阿公講鬼【相中人】
**文章最底有繁中版**
阿公講過，每隻鬼曾經都係人。
每個人都會與唔同嘅人連結。
每隻鬼留喺人間唔肯投胎，都一定係因為呢個連結。
有可能係緣份未了，又或者即使緣分已盡，亦唔捨得佢中斷。
如果有留意我個人嘅Facebook，都知道最近我去咗墾丁幫忙電影拍攝。
劇組拍攝地點雖然喺墾丁，但位置唔屬於旅遊熱點，所以四周圍畀我嘅感覺都非常簡樸。
除咗衣食住行生活所需之外，其他乜都無…
戲院？無…
商場？都無…
我遇到一間好鍾意食嘅面店，但佢唔會每日營業。因為摸過幾次門釘，我問個老闆到底逢星期幾休息？
佢笑笑口話：「不一定。」
我問佢每日開幾點收幾點。
佢答：「不一定，賣完為止。」
唔係個老闆串嘴，而係好多店舖嘅經營心態都係咁。佢哋唔志在賺大錢，因為就算開廿四小時，賺嘅錢都唔多。
但至少，每個人開舖頭做老闆都唔係為咗賺錢。
另外有一樣嘢同香港唔一樣，香港你遇到鍾意食嘅餐廳，你會把握機會食多幾次，因為你怕下次嚟，佢已經捱唔住貴租執咗冚。
我好鍾意呢種簡樸，但有歷史味嘅地方。而呢套電影，其中一個拍攝場地係一條老街。我每日嘅工作，就係坐喺阻唔到鏡頭嘅位置，望吓個拍攝過程然後寫小說…
除咗主要角色之外，工作人員同臨時演員都好多，我根本唔認得晒所有人，喺佢哋眼中，我只係一個默默打開電腦打字，眼望望又無乜作為嘅人。
每日劇組放午飯，我就會趁機會周圍行，熟悉吓周圍嘅場景。大約拍攝過咗一個星期，我開始認得大部分工作人員同演員。
而我對其中一個臨時演員特別有印象，唔係因為佢好靚，而係因為佢每日都會著住同一件旗袍，靜靜咁企喺樹底下睇住電影拍攝。但奇怪嘅係，每日午飯時間，同埋拍攝完畢，總係會唔見咗呢個女仔嘅蹤影。
有日我喺午飯時間，如常咁喺場地附近探索，當我行到一條老街，就遇見呢個著旗袍嘅女仔。於是我行埋去同佢打招呼，佢亦向我微笑點頭。我問佢點解唔同其他工作人員食飯，佢只係搖一搖頭，無講到任何嘢。
呢個旗袍女仔，有一把烏黑直直嘅長髮，細緻嘅臉蛋，五官輪廓細緻，白皙嘅皮膚同附近嘅陽光與海灘完全唔襯。
由於我係一個，唔會周圍撩女仔嘅紳士，再加上佢根本唔理我，只係好專注咁凝望住老街嘅舖頭，所以我只好識趣咁扮晒嘢離開。
到當日拍攝完畢，工作人員決定揸車去墾丁大街食餐飽。由於人數眾多，要安排七部八人座嘅車，仲要來回兩次先載得晒所有人。
我呢類無乜貢獻嘅人物，梗係留守現場，等第二輪車先接載我離開。演員同臨時演員都係第一批離開，而我又見到個著旗袍嘅女仔，佢坐咗喺一個公園旁邊嘅長凳。於是我就問工作人員，點解唔載埋個女仔走。
點知，工作人員皺晒眉，唔知我講邊個旗袍女仔，仲問我嚟咗咁多日，到底知唔知個故事講乜…
呢刻我先醒起，個故事應該唔會有旗袍嘅出現。正當我疑惑如果個女仔唔係臨演，做乜佢每日都坐喺旁邊睇我哋拍戲呢？
當我一望過去，呢個旗袍女仔就唔見咗…
當晚我幾乎問過所有工作人員，都話無見過呢個著旗袍嘅女仔，仲話劇本根本無呢個需要。
如果唔係人，咁即係靈體啦～
可能跟得阿公多，我已經變成一個大膽仔。雖然我無阿公見識咁多，但我唯一比阿公優勝嘅係…我夠膽搭飛機吖。（細細聲）
我成晚都諗住呢個旗袍女仔，佢每日企喺度睇我哋拍攝一定有原因。成個片場得我一個人見到佢，令我有種「我需要幫佢，因為得我可以幫到佢」嘅念頭。
可惜，第日我去到片場，已經搵唔返個女仔。於是我周圍咁搵佢，當我行到去曾經遇見過佢嘅一條老街，我行去佢企過喺櫥窗嘅舖頭…
發現原來係一間影相舖，櫥窗擺放幾幅充滿古代氣息，已經泛黃嘅單人照片。而掛喺櫥窗左下角嘅相，相中人…就係旗袍女。
於是，我推開門行入呢間影相舖，發現個女仔唔止得一張相，入面仲掛住好幾幅唔同衣著嘅單人照。
影相舖老闆係一個滿頭白髮，戴住老花眼鏡嘅男人。
於是我同佢講，呢幾日我見到相入面個女仔…
（待續）
**幫手share 我再繼續*
**我發現，無論我出散文、出廣告、出其他詭異短篇…都有人追問我幾時寫阿公。但係阿公又唔見得特別多人睇…
**************
***繁中版***
**************
阿公說過，每隻鬼曾經都是人。
每個人都會與不同的人產生連結。
每隻鬼留在人間不肯投胎，都一定因為這個連結。
有可能是緣分未了，或即使緣分已盡，亦捨不得它中斷。
