關於 消費券2022申請資格 ，我們在網路上蒐集到這些相關的討論、資訊與評價

【美國運通「Shop Small 愛·賞·地道」優惠】零售及服務商戶簽賬滿HK$50有HK$25簽賬回贈 (可享10次) + 餐飲及網上商戶簽賬滿HK$50有HK$25簽賬回贈 (可享10次) + 指定商戶簽賬滿HK$150有HK$20即時折扣！

👉 零售及服務商戶簽賬優惠登記：https://amex.co/3AIpV5Y
👉 餐飲及網上商戶簽賬優惠登記：https://amex.co/3wsEsPR
❗ 優惠詳情：flyformiles.hk/15532

雖然有段時間無得去旅行，但其實香港都有唔少高質素嘅本地商戶，等大家去發掘！一直好受大家歡迎嘅美國運通「Shop Small愛．賞．地道」返嚟啦！單一簽賬滿HK$50或以上就有HK$25簽賬回贈！部分參與商戶單一簽賬滿HK$150仲有HK$20即時折扣添！即係話簽一次最多可以慳到成HK$45架！今次仲要超過24,000間本地零售及服務商戶及餐飲及網上商戶都有參與哩個優惠！堅係抵呀！

1️⃣ 零售及服務商戶單一簽賬滿HK$50有HK$25簽賬回贈
✅ 由2021年7月2日至9月15日，憑已登記嘅AE卡於參與商戶單一簽賬淨值滿HK$50或以上，有HK$25簽賬回贈！
➡️ 最多可享10次，即最多可賺HK$250簽賬回贈！每間店舖只可享優惠一次！
優惠一只限首60,000張成功登記嘅合資格卡，登記連結：https://amex.co/3AIpV5Y

2️⃣ 餐飲及網上商戶單一簽賬滿HK$50有HK$25簽賬回贈
✅ 由2021年7月2日至10月31日，憑已登記嘅AE卡於參與商戶之店舖單一簽賬淨值滿HK$50或以上，有HK$25簽賬回贈！
➡️ 最多可享10次，即最多可賺HK$250簽賬回贈！每間店舖或網站只可享優惠一次！
優惠二只限首60,000張成功登記嘅合資格卡，登記連結：https://amex.co/3wsEsPR

3️⃣ 指定商戶單一簽賬滿HK$150有HK$20即時折扣
✅ 毋須登記！由2021年7月2日至2022年6月30日，於部分參與商戶單一簽賬購買正價貨品或惠顧自選食品及飲品滿HK$150或以上，即有HK$20商戶折扣！詳情：http://bit.ly/shopsmall_hk

🥰 優惠一或二同優惠三可以同時enjoy到，即係話簽一次最多可以慳到成HK$45架！勁正！

好多人都以為AE卡淨係可以用喺大舖頭，但其實呢個優惠都有超過24,000間本地商戶可以用到！無論喺港島、油尖旺或者觀塘區返工嘅打工仔們，都可以登記咗先架！因為附近都有成堆商戶俾你揀；唔止係放lunch或收工去食飯，就連買衫、日常用品、化妝品或者美容店都有，啱哂work-life balance嘅你哋啦！不過enjoy 優惠三嘅時候，記得喺付款前要同職員講番會以AE卡付款同使用即時HK$20折扣優惠，所以比錢前要check單呀！

