傑斯尹耀昇 在 Facebook 的最佳解答
傑斯尹耀昇 在 Apple Daily - English Edition Facebook 的最佳貼文
A Hong Kong radio talk show host arrested for alleged sedition charges had been denied bail In March due to his “close ties” with organizations in Taiwan, according to the judge.
Read more: https://bit.ly/3tLWlrA
網台主持「傑斯」尹耀昇被控煽動罪，今年3月曾向高等法院申請保釋，但被拒絕。國安法官杜麗冰指傑斯與台灣組織「台灣基督長老教會」及「民間司法改革基金會」關係密切，潛逃誘因極強，不宜批准保釋。
____________
📱Download the app:
http://onelink.to/appledailyapp
📰 Latest news:
http://appledaily.com/engnews/
🐤 Follow us on Twitter:
https://twitter.com/appledaily_hk
💪🏻 Subscribe and show your support:
https://bit.ly/2ZYKpHP
#AppleDailyENG
傑斯尹耀昇 在 吳文遠 Avery Ng Facebook 的精選貼文
//昔日京官來港就政改「宣旨」，總會見到社民連「長毛」梁國雄示威的身影。他因為參與民主派初選成為47名被捕民主派人士之一。早前港澳辦副主任張曉明來港交代閹割香港選舉，首位到場示威的變成長毛多年戰友、也是其髮妻的陳寶瑩。帶着47人家屬和港人身份，陳寶瑩覺得在高壓政權下不能「鴉雀無聲」，「正如其他巿民嚟撐上庭、聽審、送車、寫信，呢啲所有嘢，對囚友本身有個鼓勵作用，你亦令到香港其他人覺得，我哋仲有啲人願意可以撐住。」
長毛被還柙已逾一個月。陳寶瑩在社民連總部、長毛的座位上接受《蘋果》專訪時回憶，今年1月長毛被警方以《國安法》拘捕完全是始料不及，因為《國安法》列明，顛覆國家政權須用上「非法手段」才屬違法，而民主派初選卻是完全合法的行為，「35+」計劃的內容，亦完全根據《基本法》賦予的權力去做。
但隨之而來，是令陳寶瑩最為震驚的提早報到。她記得長毛在提早報到前與友人的最後一次聚會，向來「硬淨」的她也不禁落淚，「我記得食飯時，有朋友話唔使擔心，話警察同林卓廷講，只係要兩個鐘頭，佢就可以返屋企嘞。雖然我哋口講『警察嘅嘢都好信？』但老實講，聽到呢個講法，個心係鬆一鬆，所以有餐安樂茶飯食咗。你話係幾可憐，少少嘅希望……少少嘅希望都想嗱住，好似救命草咁……」
長毛與多名民主派人士都不獲保釋，被還柙逾月。陳寶瑩坦言至今不明白法庭批准保釋的準則，認為《國安法》已完全扭曲過去申請保釋的程序，對被捕人和處理相關案件的法官都不公道，而更不公道的是警方至今未能提供犯罪證據，「咁咪即係未審先判？呢個仲要已經唔係第一單，快必（譚得志）、傑斯（尹耀昇）全部都係咁。終審法院話無違反無罪推定，但現時你係要人坐監喎，如果無罪，點解要受罰？」
陳寶瑩認為，今次政府處理「47人案」的方法，會動搖港人對司法制度的信心，「其實現時成個香港都出現一種情況，就係總之佢口大，佢話乜就乜，變咗係無道理可言。所以我有時都同法律界朋友講，即使你點樣熟讀法律，或者幫佢（被捕人士）諗好多嘢，佢根本可以唔需要點樣解釋，總之佢就判咗。」
陳寶瑩自言，她除了是「47人案」的家屬，也是一位香港人，正如當年波蘭被共產黨鎮壓，香港人和公民社會未來在高壓政權下最重要是繼續「做應該要做嘅嘢」，「我哋企出嚟呢個訊息好重要，正如其他巿民嚟撐上庭、聽審、送車、寫信，呢啲所有嘢，對囚友本身有個鼓勵作用，你亦令到香港其他人覺得，我哋仲有啲人願意可以撐住，盡我哋嘅能力，喺一個咁有限嘅空間入面去發聲」，「我最怕嘅就係鴉雀無聲，因為你一唔出聲，咁呢個所謂嘅（社會運動）下坡就會直滾落去。」
她相信即使政府透過《國安法》和限聚令等惡法令港人無法發聲，社會矛盾還是無法消除，「2019年區選，已經顯示大部份、起碼六成香港人係支持民主、支持五大訴求，大部份香港人都係企喺民主嗰一邊。而家佢夾硬用呢啲強制方法令我哋收聲，但個矛盾無解決到，無論係經濟，或者政治嘅矛盾。呢個咁嘅壓力煲，我哋唔知會幾時爆發。」//