如果有留意我個人Facebook，應該知道最近我去了墾丁幫忙電影拍攝。
劇組拍攝地點雖然在墾丁，但位置不屬於旅遊熱點，所以周圍給我的感覺都非常簡樸。
除了衣食住行生活所需之外，其他什麼東西都沒有…
戲院？沒有…
商場？也沒有…
我遇到一間很喜歡吃的面店，但它不是每天營業。因為我碰過幾次門釘，我問老闆到底逢星期幾休息？
佢笑說：「不一定。」
我又問佢他每天幾點營業。
他說：「不一定，賣完為止。」
不是那老闆囂張，而是這裡很多店舖都是這樣。他們不志在賺大錢，因為就算開店二十四小時，賺的錢也不多。
但至少，每個人開店做老闆，都不是為了賺錢。
另外有一個地方跟香港不一樣，在香港你遇到喜歡的餐廳，你會把握機會多吃幾次，因為你怕下一次來，它已經捱不住貴租關門大吉。
我很喜歡這種簡樸，有歷史味道的地方。而這套電影，其中一個拍攝場地在一條老街。我每天的工作，就是坐在擋不到鏡頭的位置，看著整個拍攝過程然後寫小說…
除了主要角色外，工作人員和臨時演員也很多，我根本認不得所有人，在他們眼中，我只是一個默默打開電腦敲打鍵盤，四周圍張望又沒什麼作為的人。
每日劇組放午飯，我也會趁機會四處逛，熟悉周圍的場景。大約拍攝了一個星期，我開始認得大部分工作人員和演員。
而我對其中一個臨時演員特別印象深刻，並不是因為她很漂亮，而是因為她每天都會穿著同一件旗袍，靜靜地站在樹底下看電影拍攝。但奇怪的是，每天午飯時間和拍攝完畢，總是看不見這個女仔的蹤影。
有一天，我在午飯時間如常地在附近探索，當我走到一條老街，就遇見這個穿旗袍的女生。於是我走過去跟她打招呼，她也向我微笑點頭。我問她為什麼唔和其他工作人員食飯，她只是搖一搖頭，好像不打算跟我講話。
這個穿旗袍的女生，有一把烏黑直直的長髮，細緻的臉蛋，五官輪廓細緻，白皙的皮膚跟附近的陽光與海灘完全不配襯。
由於我是一個不會隨便跟女生聊天的紳士，再加上她根本不理我，只是很專注地凝望住老街的店舖，所以，我只好識趣離開。
到當日拍攝完畢，工作人員決定開車去墾丁大街大吃特吃。由於人數眾多，要安排七輛八人座的車，來回兩次才可能載所有人去大街。
我呢種沒什麼貢獻的人物，當然是留守現場，等第二輪車接載我離開。演員和臨時演員都是第一批離開，而我當時又看到那個女生，她坐在一個公園旁邊的長椅子上。於是我問工作人員，為什麼不載她走。
不宗，工作人員皺眉，他完全不知道我說哪一個旗袍女生，還問我來了這麼多天，到底知不知道那故事是講什麼的…
這刻我才記起，故事應該不會有旗袍的出現。正當我疑惑，如果那女生不是臨演，那她為什麼每天都坐在旁邊看著我們拍電影呢？
當我再看過去，那女生已經不見了…
當晚，我幾乎問過所有工作人員，他們都說沒見過這個穿旗袍的女生，還說劇本沒這個需要。
如果不是人，那就是靈體囉～
可能跟阿公有一陣子，我的膽也壯了不少。雖然我沒有阿公見識多，但我唯一比阿公優勝的是…我敢坐飛機吖。
我一整晚都想著那個女生，她每天看我們拍攝一定有原因。整個片場只得我一個人看到她，亦令我有種「我需要幫她，因為只有我才可以幫她」的念頭。
可惜，隔天我去片場，已經找不到那個女生。於是，我只好在附近找她，當我走到遇見過她的那條老街，我走過去她站過的店舖門前…
我發現原來是一間幫人拍照的店，櫥窗擺放幾幅充滿古代氣息，已經泛黃的單人照片。而掛在櫥窗左下角的照片，相中人…就是旗袍女。
於是，我推開門走進店內，發現那女生唔止得一張照片，裡面還掛上好幾張她不同衣著的單人照。
而店舖老闆是一個滿頭白髮，戴老花眼鏡的男人。
我跟他說，這幾天…我看到相裡面的女生…
（待續）
*幫忙share 再繼續**
＝＝＝＝
【阿公講鬼】全集：http://bit.ly/2cAEzAU
《Siri無啦啦開著咗…》
《迷路殭屍》
《慈母回魂》
《隔離鄰宅》
《遊地獄》
《養鬼仔》
《看門狗》
《催情降頭》
《狐仙吃童》
《古曼碌葛真相》
《城寨碟仙》
《逃港拉屍人》
《夢見前世》
《秀茂坪自殺潮》
《兇宅別睡》
《下一站：彩虹》
《阿公前傳》
《尋娃娃》
《香港風水陣》
《住學校鏡子裡的同學》
《別用手機拍攝兇案現場》
《兇宅電視》
ig：BlueGodZi
私生活fb：BlueGodG