同埋呢個優惠係連附屬卡都用到！記得每張卡都要分開獨立登記呀！

🛍 即睇參與商戶*：http://bit.ly/amexshopsmall_merchants
*僅提供英文版本。

🔥AE信用卡介紹：
1️⃣ AE Explorer信用卡 (記得要喺2021年8月31日或之前成功申請，再簽任何金額一次，有高達HK$500 City Super！迎新仲有高達HK$4,400！新舊AE客戶都有！)：flyformiles.hk/amex-explorer
2️⃣ AE白金卡 (新舊客戶喺2021年8月31日或之前經小斯成功申請都有700,000積分)：flyformiles.hk/7913
3️⃣ AE白金信用卡 (記得要喺2021年8月31日或之前經小斯成功申請都有HK$800超市禮券 或 HK$600崇光購物禮券 或 450,000積分迎新)：flyformiles.hk/4040
4️⃣ AE IT Cashback信用卡 (新舊客戶記得要喺2021年8月31日或之前經小斯成功申請都有額外HK$200 消費回贈) ：flyformiles.hk/5584
5️⃣ AE Blue Cash信用卡 (記得要喺2021年8月31日或之前，用小斯呢條連結成功申請，新舊客戶都可以有HK$300超市禮券，總共高達HK$1,102迎新獎賞架)：flyformiles.hk/3224

以上優惠須受條款及細則限制。優惠三須受不適用日期限制。

#愛賞地道 #起行探索本地商戶 #LetsGoShopSmall #AmexHK

60歲或以上都有得2蚊搭車！首先要申請「樂悠咭」
即睇詳情：https://wealth.hket.com/article/2994978?r=mcsdfb2

【5000元消費券　書面登記有咩要注意？】https://bit.ly/3ybzRmb

【龔成問答信箱】（Q19121-Q19140）

Q19121：

老師，我係你學生，做左700-Tencent既估值，希望你望望睇下做得岩唔岩。

10年合理市盈率為10.75/45.39/47.5/57.35

由於其中一年10.75欠代表性，公司質素上大大提升
所以改用2017年57.35既市盈率

所以，合理市盈率為 (42.39~57.35)，平均值為48.23

而過去5年既每股盈利為 3.71/4.9/8.98/9.46/10.96
平值值為7.602

根據老師上堂教中機構評級，大行預算有20~30%增長

個人認為太高所以改為預算Tencent有10%每股盈利增長
所以用作估值既EPS為7.602*1.1=8.36

估值範圍為:
8.36*42.59=356
8.36*48.23=404
8.36*57.35=480

由於區間唔夠cover大部份股價，所以加10% buffer位比佢估值範圍320-528蚊

而公司會有新既游戲推出以及發展正面，所以係上/下限各自加10%既增長位比佢，所以最新既估值係352-580.8，大約係350-580蚊，可以cover 大部份。

投資策略:

今年熔斷低見325蚊，325-350蚊係便宜區。合理區中間係460蚊左右，現時550附近處於合理區頂部。早前高見600蚊係昂貴區域。所以最好等佢500樓下先買入。

不過追問多兩個問題:

1. 如果其他企似好似tencent有D極端/過時數據，應該改用邊一年數據，你上堂話例如疫情就tick除佢，但係好似tencent反而仲受惠，而且高增長咁點算?

同埋每股盈利最近都有高速增長，特別2016 2017年既3.71/4.9都比現時10.96以及黎緊預測既14/16都低好多，咁應該tick除? 定係改用大行既預期每股盈利?

市盈率都係，由小至大排後10.75唔岩用，我用最高果個會唔會太進取?

2. 你筆記話如果正確既估值係包到股價既一半或以上，想問下係包到圖表1年/3年定係5年既股價?

謝謝你啊~

龔成老師：

你對騰訊（0700）的估值做得不差，企業估值沒有絕對的答案，而我見你已經能掌握到概念，同時有邏輯，運用這個估值方法時，最重要是分析「可比較性」，你懂得那些數據較有代表性，那些數據會刪去，以及怎樣調整，已經是明白了當中的原理。

