中就列明每round遊戲唔可以超過$5，而獎品價值亦唔可以超過$300……咁即係坊間夾公仔機用iPhone、Switch做獎品，其實已經犯緊法。如果執法部門揸正嚟做，隨時「未見官先打八十大板」，未賺錢前就惹上官非了。
所以想賺Easy Money，就一定要花功夫做功課。Making money is not so easy！
獎品多元化 在 ［獎品］多元化獎品 有得食有得玩 繼續夾 繼續 ... - YouTube 的推薦與評價
獎品 ］ 多元化 獎品 有得食有得玩 繼續夾 繼續練習好技術 #family #必玩 #namco #夾公仔 #夾公仔新手 #夾公仔達人 #戰利品 #假日好去處 ... ... <看更多>