［第五餐］［台北美食日常］林東芳牛肉麵
喂，一日三餐，差不多啦。而且之前只係小籠包，飯麵都冇。半夜叫呢個。
林東芳亦係名店，遊客店，應該不用多介紹。唯一想講係搬過，以前在我舊公司（以前做台灣公司呀）對面，而家……我都唔記得在邊個位，好似係中山區八德路。
新舖我都去過，好似有一排做廿四小時。無論如何都係收得夜。外賣送到兩點半。夜鬼恩物
又，如果只推薦一間，我都會推呢間。其實口味真係好個人，香港人又嘴刁，加上好多都熟台北。但你見我推都係啲比較「大眾」口味嘅，即係你推畀任何人應該都OK，唔會太貴（但以香港人嘅收入台北唔會好多嘢真係好貴啦下）。林東芳咪大大路路，好特別又冇乜，但冇乜人聽過伏。反而我當時食永康街牛肉麵就覺得幾伏。
又，留意下小插曲（埃汾真係食個麵都咁多故事），見唔見近乎冇蔥？咁固然我唔多食蔥，但一來近年口味唔同咗（＊），好多時都會食。二來牛肉麵係應該有蔥嘅，反正亦不多。三來呢，我真係冇叫走蔥，如果有叫就唔會有少少（咁我唔知有冇得少蔥咁刁鑽）（＊＊）
所以，我係冇走蔥嘅。咁點解咁少蔥！你估下？！
是這樣的，因為湯係分開上（好正常），又，湯好熱，讚下。但，佢用個透明膠袋裝住湯，綁到實一實。問題嚟啦，我成日都解唔到嗰啲結。其實我根本連成個大袋都解唔到！但我用個指甲銼，再加埋好暴力咁扯開咗（好似睇AV啲男人扯絲襪咁）
之但係，入面嗰包湯呢，就梗係不能咁玩！會死人的。
最後？我選擇問酒店前台拎（喂畀5700一晚呀！）。但佢地冇覆，咁春宵一刻直筆甩，我就唔會等。「最後我係用個指甲挫拮穿個袋」「然後啲湯就好似荷蘭少年條堤壩（？）咁漏出嚟」—咁湯當然流到出嚟啦，但蔥呢啲大粒子就流唔到了。屌！中學教Osmosis都係咁咋！水咪過到去！但葡萄糖咪過唔到！（＊＊＊）
咁放心，我當然，係在洗水盆先做呢樣嘢啦！唔係在枱上做下話，「十四日冇人人嚟執房喎」，射到周圍係點算？幸好最後都係有秩序咁慢慢流
又，到我搞掂啲湯，酒店先覆我（用LINE啦），話可以借較剪，已放在我房門，但叫我用完話佢知上嚟收返。於是，就真係夏目漱石（以前1000日圓上面嗰個）/森田芳光《其後》啦！（＊＊＊＊），我要嗰時你唔出現，而家畀把孖人牌我都冇用啦！仲要即還。結果我請求話，「就係因為叫外賣先要用呀，可唔可以留低十四日？」。前台就居然話好，實在太好，但叫我記得還。我話冇問題啦，立此為證，軍令狀都得（＊＊＊＊＊＊）
（＊）口味係真係會變的，只係慢慢。中學大學時我堅持餐餐有米落肚，食炒粉麵都覺得空虛，後來就改變咗。同樣，中學大學時我唔食酸瓜，叫麥當勞我會拎出嚟唔食，或者吐出嚟（應該唔少同學見識過），但而家會食，甚至幾鍾意食。
（＊＊）理論上個附注你好似寫乜都得的。
（＊＊＊）話說回頭，你見都係有啲蔥漏咗出嚟！「其實比較似你搵針拮穿避孕袋咁，會出事的」
（＊＊＊＊）即係，我好口渴時冇水，你之後畀幾缸水我都冇用架大佬。類似故事亦見於《莊子》。莊子又係經典，問人借米不遂仲惡過人，人地話收到租先畀佢，佢就講個故事串人：「我嚟嗰時見到條魚就死呀，同我講要水，我話好呀，我去引西江水畀你，等我幾日。結果條魚同我講：你到時去鹹魚舖搵我啦柒頭，唔借就唔借啦，唔使咁講嘢嘅」
（＊＊＊＊＊）好似之前都講過，三國演義呢啲，越大睇越有味道。特別係關公，「咁受歡迎係有原因」。唔止係好打，呂布仲好打啦。但關公嘅政治手段先一流。「降漢不降曹」呢下語言偽術真係正，一個中國各自表述。仲有，「立軍令狀」呢下，後來變成華容道打假波放水，畀你見到中國人公司，只要老細親信，話知你公然違反規矩啦，Compliance 諸葛先生奈得你何？當然，關公最後麥城畀下屬跣就管人不佳了，證明都係不能做管理層
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h） #ivanliresearch #台北隔離十四天 1/15
台北德立莊酒店鬼 在 [心得] 台北德立莊酒店疑似遇到靈異事件- Hotel - PTT生活政治 ... 的推薦與評價
住宿名稱：德立莊酒店入住時間：2021/12/28 住宿地址：台北市中正區秀山街4號住宿 ... 但是仔細去尋找，卻找不到太多有關這間酒店鬧鬼的文章，不知道是為什麼會出現 ... ... <看更多>