因此估值有主觀成為，所以沒有絕對的對與錯，最重要是數據背後所代表的邏輯。你的估值我認同的。

至於投資策略，可以。當我地計算完估值後，就配合這股的質素去進行投資，你的策略適合。

1）最重要是「可比較」，即是有無代表，如果說年的情況，不能反映這企業之後的情況，就不應該用，但如果這年根本對佢無乜影響，就應該用這年。

另外，有些行業的變化較大（騰訊都有這情況），就未必適用太多年份，可能用5年，或用7年都得。

至於每股盈利方面，如果是高增長股票，就不能單以平均數，要多用預測數據。

2）大約是5年。

其實所謂的一半以上，都只是一個方向，沒有絕對的，因為估值只是一個概念，不是絕對實數。

------------------------------------------------

Q19122：

成哥你好，關於感謝比亞迪嘅話你都聽到厭了，但都係要多謝你。

再要多謝你教我們月供股票，這是比較容易立於不敗之地的股票策略。

另外想請教你0178莎莎國際熬過左最艱難時期未？可以試試嗎？

0388港交所會否因越來越多內地公司來港上市而更加受惠？謝謝你

龔成老師：

太好了！比亞迪（1211）值得長線的，點都要有d貨在手。

至於莎莎（0178），我相信已過左最難時期，但仍會弱一段時間，唔會太快好轉，加上佢的質素，比過幾年前略減，哈然仍有投資價值，但就唔值得太過大注。

現時你預佢處合理區中下部，中短期弱，慢慢會好轉，但未必及過往咁強。

港交所（0388），會因為較多公司上市受惠，因此長遠正面，不過，股價都反映了相關因素。

------------------------------------------------

Q19123：

老師 之前睇完你條影片分析9988, 我本身280入左一手 我手上仍有8萬資金 依加組合係823 3手 3331 一手 1177一手

9988我應該係咩價位再入多手比較好?
我意向230左右

龔成老師：

你組合的股票，都有質素的，可以持有，但如果想較平衡，可以加入盈富（2800）

阿里（9988）長遠仍是有發展，賺錢能力雖然有少少減，但長遠會同政府同議一些監管方法，以及找到合理的賺錢模式，你預阿里$250以下是合理區的頂位，這股可長線。不過，中短期會波動。

如果有貨，可持有，但就唔需要太急加注，$230以下先加是可以的。

------------------------------------------------

Q19124：

老師，我買左你幾本書研究中，請問ROE 盈利/股東權益 x 100%, 同ROA盈利/總資產 x 100% 的算式中， 是用盈利增長還是每股盈利計算？

我不明白，可以教我嗎？
另外，股東權益是股東應佔溢利嗎？

還是盈利是=毛利嗎？那福壽園的ROA是30.92 嗎？對不起，問題太多

龔成老師：

ROE，盈利÷股東權益，反映股本的回報率有多少，分析點從股東角度出發。

ROA，盈利÷總資產，即是資產所產生的回報率，從整個企業的角度出發。

用總數計算。

股東權益不是股東應佔溢利。

前者是股東在會計上，佔這企業的賬面權益多少。

後者就是本年度，股東賺了多少錢，同盈利十分接近。

毛利是扣除直接貨物成本的數，而盈利是扣了所有成本的數。

------------------------------------------------

Q19125：

多謝阿sir。其實我之前一直都比較負面，人生無目標。自從學習投資後，終於搵到自己有興趣嘅人生目標，由學習、實行、到開始有少少成績，真係好有成功感，而且成個人正面左好多，我相信吸引力法則的，思想正面真的好重要。

我睇書聽講過一個講法，當一個人有能力給予/幫助別人時，其實佢唔只係付出，佢同時都會得到一些收獲。

而阿sir你正正係做緊呢樣野，相信有唔少人因為阿sir你而改變了自己的人生，希望他朝有一日我有能力時，都可以做一個能幫到別人的人。

龔成老師：

對！當一個人有能力給予/幫助別人時，其實佢唔只係付出，佢同時都會得到一些收獲。

我20年前，住公屋，一心想致富，但連買書的書都無，我只有去圖書館。當時我已同自己講，如果我有一天累積到財富，我都想幫翻人。

到而家，我不停寫書，其中一個目的就係回饋翻比個社會，我過往睇書好有得著，都係免費得到知識，我現時有能力，就幫下其他人，而我相信，我幫人的同時，可能社會都會有某些東西回饋比我。

你的方向正確，要保持進步，日後要幫翻其他人，加油！

------------------------------------------------

Q19126：

Hi Sir, 我現在每月供股0003煤氣$2000 想停供
再轉供 2382 舜宇光學 或 1211 比亞迪 $3000
重點問題:

1) 請問舜宇光學 或 比亞迪適合我53歲人士嗎?? 會否太進取??

