【傻傻去血拼】
牛仔成日問我:爹哋呀,我幾多歲先可以自己去街啊?我話:中學啦,中學開始自己返學,到時帶埋個電話,等我隨時搵到你。牛仔聽後有少少失落,佢好想試吓。退而求其次,佢問我:咁我可唔可以試吓自己搭𨋢?我又話:唔得,如果你困𨋢嘅話點算!
佢完全不是味兒。我睇到佢失望嘅樣,確實係慘慘豬。我諗呀諗,終於諗到招嘢可以兩全其美,就係叫佢落樓下超市幫我買嘢,然後我吊住尾。就係咁,我將一幅雀巢咖啡嘅圖發送到佢手機,我俾左張八達通佢,叫佢同細佬買返嚟。佢哋就異常興奮咁出發!
去到超市,佢搵唔到我要嘅咖啡,於是打電話俾我。我教佢攞住幅圖去問售貨員啦!佢話問咗,都係冇。我話:算啦,咁你買樣野俾自己同細佬,三十蚊筆直架乍吓!就係咁,熊仔買咗包子母奶,牛仔買咗魚仔餅。我全程睇住阿笨與阿占相親相愛,勁溫馨!
😌
#牛仔熊仔去shopping
Search