《任何機會，都可能係一次華麗的邂逅》
今朝完成了人生第一次書展發佈會，其實真心講，一開始知道日期時間之後，加上自己呢兩日其實有輕微的腸胃炎，真係有一刻諗過：不要在非最佳狀態進行，將呢個咁寶貴嘅時間讓比第二啲有需要嘅作家？甚至助手都同我講：「不如我幫你取消，你個樣好似好虛。」但係，現實歸現實，大丈夫一言九鼎，應承咗主辦單位，就唔可以隨便取消，狀態幾差都要尊重返個活動。
我想表達嘅道理係，如果我今日真係取消冇去到，除咗得唔到主辦單位嘅紀念品之外（笑），仲會失去書展主辦單位方面對我嘅信任、仲好有機會被Blacklisted，同埋未必可以同才子陶傑近距離接觸，甚至有幸俾佢邀請將來上光明頂做嘉賓，得到前輩的認同，真係超級十萬分榮幸，希望將來有機會喺大氣電波入面同才子對話，同讀者分享一下新書及今年的求職方向。
細個成日追女仔，其貌不揚（都係賣才華），勝在膽大心細，呢啲技能、厚面皮，應用係獵頭上面，都係無往而不利。我成日都講：你肯嘗試就有50%機會，唔肯踏出一步，冇決心，你一半機會都唔會有。我嘅太太，都係我咁樣追番嚟㗎，邀約超過50次，每次都有唔同嘅藉口或「時間就唔到」去推卻，知道佢鍾意睇反斗奇兵，咁啱當時公司附近就係英皇戲院，我心諗：買咗飛先，一半機會佢話去、一半機會佢話唔去，就算佢唔去，我自己睇都好。即刻狗衝落去買戲飛，飛都買埋，佢都唔好意思再推，可能佢欣賞我個人幾𨳍、永不放棄嘅精神，最後都做咗我老婆；獵頭方面，經常都遇到唔肯開Roles俾我嘅客、唔肯轉工嘅Candidate，放棄其實好容易，但係堅持到最後先係勝利。
一年以來，做咗500幾個Career Coaching；我知自己個Facebook page都有好多搵工搵到好迷惘、甚至係被辭退、有經濟負擔壓力、好急切需要搵工嘅人，我想借自己嘅故事同大家講，喺呢一個咁差嘅時候搵工，的確係好難，但要相信真係會搵到一份更好嘅工！
雖然整個時間係比之前嘅長，但你只要裝備好自己，唔好放棄，唔好忽略一個機會，最緊要係相信自己，你一定會遇到更好嘅上司同埋公司會比最好嘅機會。
任何機會，都可能係一次華麗的邂逅。
我今朝都唔知道，陶傑會邀請我上光明頂，所以世事就係咁微妙，機會真係留俾嗰啲默默耕耘、永遠相信自己、永遠唔放棄的人。
共勉之。
Follow我哋IG：
🔝最新職位空缺：Fillturegroup
🔝最新職場情報及冷知識：Fillturecareercoaching
🔝全職獵人：Fulltimeheadhunter
新書訂購：https://docs.google.com/forms/d/1tjPYjkZpYiQDzv_V3PrKgxj78FUim57G7RDZa6KWBT8/
其貌不揚意思 在 漢典“其貌不揚”詞語的解釋 的相關結果
其貌不揚 成語解釋 ... 【解釋】不揚：不好看。形容人容貌難看。 【出處】《左傳·昭公二十八年》：“今子少不揚，子若無言，吾幾失子矣。”杜預注：“顏貌不顯揚。”唐·裴度《自 ... ... <看更多>