2) 我目標3-5年內能夠擁有100百萬
之後再邁向200百萬及300百萬會太遲嗎??

3) 另外我昨天開始睇你的書80後百萬富翁(避免追不上進度). 接住會報名上堂向你學習.

以上問題你點睇?? 可否比d意見小妹及萬分感激

龔成老師：

1）比亞迪（1211）的風險較高，未必適合。至於舜宇光學（2382），可以，但都唔能夠佔組合比例過多，你要從整個股票組合的角度去分析。

2）我唔建議你太進取，反而集中平穩增長較好。

你唔好太心急，一步步累積財富，先累積左第一個$100萬先。

3）好，我會建議你同時睇《股票勝經》，遲D見！

------------------------------------------------

Q19127：

阿sir你好，我想請教一下、 同埋可唔可以畀咗啲意見…… 我可以點做……

本人近半百、 單親家庭、 有一個女兒 中五、 要照顧獨居媽媽……

沒有 物業、 租住單位每月 11500…… 本人做多項兼職、 每月大概有兩萬五 收入…… 現金大概十零萬…… 有少量股票揸手但 大部分係蟹貨

分別為瑞聲科技、 長飛光纖、 建設銀行 、黃金etf……

你覺得我仲可唔可以買 到樓？

定係疊埋心水
輪候政府 公屋? 終此一生??
感謝 老師專業分析

龔成老師：

理財要一步步，唔好太心急，現金十萬，應該都足夠基本的需要，但如果要置業，要求你的現金及持續供款都有一定數量，考慮公屋都是一個方案，始終可以減少你租金的負擔。不過我唔太清楚現時申請的入息資格，以及單親家庭會否有調整，你可了解下先，如果入到公屋，可以令你的每月支出減少，能儲到多少少現金。

至於投資方面，以你的年齡情況，可以投資平穩增長股，你可以考慮盈富（2800）。

另外再加1：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

分注或月供投資都得。

至於你原有的貨，暫時就守住先，不是無質素的。

你這樣保持滾存資金，累積財富，到了有一定的財富，可考慮轉去居屋，這都是方向。

另外，你女兒可以叫佢過1、2年，做下兼職，幫補下自己生活費及家庭開支，令佢明白佢都是家的一份子。

加油呀！

------------------------------------------------

Q19128：

龔老師，想請教下我現持股票：京信（2342）$3.3入，瑞聲（2018）$55入，工商銀行（1398）$4.6入，鐵塔（788）$1.56入，這幾隻股票應否繼續持有？

