《或者遇到任何人都會落得如此下場》
好多人拍拖都會叫頭三個月做熱戀期。
過咗熱戀期之後，無論對話、出街次數、甜言蜜語、身體接觸都開始每況愈下。
有人話呢種情況係由激情變感情，步入穩定期，但人總需要新鮮感同刺激感覺，關係一淡，相處問題同考驗自然慢慢浮出嚟。
由初初相識，whatsapp對話多到係咁響係咁震，雙方回覆速度貼近秒回，你會拎住部手機期待對方會打啲咩比你
你會對住電話而甜蜜而笑，你會花心思構思點修飾對話令對方睇得更開心
你會Morning call 對方，你不時會打掛住你，著多件衫，記得早啲瞓嘅說話
每晚都想聽到對方把聲而傾陣電話，聽完瞓覺都瞓得好啲
出街時侯，對方企喺你身旁，你會緊張，你會好唔自然
你亦都會緊張對方諗緊咩，做緊咩，點樣睇你
未講到曖味時，種種感覺已經令你平凡生活感到多姿多彩
到正式拍拖時，雙方可以明正言順地投入更多愛同付出更多
就好似之前一直都手執住放啲蚊型煙花，呢刻就好似維港煙花大匯演咁傾巢而出
但火花總有一日會燃燒完
Whatsapp對話開始少，一日幾個係正常，多過10已經開香賓慶祝
對話內容開始單調，有事先會搵你
有時見到對方Send MSG嚟都唔會即時回覆，而係睇一睇，再放返低手機
傾電話都比較少，要專注嘅地方由伴侶轉移到其他事情身上
出街次數亦少，以往會Plan定下次去邊，呢家只係求其搵地方Hea下當活動就算
無論做咩嘢都好，感覺就好似無咗拆禮物嘅驚喜
去到呢個位，好多人叫呢啲做 「淡」
回望返初初相識眼前呢個伴侶，你會諗點解關係會變成咁?
無論友情又好愛情又好，係咪遇到任何人都會落得咁嘅下場?
唔少人選擇分手，亦有人選擇偷食
偷食其中一個原因係現任伴侶滿足唔到自己，不論心靈定肉體上，自然地喺其他人身上拿取
新鮮感就係遇到一個新嘅對象，關係就好似岩岩同伴侶相識咁
有刺激感，有緊張感，企埋一齊會唔自然心跳加速
彷彿久違咗嘅感覺一下子湧出嚟
但事實上，情況好似不斷重演，最終都會「淡」，亦都會破壞現時關係
面對「淡」，係咪得返呢兩個選擇呢?
其實任何感情都會有「淡」嘅一日，如果因為淡而離開或背叛，咁實在太令人無奈
可能有時侯識耐咗，明白大家需要啲咩，唔需要啲咩
又或者叫做磨合期，又係感情上另一個階段
「淡」唔一定代表關係終結，亦都可以代表關係穩定
不過感情有落差，「淡」係會令人難受
面對呢個處境，最好大家好好溝通
不時哄下對方，製造返多少驚喜
感情係雙向，一隻手係拍唔響，要一生一世就要雙方努力了
新鮮感係因為一開始未了解對方先有，了解過後最終下場亦都一樣
既然追逐新鮮感，倒不如諗下點樣保鮮
若日曆一篇一篇真的可倒退
重頭來與你代入她的軌跡裡
誰人會被拒 誰人作伴侶 難道有規矩
假使你是情侶 假使你共同一起生活裡
同樣會記掛她身於咫尺心於千里不可抑壓像潮水
想想我為誰廝守終生死去 罪惡感中找樂趣
假使你是情侶 在 陳奕迅Eason Chan - 遠在咫尺(Official Lyric Video) - YouTube 的推薦與評價
立即到各大數碼平台收聽專輯《The Key》:https://umhk.lnk.to/TheKeyYD曲: Eric Kwok詞: 林若寧編: 林知秋監製: Eric Kwok香港環球唱片官方網頁: ... ... <看更多>