龔成老師：

京信通信（2342）主要從事研究、開發、製造及銷售無線電訊網絡優化系統設備、提供相關工程服務，以及提供電信服務及相關增值服務。

5G的發展，都會對佢有利，但這股規模唔算好大，質素不差，而現時投資價值，算是不過不失，這股可長線，但考慮到佢平貴及規模後，這刻唔建議大注投資。

瑞聲科技（2018）不差的，本身有一定的規模與技術，長遠發展正面，不過，佢增長力不是好強，只能視為平穩增長類別。你有仍可以守。

鐵塔（0788）都可以持有，不用擔心。

工行（1398）你預佢只是收息股，增長力不強，持有都可以，但要睇翻你本身的投資目標。

------------------------------------------------

Q19129：

你好，如我有一千萬作退休，有什麼方法可以賺取每月3萬的利息？當然前題係要低風險

龔成老師：

你可以將這$1000萬，分成5部分。

第一部分投資收息股，你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。

你可以將$100萬資金，平衡地分配在上述的項目上，對你來說是最好平衡風險，同時有穩定的現金流。我相信$30000每月絕對不難。

如果你唔想風險太高，收息股坒例就唔好過多。

------------------------------------------------

Q19130：

Hi，龔成老師
我是24 歲股票初哥 有 1m 現金 如何選擇

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你24歲，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，而你只是初哥，因此這刻不用急著投資，你可以集中在平穩增值股先，潛力股小注好了。

建議你暫時只動用$20萬，分注投資，到你有一定的知識與經驗後，再動用餘下資金。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q19131：

龔老師，好多謝你的分享！我係澳門的粉絲，67歲退休人士。你的意見對我很有幫助，給我信心。去年買了年報勝經閱讀，受益良多。

請問老師，有那些收息股可作為平衡內銀股的收息股配置？

期待老師明年新書早日到澳門，也期待老師在澳門開班授課！

龔成老師：

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、置富（0778）、陽光（0435）、高息基金（3110）都可以。

總之唔好過份集中在同一類別，所有股票都有一些不可預期的風險。

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班班」就得。我地有具體資料就會 whatsapp你。

因為現時已有好多澳門人留左位。

------------------------------------------------

Q19132：

成哥你好，其實我follow作你既page都年幾，你可以話係我既明燈，點醒作我，完全改變固有思維，並且開始行動既人。

想請教你一個問題，我啱大學畢業無幾耐，之前讀既專業係finance做作幾個月理財行業，雖然學到野，但發現並不適合自己，由於受到你既影響下令我對投資尤其對股票特別感興趣

現在想轉做相關行業，你會建議我去證券行，定係一d大型既投資公司做比較好，亦或有其他相關選擇，希望你花幾分鐘回答小弟，感激不盡！

龔成老師：

其實以你這個年齡，最重要是試多D，我會建議你先去證券行試下，因為大型既投資公司，你有可能入職後較穩定，之後未必轉去其他地方試。

反而你應該不斷試不斷學，這是最重要，所以你可以先去證券行，有可能有突破，之後可以考慮再轉其他地方。

你唔需要想得太多，如果從長遠角度睇，最重要是這刻的學習，未必是該工作的發展。

------------------------------------------------

Q19133：

你好，我今年30歲，為自己定左個目標要2022年7月要有3百萬資產，希望你可以俾啲意見。

現時總資產有1.5M ，包括:
1. 現金: 300k
2. 股票 : 1m （60% 1211, 14% 1928, 7% 1038, 4% 2382, 小量嘅 3,2800, 1398, 1810）
3. 基金加MPF : 300k

月入 30K ,扣除供樓及基本消費，每月可儲10K

我分析過自己嘅情況，知道要達到目標有三方面要做:
1. 投資
2. 增加收入
3. 減少支出
而投資係最有效，因為我就算轉左工，人工多10-15K ，都係唔足夠去達到目標。

我計劃做以下嘅野:
1. 重溫重溫基礎班及進階班筆記
2. 月供計劃 - 5k
- 2k 1177
- 1.5k 27
- 0.5 k 1928
- 0.5 k 3
- 0.5 k 2800
3. 每月寫一份企業評估表（ 包括睇5年年報，比較兩間競爭對手，計算估值）
4. 重溫思考致富及秘密，嘗試用書入面嘅技巧
5. 每月睇一本投資書
6. 控制每月消費支出在6千以下
7. 不停揾工

希望你可以俾啲意見，例如仲有啲乜我可以做？

另外，1211原先只佔組合3成，但大升後佔了6成，我需要減持嗎？還是要買其他股份，去降低1211佔比？

謝謝

龔成老師︰

比亞迪（1211）近期升左唔少，令你組合佔比重左。但由於佢優質，你唔雖要去沽出佢。只要未來資金，暫時唔好加注係佢身上就可以。

但你現有持股中，工行（1398）只是收息股，無乜增長力，唔好加注。同時間，你未來應以盈富（2800）做重心，咁個組合會平衡些。

月供方面，比例上有點集中在博彩股（金沙1928和銀娛0027）。同時，部份股票的月供金額過低，這會令月供成本增加。

你可以將佢地集中係盈富（2800），咁可以減少你月供成本。

我見你的計劃及方向都是可行。你只要堅持做就得。

成功好多時都是一步步，無一個特快的方法，只要你保持做上述的要點，成功是遲早的事，不過，好多人都無法堅持，所以，關鍵是「堅持」！

如果想我比意見，可以在「怎樣增加長遠收入」加強，你不止要找一些短期收入上升的工作，同時要想一些對你長遠最有利，長遠才是核心，加油！

------------------------------------------------

Q19134：

老師，我覺得中國航空業在後疫情有前景，對以下企業有興趣並且想建倉，
請問現時股價合理嗎？

694 北京首都機場
1055 中國南方航空
670 中國東方航空

龔成老師︰

航空業在疫情過後，會慢慢回復較正常水平。但你預要些時間，唔會係一年半年架事。

而且航空業本身都有些改變，發展前景已經無以前咁好，唔建議投資太多資金在此行業。

北京首都機場股份（0694），首都機場有佢地位，但近年賺錢能力減少左，整體只屬中等的質素。

現時的估值合理，但由於本身有風險，因此不建議太大注。

南航（1055）質素算是中等，最近因肺炎影響，股價跌左好多，這出現了投資值博率，但由於企業本質唔能夠稱為好高質素，因此，唔建議投資得太多。

中國東方航空股份（0670）於1995年4月在中國成立，主要經營民航業務，包括客運、貨運、郵運及其他延伸的航空業務，為中國三大航空公司之一。

睇翻企業本身，盈利就十分波動，而且賺錢能力出現下跌情況。再加上負債不輕，此股質素不高。長線計，投資其他優質股會較好。

------------------------------------------------

Q19135：

你好呀龔sir, 我最近計算緊八年後我大概會草到幾多錢
現金儲蓄方面就易計d

我預期每月草$5000所以八年就$480000
但股票方面個每年增長率我應該係用咩數？

我持有既多數都係平穩增長股 另外有一手吉利 total 有十五萬

股票投資方面我有冇方法可以大約知道八年後會增值到幾多？ 謝謝你

龔成老師：

可以用10%（股票增長+股息）作為計算的基礎。

如果你每月能儲$5000，一年$6萬，投資8年，預期滾存到$68萬。

如果你現時股票為$15萬，假設10%滾存，8年預期滾存$32萬。

因此，大約合共為$100萬。

------------------------------------------------

Q19136：

多謝龔sir 解答！而家睇緊財務自由行，見到第四章提到大富翁背後的舞台，裡面有御藥堂，呢隻股票之前都有買過，阿sir 對呢隻股票點睇？

以下係我之前ge投資組合，是否需要改善？

0003 3000股@10.92
939。 5000股@5.48
1398。5000股@4.21

1928 1200股@30.9
1128。2800股@12.1

1310。10000股@9.57
2800。2500股@24.952
6823。2000股@10.12

9988。200股@251
1810。1000股@20.75
1177。5000股@7.87

如果睇完財務自由行，跟住應該睇邊本書？
唔該曬！

龔成老師︰

順騰國際控股（0932）即御藥堂，其生意無增長，年年虧損，加上2019年的核數師意見有少少問題，這都反映企業本身的投資價值唔高。

當我地選擇投資項目時，應參照自已人生階段。年輕時，可以用"平穏增長股" + "潛力股"，到中年"潛力股"比重要減少，到近退休應集中在"收息股"上。

你以上持股有點雜亂，不同類型都有。我建議你因應自已年紀，去作出調整。

潛力股︰阿里（9988）、小米（1810）、中生（1177）
平穏增長股︰煤氣（0003）、金沙（1928）、永利（1128）、盈富（2800）
收息股︰建行（0939）、工行（1398）、香港寬頻（1310）、香港電訊（6823）

如果你睇完財務自由行，可以睇"股票勝經"。

------------------------------------------------

Q19137：

老師 有個問題想問，我地計完合理價錢，通常同市場價格相差較大，大多數現價會略貴。

好似小米 阿里巴巴咁 小米合理價大概係17 依家係25 阿里巴巴250係合理價頂區，咁佢地會唔會 不一定跌返落去合理價，然後繼續升？

還是時間問題，一定會跌返去合理價？

龔成老師︰

佢地會唔會回到合理區，的確無人會知。

因為不少優質股，佢地質素太高，經常會維持在高位。如果等合理區才入貨，有機會真係一直入唔倒。

在理論上，長遠的股價會回歸翻合理價值，不過，有時市場長期睇好，又或該股的實質價值不斷向上，都有機會令佢較長時間貴。又或同一價位，因為價值提高，由貴變合理。

所以，有時我地都會係偏貴少少架時候，入小注，去平衡入唔倒貨架風險。

另一個方法，就係用月供去儲貨。

------------------------------------------------

Q19138：

龔sir 國內物管2020排名top 1-4 分別係6098,2869,6049,3319 ，不過top 4 之中只有6049跌穿3月低位，想問下你點睇？

龔成老師：

上述4間都是有質素的物管公司，加上行業發展正面，都有投資及長線持有的價值，只是平與貴的問題。

唔好太著重中短期的股價，最重要是企業長期的價值。

------------------------------------------------

Q19139：

想問老師你一直同我地分析香港股票rather than美股或其他國家股票

係咪因為只係focus係香港市場已經足夠？
定係怕我地handle吾到美股等資訊？

同埋想問Tesla同apple 2隻股票係咪值得長期持有？有時見老師你成日都會講市盈率去作為其中一個分析現時價錢係平定貴，想問點分析到e個index？

龔成老師：

我地投資，最重要是選「優質股」，以及「自己熟識的股票」。

香港及美國及其他地方，都可以選到優質股，但在資訊及認識上，我會偏向港股。如果你能了解美國公司，當然可以投資，而你上述講的兩隻美股，都可以長線持有。

長遠來講，我相信中國與美國是兩個好強的國家，相關企業都值得投資。

恆指的平貴，可以用市盈率作為入門分析，一般以10倍市盈率以下開始平。要留意，由於近期鴐入了多隻高市盈率的新經濟股，因此原本24000點以下就是平，現時大約去到22000先算平。

------------------------------------------------

Q19140：

多謝啊Sir你每次既耐心教導。
我忙到年尾，就會係下年報讀進階班

另外，睇左啊Sir 10本著作，上左初階班，小弟真係非常欣賞你。唔單止係投資上，更重要係心態思維上。

小弟係一位90後，24歲開始從事保險事業，現有一條30人團隊。有幸兩度置業、年收入$250萬。今年開始拜師啊sir開始學習投資。

小弟明白如果可以更上一層樓，有一位伯樂指點是非常重要。小弟有個冒昧請求，希望可以請阿Sir你食餐飯或飲杯咖啡。

知道你時間非常寶貴，亦都非常繁忙，如果你答應真的萬分感謝。唔知你會有空嗎？

龔成老師：

見到你咁成功，太好了！

你這個年齡已有這成績，相信這行好適合你發展，你保持著「THINK BIG」就思維就得。要不斷令自己進步，更上一層樓！

至於食飯，先多謝邀請，但實在抱歉，始終我實在太忙，未能出席。你加油，保持進步！

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。